Yajurbrahmana 14
Yajurbrāhmaṇa 14
- Language
- Sanskrit
14.1
a̱bhi̱ṣu̱ṇvanti̍ sa̱ptaho̍tā tarpayati̱ ṣaḍḍhau̍cā nivittvamabhū̍ttiṣṭhati̱ prāheti̱ dve ca̍ || anu0 8
navamo'nuvākaḥ
i̱daṃ vāagre̱naiva kiñca̱ nāsī̍t | na dyaurā̍sīt | na
pṛ̍thi̱vī | nāntari̍kṣaṃ | tadasa̍de̱va sanmano̍'kuruta̱ syāmiti̍ | tada̍tapyata | tasmā̍ttapa̱nāddhūmo̍'jāyata | tadbhūyo̍'tapyata | tasmā̍ttapa̱nāda̱gnira̍jāyata | tadbhūyo̍'tapyata
14.2
tasmā̍ttapa̱nājjyoti̍rajāyata | tadbhūyo̍'tapyata | tasmā̍ttapa̱nāda̱rcira̍jāyata | tadbhūyo̍'tapyata | tasmā̍ttapa̱nānmarī̍cayo'jāyanta | tadbhūyo̍'tapyata | tasmā̍ttapa̱nādu̍dā̱rāa̍jāyanta | tadbhūyo̍'tapyata | tada̱bhrami̍va̱ sama̍hanyata | dva̱stirmabhinat
14.3
sa sa̍mu̱dro̍'bhavat | tasmā̍t samu̱drasya̱ na pi̍banti | pra̱ja̱na̱nami̍va̱ hi manya̍nte | tasmā̍t pa̱śorjā̱yamā̍nādā̱pa̍ḥ
pu̱rastā̍dyanti | taddaśa̍hotā̱mva̍sṛjyata | pra̱jāpa̍ti̱rva daśa̍hotā | yae̱vaṃ tapa̍sovī̱rya̍ṃ vi̱dvānstapya̍te | bhava̍tye̱va | tadvāi̱damāpa̍ḥ sali̱lamā̍sīt | so̍'rodītpra̱jāpa̍tiḥ
14.4
sa kasmā̍a̱dbhi | yadya̱syāpra̍tiṣṭhāyā̱iti̍ | yada̱svavā̍pa̍dyata | sā pṛ̍thi̱vya̍bhavat | yadyamṛ̍ṣṭa | tada̱ntari̍kṣamabhavat | yadūrdhvamuda̱mṛṣṭa̍ | sā dyaura̍bhavat | yadaro̍dīt
tadru̱dayo̍roda̱tvaṃ
14.5
yae̱vaṃ veda̍ | nāsya̍ gṛ̱he ru̍danti | e̱tadvāe̱ṣāṃ lo̱kānā̱ṃ janma̍ | yae̱vame̱ṣāṃ lo̱kānā̱ṃ janma̱ veda̍ | naiṣu̍ lo̱keṣvātti̍māccha̍ti | sai̱māṃ pra̍ti̱ṣṭhāma̍vindata | sai̱māṃ pra̍ti̱ṣṭhāṃ vi̱tvākā̍mayata pra̱jāye̱yeti̍ | sa tapo̍'tapyata | so̍
'ntarvā̍nabhavat | sa ja̱ghanā̱dasu̍rānasṛjata
14.6
tebhyo̍mṛ̱nmaye̱ pātre'nna̍maduhat | yāsya̱ sā ta̱nūrāsī̍t
tāmapā̍hata | sā tamisrābhavat | so̍'kāmayata pra̱jāye̱yeti̍ | sa tapo̍'tapyata | so'ntarvā̍nabhavat | sa pra̱jana̍nāde̱va pra̱jāasṛjata | tasmā̍di̱mābhūyi̍ṣṭhāḥ | pra̱jana̍nā̱ddhye̍nāasṛ̍jata
14.7
tābhyo̍dā̱rumaye̱ pātre̱ payo̍'duhat | yāsya̱ sā ta̱nūrāsī̍t | tāmapā̍hata | sā jyotsnā̍bhavat | so̍'kāmayata
pra̱jāye̱yeti̍ | sa tapo̍'tapyata | so̍'ntarvā̍nabhavat | sau̍papa̱kṣābhyā̍me̱varttū̍na̍sṛjata | tebhyo̍ ra̱jate̱ pātre̍ ghṛ̱tama̍duhat
yāsya̱ sā ta̱nūrāsī̍t
14.8
tāmapā̍hata | so̍'horā̱trayo̱ḥ sandhi̍rabhavat | so̍'kāmayata pra̱jāye̱yeti̍ | sa tapo̍'tapyata | so̍'ntarvā̍nabhavat | sa mu̱khādde̱vāna̍sṛjata | tebhyo̍ha̱rite̱ pātre̱ soma̍maduha̱t | yāsya̱ sā ta̱nūrāsī̍t | tāmapā̍hata | tadaha̍rabhavat
14.9
e̱te vai pra̱jāpa̍terdohā̍ḥ | yae̱vaṃ veda̍ | du̱hae̱va pra̱jāḥ
di̱vāvai nau̱'bhūdi̍ti̍ | tadde̱vānā̍ṃ de̱vatvaṃ | yae̱vaṃ de̱vānā̍ṃ
de̱vatva̱ṃ veda̍ | de̱vavā̍ne̱va bha̍vati | e̱tadvāa̍horā̱trāṇā̱ṃ
janma̍ | yae̱vama̍horā̱trāṇā̱ṃ janma̱ veda̍ | nāhorā̱treṣvārtti̱māccha̍ti
14.10
asa̍to̱'dhi mano̍'sṛjyata | mana̍ḥ pra̱jāpa̍timasṛjata
pra̱jāpa̍tiḥ pra̱jāa̍sṛjata | tadvāi̱daṃ mana̍sye̱va pa̍ra̱maṃ prati̍ṣṭhitaṃ | yadi̱daṃ kiñca̍ | tade̱taccho̍vasyasa̱nnāma̱ brahma̍
vyu̱cchantī̍ vyu̱cchantya̍smai̱ vasya̍sī vasyasī̱ vyuccha̍ti | pra̱jāya̍te pra̱jayā̍ pa̱śubhi̍ḥ | pra pa̍ra̱me̱ṣṭhino̍ mā̱trāmā̍pnoti | yae̱vaṃ veda̍
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (1)
- Taittirīyabrāhmaṇa — Sanskrit