Yajurbrahmana 13
Yajurbrāhmaṇa 13
- Language
- Sanskrit
13.1
ṣaṣṭho'nuvākaḥ
anto̱vāe̱ṣa ya̱jñasya̍ | yadda̍śa̱mamaha̍ḥ | da̱śa̱me'ha̍ntsa̱rparā̱jñiyā̱ṛgbhi̍ḥ stu̱vanti̱ | ya̱jñasyai̱vānta̍ṃga̱tvā | annādya̱mava̍rundhate | ti̱sṛbhi̍ḥ stuvanti | traya̍i̱me lo̱kāḥ | e̱bhyae̱va lo̱kebhyo'nnādya̱mava̍rundhate | pṛ̱śni̍vatīrbhavanti | anna̍ṃ
vai pṛ̱śni̍
13.2
anna̍me̱vāva̍rundhate | mana̍sā prastauti | mana̍sodgāyati | mana̍sā pratiharati | mana̍iva̱ hi pra̱jāpa̍tiḥ | pra̱jāpa̍terāptyai | de̱vāvai sa̱rpāḥ | teṣā̍mi̱yam̐ rājñī̍ | yatsa̍rparā̱jñiyā̱ṛgbhi̍ḥ stu̱vanti̍ | a̱syāme̱va prati̍tiṣṭhanti
13.3
catu̍rho̱tṝn hotā̍ vyāca̍ṣṭe | stu̱tamanu̱śam̐sa̍ti̱ śāntyai̍
anto̱vāe̱ṣa ya̱jñasya̍ | yadda̍śa̱mamaha̍ḥ | e̱tat khalu̱ vai de̱vānā̍ṃ para̱maṃ guhya̱ṃ brahma̍ | yaccatu̍rho̱tāra̍ḥ | da̱śa̱me'ha̱m̐ścatu̍rho̱tṝn vyāca̍ṣṭe | ya̱jñasyai̱vānta̍ṃ ga̱tvā | pa̱ra̱maṃ de̱vānā̍ṃ
guhya̱ṃ brahmāva̍rundhe | tade̱va pra̍kā̱śaṃ ga̍mayati
13.4
tadenaṃ prakāśaṃ gataṃ | prakāśaṃ prajāmo gamayati | vācaṃ
yacchati | yajñasya dhṛtyai | yajamānadevatyaṃ vāahaḥ | bhrātṛvyadevatyā rātriḥ | ahnā rātriṃ dhyāyet | bhrātṛvyasyaiva
tallokaṃ vṛṅkte | yadivā vācaṃ visṛjeta | ahnobhrātṛvyāyocchim̐ṣet || yannaktaṃ visṛjeta | rātriṃ bhrātṛvyāyocchim̐ṣet | adhivṛkṣasūrye vācaṃ visṛjati | etāvantamevāsmai lokamucchim̐ṣati | yāvadādityo'stameti
13.1-2
pṛśniṃ tiṣṭhanti gamayati śim̐ṣetapañca ca || anu0 6
saptamo'nuvākaḥ
prajāpatiḥ prajāasṛjata | tāḥ sṛṣṭāḥ samaklidyan
tārūpeṇānupraviśan | tasmādāhuḥ | rūpaṃ vai prajāpatiriti | tā nāmnānuprāviśan | tasmādāhuḥ | nāma vai prajāpatiriti | tasmādapyamitrau saṅgatya | nāmnā ceddhayete
13.2-2
mitrameva bhavataḥ | prajāpatirdevāsurānasṛjata | sa
indramapi māsṛjata | tandevāabruvan | indraṃ nojanayeti | saātmannindramapaśyat | tamasṛjata | taṃ triṣṭubvīryaṃ
bhūtvānuprāviśat | tasya vajraḥ pañcadaśo hastaārpadyata
tenādahyāsurānabhyabhavat
13.3-2
yae̱vaṃ veda̍ | a̱bhibhrātṛ̍vyā̱n bhava̍ti | te de̱vāasu̍rairvi̱jitya̍ | su̱vargaṃ lo̱kamā̍yan | te'muṣmim̐llo̱ke vya̍kṣubhyan
te̍'bruvan | a̱muta̍ḥ pra̱dāna̍ṃ kaupa̱jijī̍vi̱meti̍ | te sa̱ptaho̍tāraṃ ya̱jñaṃ vi̱dhāyāyā̱sya̍ṃ | āṅgī̍ra̱saṃ prahi̍ṇvan | etenā̱mutra̍ kalpaye̱te
13.4-2
tasyāvāi̱yaṃ klṛpti̍ḥ | yadi̱daṃ kiñca̍ | yae̱vaṃ veda̍ | kalpa̍te'smai | sa vāa̱yaṃ ma̍nu̱ṣye̍ṣu ya̱jñaḥ sa̱ptaho̍tā | a̱mutra̍ sa̱dbhode̱vebhyo̍ ha̱vyaṃ va̍hati | yae̱vaṃ veda̍ | upai̍naṃ ya̱jño
na̍mati | so̍'manyata | a̱bhi vāi̱me'smā̍llo̱kāda̱muṃ lo̱kaṃ
kra̍miṣyanta̱iti̍ || sa vā̱caspate̍rhṛ̱diti̱ vyāha̍rat | tasmā̍t pu̱cohṛda̍yaṃ | tasmā̍da̱smā̍llo̱kāda̱muṃ lo̱kaṃ nābhikā̍mayante | pu̱cohi hṛda̍yaṃ
13.1-3
hṛda̍ye̱tea̍bhavat kalpayete̱ti̍ ca̱tvāri̍ ca || anu0 7
aṣṭamo'nuvākaḥ
de̱vāvai catu̍rhotṛbhirya̱jñama̍tanvata | te vipā̱pmanā̱ bhrātṛ̍vyeṇāja̍yanta | a̱bhisu̱vargaṃ lo̱kama̍jayan | yae̱vaṃ vidvām̐ścatu̍rhotṛbhirya̱jñaṃ ta̍nu̱te | vipā̱pmanā̱ bhrātṛ̍vyeṇa jayate | a̱bhisu̱vargaṃ lo̱kaṃ ja̍yati | ṣaḍḍho̍trā prā̱yaṇī̍yamāsā̍dayati | a̱muṣmai̱ vai lo̱kāya̱ ṣaḍḍho̍tā | ghnanti̱ khalu̱
vā e̱tat soma̍m | yada̍bhiṣuṇvanti̍
13.2-3
ṛ̱judhai̱vaina̍ma̱muṃ lo̱kaṃ ga̍mayati | catu̍rhotāti̱thyaṃ | yaśo̱ vai catu̍rhotā | yaśa̍ e̱vātmandha̍tte | pañca̍hotā pa̱śumupa̍sādayati | su̱vargyo̱ vai pañca̍hotā | yaja̍mānaḥ pa̱śuḥ | yaja̍māname̱va su̍va̱rgaṃ lo̱kaṃ ga̍mayati | grahā̍n gṛhī̱tvā sa̱ptaho̍tāraṃ juhoti | indri̱yaṃ vai sa̱ptaho̍tā
13.3-3
indri̱yame̱vātmandha̍tte | yo vai catu̍rhotṝ̱nanusavanaṃ tarpaya̍ti | tṛpya̍ti pra̱jayā̍ pa̱śubhi̍ḥ | upai̍nam̐ somapī̱tho na̍mati | ba̱hiṣpavamā̱ne daśa̍hotāra̱ṃ vyāca̍kṣīta | mādhya̍ṃndi̱ne pava̍māne̱ catu̍rhotāraṃ | ā̱rbhavè pava̍mā̱ne pañca̍hotāra̍ṃ | pi̱tṛya̱jñe ṣaḍḍho̍tāraṃ | ya̱jñāya̍jñi̱yasya̍ sto̱tre sa̱ptaho̍tāraṃ | a̱nu̱sa̱vaname̱vainā̍m̐starpayati
13.4-3
tṛpya̍ti pra̱jayā̍ pa̱śubhi̍ḥ | upai̍nam̐ somapī̱tho na̍mati
de̱vā vai catu̍rhotṝ̱bhiḥ sa̱tramā̍sata | ṛ̱ddhipa̍rimita̱ṃ yaśa̍skā̱māḥ | te'bru̍van | yanna̍ḥ pratha̱maṃ yaśa̍ ṛ̱cchat | sarve̍ṣāṃ
na̱statsa̱hāsa̱diti̍ | soma̱ścatu̍rhotā | a̱gniḥ pañca̍hotā
dhā̱tā ṣaḍḍho̍tā
13.5
indra̍ḥ sa̱ptaho̍tā | pra̱jāpa̍ti̱rdaśa̍hotā | teṣā̱m̐ soma̱m̐ rājā̍na̱ṃ yaśa̍ārcchat | tānya̍kāmayata | tenāpā̍krāmat | tena̍ pa̱lāya̍macarat | taṃ de̱vāḥ praiṣaiḥ praiṣa̱maicchan
tatpraiṣā̍ṇā̱ṃ praiṣa̱tvaṃ | ni̱vidbhi̱rnnya̍vedayan | tanni̱vidā̍ṃ nivi̱ttvaṃ
13.6
ā̱prībhi̱rāpnu̍van | tadā̱prīṇā̍mā̱pri̱tvaṃ | tama̍ghnan
tasya̱ yaśo̱vya̍gṛhṇata | te grahā̍abhavan | tadgrahā̍ṇāṃ gra̱hatvaṃ | yasyai̱vaṃ vi̱duṣo̱ grahā̍gṛ̱hyante̍ | tasya̱ tveva gṛ̍hī̱tāḥ
te̍'bruvan | yovai na̱ḥ śreṣṭho'bhū̍t
13.7
tama̍vadhiṣma | puna̍ri̱mam̐ su̍vāmahā̱iti̍ | taṃ chando̍bhirasuvanta | tacchanda̍sā̱ṃ chanda̱stvaṃ | sāmnā̱ samā̍nayan
tatsā̱mnaḥ sā̱ma̱tvaṃ | u̱kthairuda̍sthāpayan | tadu̱kthyā̍nāmuktha̱tvaṃ | yae̱vaṃ veda̍ | pratye̱va ti̍ṣṭhati
13.8
sarvva̱māyu̍reti | somo̱vai yaśa̍ḥ | yae̱vaṃ vi̱dvāntsoma̍māgaccha̍ti | yaśa̍e̱vaina̍mṛcchati | tasmā̍dāhuḥ | yaścai̱vaṃ veda̱
yaśca̱ na | tāvu̱bhau soma̱māga̍cchataḥ | somo̱hi yaśa̍ḥ | taṃ
tvāva yaśa̍ṛccha̱tītyā̍huḥ | yaḥ some̱ soma̱ṃ prāheti̍
tasmā̱t some̱ soma̱ḥ procya̍ḥ | yaśa̍e̱vaina̍mṛcchati
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (1)
- Taittirīyabrāhmaṇa — Sanskrit