Yajurbrahmana 12
Yajurbrāhmaṇa 12
- Language
- Sanskrit
12.1
āna̱ndaṅkuru̱tviti̍ vyāha̍ra̱dvedo̍'sī̱dvedo̍'dhatta pra̱jātyai̍
anu0 4
pañcamo'nuvākaḥ
de̱vāvai varu̍ṇamayājayan | sa yasyai̍ yasyai̍ de̱vatā̍yai̱ dakṣi̍ṇāmana̍yat | tāma̍hvrīnāt | te̍'bruvan | vyāhṛtya prati̍gṛhṇāma | tathā̍ no̱ dakṣi̍ṇā̱ na hre̍ṣya̱tīti̍ | te vyāhṛtya
pratya̍gṛhṇan | tato̱vai tāṃ dakṣi̍ṇā̱ṃ nāhvrī̍nāt | yae̱vaṃvidvān vyāhṛtya dakṣi̍ṇāṃ pratigṛhṇāti̍ | naina̱ṃ dakṣi̍ṇā
hvrīnāti
12.2
rājā̍ tvā̱ varu̍ṇo nayatu devi dakṣiṇe̱'gnaye̱ hira̍ṇyamityā̍ha | ā̱gne̱yaṃ vai hira̍ṇyaṃ | svayai̱vaina̍dde̱vata̍yā̱ prati̍gṛhṇāti | somā̍ya̱ vāsa̱ityā̍ha | sau̱myaṃ vai vāsa̍ḥ | svayai̱vaina̍dde̱vata̍yā̱ prati̍gṛhṇāti | ru̱drāya̱ gāmityā̍ha | rau̱drī
vai gauḥ | svayai̱vainā̍nde̱vata̍yā̱ prati̍gṛhṇāti | varu̍ṇāyāśva̱mityā̍ha
12.3
vā̱ru̱ṇovāaśva̍ḥ | svayai̱vaina̍ṃ de̱vata̍yā̱ prati̍gṛhṇāti
pra̱jāpa̍taye̱ puru̍ṣa̱mityā̍ha | prā̱jā̱pa̱tyovai puru̍ṣaḥ | svayaivaina̍ṃ de̱vata̍yā̱ prati̍gṛhṇāti | mana̍ve̱ talpa̱mityā̍ha | māna̱vovai talpa̍ḥ | svayai̱vaina̍ṃ de̱vata̍yā̱ prati̍gṛhṇāti | uttānāyā̱ṅgīra̱sāyānu̱brūtyāha̍ | a̱yaṃ vāu̍ttā̱naā̍ṅgīra̱saḥ
12.4
a̱nayai̱vaina̱mprati̍gṛhṇāti | vai̱śvā̱na̱ryarcā ratha̱ṃ prati̍gṛhṇāti | vai̱śvā̱na̱rovai de̱vata̍yā̱ ratha̍ḥ | svayai̱vaina̍ṃ de̱vata̍yā̱
prati̍gṛhṇāti | tenā̱mṛta̱tvama̍paśyāmi̱tyāha̍ | a̱mṛta̍me̱vātmandha̍tte | vayo̍dā̱traityā̍ha | vaya̍e̱vaina̍ṃ kṛ̱tvā | su̱va̱rgaṃ
lo̱kaṃ ga̍mayati | mayo̱mahya̍mastu pratigrahī̱traityā̍ha
12.5
yadvai śi̱vaṃ | tanmaya̍ḥ | ā̱tmana̍e̱vaiṣā pa̱rokti̍ḥ | kai̱daṃ
kasmā̍adādi̱tyāha̍ | pra̱jāpa̍ti̱rvai kaḥ | sa pra̱jāpa̍taye
dadāti | kāma̱ḥ kāmā̍ye̱tyāha̍ | kāme̍na̱ hi dadā̍ti
kāme̍na̱ prati̍gṛhṇā̱ti̍ | kāmo̍dā̱tā kāma̍ḥ pratigrahī̱tetyā̍ha
12.6
kāme̍na̱hi dā̱tā | kāma̍ḥ pratigrahī̱tā | kāma̍m̐ sa̱mu̱dramāvi̍śe̱tyāha̍ | sa̱mu̱drai̍va̱ hi kāma̍ḥ | naiva hi kāma̍syānto'sti̍ | na sa̱mu̱drasya̍ | kāme̍na̱ tvā̱ prati̍gṛhṇāmītyā̍ha | yena̱ kāme̍na̱ prati̍gṛhṇā̱ti̍ | sae̱vaina̍ma̱muṣmi̍m̐llo̱ka
kāma̱āga̍cchati | kāmai̱tatta̍e̱ṣā te̍ kāma̱ dakṣi̍ṇe̱tyāha̍
kāma̍e̱va tadyaja̍māno̱'muṣmi̍m̐llo̱ke dakṣi̍ṇāmiccha̱ti | na
pra̍tigṛ̱hītari̍ | yae̱vaṃ vi̱dvāndakṣi̍ṇāṃ pratigṛ̱hṇāti̍ | a̱nṛ̱ṇāme̱vainā̍ṃ pratigṛ̱hṇāti̍
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (1)
- Taittirīyabrāhmaṇa — Sanskrit