Vimshabrahmana 91: atha ṣaṣṭhaḥ khaṇḍaḥ
Viṃśabrāhmaṇa 91
- Language
- Sanskrit
atha ṣaṣṭhaḥ khaṇḍaḥ
91.1
yadi kalaśo dīryeta vaṣaṭkāranidhanaṃ brahmasāma kuryāt
91.2
avaṣaṭkṛto vā etasya somaḥ parā sicyate yasya
kalaśo dīryate yadvaṣaṭkāraṇidhanaṃ brahmasāma bhavati vaṣaṭkṛta evā'sya somo bhavati
91.3
(2)‘vidhuṃ dadrāṇaṃ m̐ samane bahūnā’mityetāsu kāryam
91.4
eṣa hi bahūnā m̐ samane dīryate yatkalaśaḥ
91.5
tadāhurna vā ātyai ''rttiranūcyā''rttyā vā eṣa āttiṃmanuvadati yaḥ kalaśe dīrṇe dadrāṇavatīṣu karotīti
91.5-2
śrāyantīyameva kāryam
91.6
śrīyantīyameva brahmasāmatvena karttavyaṃ na vaṣaṭkāraṇidhanam
91.7
prajāpatiḥ prajā asṛjata sa dugdho riricāno'manyata sa etacchrāyantīyamapaśyattenātmānaṃ samaśrīṇātprajayā paśubhirindriyeṇa
91.9
dugdha iva eṣa riricāno yasya kalaśo dīryate yacchrāyantīyaṃ brahmasāma bhavati punarevā''tmānam̐samam̐śrīṇāti prajayā paśubhirindriyeṇa
91.9-2
yadi śrāyantīyaṃ brahmasāma syādvaiṣṇavīṣvanuṣṭuptsu
vaṣaṭkāraṇidhanaṃ kuryāt
91.10
yadvai yajñasya sravati 'vācaṃ pratisravati 'vāganuṣṭup
yajño 'viṣṇurvācaiva yajñasya chidramapidadhāti
91.11
yadvai yajñasya sravatyantataḥ sravati vāravantīyamagniṣṭomasāma kāryyaṃ yajñasyaiva chidraṃ vārayate
Linked texts (3)
- Sāmavedabrāhmaṇānyaṣṭau — Sanskrit
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit