Vimshabrahmana 92: atha saptamaḥ khaṇḍaḥ
Viṃśabrāhmaṇa 92
- Language
- Sanskrit
atha saptamaḥ khaṇḍaḥ
92.1
yadi prātaḥsavanātsomo'tiricyeta 'asti somo
ayaṃ suta, iti marutvatīṣu gāyatreṇa stuyuḥ
92.2
mādhyandinaṃ vā eṣa savanaṃ nikāmayamāno'bhyatiricyate yaḥ prātaḥsavanādatiricyate tasmānmarutvatīṣu
stuvanti marutvaddhi mādhyandinam̐ savanaṃ tasmādu gāyatrīṣu gāyatraṃ hi prātaḥsavanam
92.3
yasmāt stomādatiricyate sa eva stomaḥ kāryyaḥ
salomatvāya
92.4
aindrāvaiṣṇavaṃ hotā'nuśaṃsati
92.5
vīryyaṃ vā indro yajño viṣṇurvvīryya eva yajñe pratitiṣṭhati
92.6
yadi mādhyandinātsavanādatiricyeta(6) 'ṣaṇmahām̐ asi sūryye' tyādityavatīṣu gaurīvitena stuyuḥ
92.7
tṛtīyasavanaṃ vā eṣa nikāmayamāno'bhyatiricyate yo
mādhyandinātsavanādatiricyate tasmādādityavatīṣu stuvantyādityaṃ hi tṛtīyasavanaṃ tasmādu bṛhatīṣu bārhataṃ hi
mādhyandinaṃ savanam
92.8
yasmāt stomādatiricyeta sa eva stomaḥ kāryaḥ
salomatvāyaindrāvaiṣṇavaṃ hotā'nuśaṃsati vīryaṃ vā indro
yajño viṣṇurvīrya eva yajñe pratitiṣṭhati
92.9
yadi tṛtīyasavanādatiricyeta viṣṇoḥ śipiviṣṭavatīṣu gaurīvitena stuyuḥ
92.10
yajño vai viṣṇuśśipiviṣṭo yajña eva viṣṇau
pratitiṣṭhatyatiriktaṃ gaurīvitamatirikta evā'tiriktaṃ
dadhāti
92.11
atha tṛtīyasavane somātireke pakṣāntaramāhaetadanyat kuryuṃrukthāni praṇayeyurukthāni vā eṣa
niṣkāmayamāno'bhyatiricyate yo'gniṣṭomādātiricyate
yadyukthebhyo'tiricyetā'tirātraḥ kāryo rātriṃ vā eṣa
niṣkāmayamāno'bhyatiricyate ya ukthebhyo'tiricyate
yadi rātreratiricyeta viṣṇoḥ śipiviṣṭavatīṣu bṛhatā
stuyureṣa tu vā atiricyata ityāhuryo rātreratiricyata
iti
92.12
amuṃ vā eṣa lokaṃ nikāmayamāno'bhyatiricyate yo
rātrerātiricyate bṛhatā stuvanti bṛhadamuṃ lokamāptumarhati tamevā''pnoti
Linked texts (3)
- Pañcaviṃśa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit