Yajurbrahmana 10
Yajurbrāhmaṇa 10
- Language
- Sanskrit
10.1
tanutaālabhamāno'gṛhṇādasṛjatābharan prajāyerenaṣaṭ ca || anu0 2
tṛtīyo'nuvākaḥ
prajāpatirakāmayata prajāyeyeti | sa tapo'tapyata
sa trivṛtam̐stomamasṛjata | taṃ pañcadaśastomaumadhyataudṛhaṇat | tau pūrvvapakṣaścāparapakṣaścābhavatāṃ | pūrvvapakṣaṃ
devāanvasṛjyanta | aparapakṣamanvasurāḥ | tatodevāabhavan | parāsurāḥ | yaṅkāmayeta vasīyāntsyāditi
10.2
taṃ pū̱rvvapa̱kṣe yā̍jayet | vasī̍yāne̱va bha̍vati | yaṅkāmaye̍ta pāpī̍yāntsyā̱diti̍ | tama̍parapa̱kṣe yā̍jayet | pāpī̍yāne̱va bha̍vati | tasmā̍t pū̱rvvapa̱kṣo'pa̍rapa̱kṣāt kā̍ruṇyataraḥ | pra̱jāpa̍ti̱rvai daśa̍hotā | catu̍rhotā̱ pañca̍hotā | ṣaḍḍhotā sa̱ptaho̍tā | ṛ̱tava̍ḥ saṃvatsa̱raḥ
10.3
pra̱jāḥ pa̱śavo̱'me lo̱kāḥ | yae̱vaṃ pra̱jāpa̍tiṃ ba̱horbhūyām̐sa̱ṃ veda̍ | ba̱hore̱va bhūyā̍n bhavati | pra̱jāpa̍tirde̱vāsurā̱nasṛ̍jata | saindra̱mapi̱ nāsṛ̍jata | tande̱vāa̍bruvan
indra̍ṃ no jana̱yeti̍ | so̍'bravīt | yathā̱haṃ yu̱ṣmām̐stapa̍sā
'sṛ̍kṣi | e̱vamindra̍ṃ janayadhva̱miti̍
10.4
te tapo̍'tapyanta | taā̱tmannindra̍mapaśyan | tama̍bruvan
jā̱yasveti̍ | so̍'bravīt | kiṃ bhā̱gadhe̱yama̱bhija̍niṣya̱iti̍
ṛ̱tūntsaṃvatsa̱raṃ | pra̱jāḥ pa̱śūn | i̱mām̐llo̱kānitya̍bruvan
taṃ vai māhu̍tyā pra̱jana̍yate̱tya̍bravīt
10.5
taṃ catu̍rhotrā prāja̍nayan | yaḥ kāmaye̍ta vī̱romaājā̍yete̱ti̍ | sa catu̍rhotāraṃ juhuyāt | pra̱jāpa̍ti̱rvai catu̍rhotā | pra̱jāpa̍tire̱va bhū̱tvā prajā̍yate | pra̱jana̍dindra̍mindri̱yāya̱ svāheti̱ grahe̍ṇa juhoti | ā̱sya̍ vī̱rojā̍yate
vī̱ram̐ hi de̱vāe̱tayāhu̍tyā prāja̍nayan | ā̱di̱tyāścāṅgirasaśca suva̱rge lo̱ke'spa̍rdhanta | va̱yaṃ pūrvve̍ suva̱rgaṃ lo̱kami̍yāma va̱yaṃ pūrvva̱iti̍
10.6
tatrā̍dityāe̱taṃ pañca̍hotāramapaśyan | taṃ pu̱rā prātaranuvā̱kādāgnī̍dhre'juhavuḥ | tato̱vai te pūrvve̍ suva̱rgaṃ lo̱kamā̍yan | yaḥ suva̱rgakā̍maḥ syāt | sa pañca̍hotāraṃ pu̱rā
prātaranuvā̱kādāgnī̍dhre juhuyāt | saṃvatsa̱rovai pañca̍hotā
saṃvatsa̱raḥ suva̱rgolo̱kaḥ | saṃvatsa̱rae̱vartu̍ṣu̱ prati̍ṣṭhā̱rya
suva̱rgaṃ lo̱kame̍ti | te̍'bruvannaṅgi̍rasaādi̱tyān
10.7
kva stha | kva vassadma̍ | ha̱vyaṃ va̍kṣyāma̱iti̍ | chanda̱ḥsvi̍tyabruvan
gāya̱triyāṃ tri̱ṣṭubhi̱ jaga̍tyā̱miti̍ | tasmā̱cchanda̍ḥsu sa̱hyāśrādi̱tyebhya̍ḥ | āṅgī̍ra̱sīḥ pra̱jā ha̱vyaṃ va̍hanti | vaha̍ntyasmai pra̱jāba̱liṃ | aina̱mapra̍tikhyātaṃ gacchati | yae̱vaṃ veda̍
dvāda̍śa̱ māsā̱ḥ pañca̱rtava̍ḥ || traya̍i̱me lo̱kāḥ | asāvā̍di̱tyae̍kavi̱m̐śaḥ | etasmi̱n vāeṣa śri̱taḥ | etasmi̱n prati̍ṣṭhitaḥ | yae̱vametam̐ śri̱taṃ prati̍ṣṭhitaṃ veda̍ | pratye̱va ti̍ṣṭhati
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (2)
- Taittirīyabrāhmaṇa — Sanskrit
- Āpastambaśrautasūtra — Āpastamba, Sanskrit