Yajurbrahmana 16
Yajurbrāhmaṇa 16
- Language
- Sanskrit
Contents
- 16.73 — 2 parts
16.1
āsīdedaṃ candramastvaṃ yaevaṃ vedendriyāyyaiva bhavati pratyañcaṃ mukhaṃ dakṣiṇatomukhaṃ paścānnavaṃ ca || anu0 10
prajāpatirakāmayata bahvorbhūyāntsyāmiti | saetaṃ
daśahotāramapaśyat | taṃ prāyuṅkta | tasya prayuktibahvorbhūyānabhavat | yaḥ kāmayeta bahvorbhūyāntsyāmiti | sa daśahotāraṃ prayuñjīta | bahvoreva bhūyān bhavati | so'kāmayata vīromaājāyeteti | sa daśahotuścaturhotāraṃ
niramimīta | taṃ prāyuṅkta
16.2
tasya prayuktīndro'jāyata | yaḥ kāmayeta vīromaājāyeteti | sa caturhotāraṃ prayuñjīta | āsya vīrojāyate | so'kāmayata paśumāntsyāmiti̍ | sa catu̍rhotuḥ
pañca̍hotāra̱ṃ nira̍mimīta | taṃ prāyu̍ṅkta | tasya̱ prayu̍ktipaśumā̍nabhavat | yaḥ kā̱maye̍ta pa̱śumāntsyāmiti̍ | sa pañca̍hotāra̱ṃ prayu̍ñjīta
16.3
pa̱śumāne̱va bha̍vati | so'kāmayata̱rtavo̍ me kalpera̱nniti̍ | sa pañca̍hotuḥ ṣaḍḍho̍tāra̱ṃ nira̍mimīta | taṃ prāyu̍ṅkta | tasya̱ prayu̍ktyṛ̱tavo̍'smāakalpanta | yaḥ kā̱maye̍ta̱rtavo̍
me kalpera̱nniti̍ | sa ṣaḍḍho̍tāra̱ṃ prayu̍ñjīta | kalpa̍nte'smā
ṛ̱tava̍ḥ | so'kāmayata soma̱paḥ so̍mayā̱jī syā̍ṃ | ā me̍
soma̱paḥ so̍mayā̱jī jā̍yete̱ti̍
16.4
sa ṣaḍḍho̍tuḥ sa̱ptaho̍tāra̱ṃ nira̍mimīta | taṃ prāyu̍ṅkta
tasya̱ prayu̍ktisoma̱paḥ so̍mayā̱jya̍bhavat | ā'sya̍ soma̱paḥ
so̍mayā̱jya̍jāyata | yaḥ kā̱maye̍ta soma̱paḥ so̍mayā̱jī syā̍ṃ
ā me̍ soma̱paḥ so̍mayā̱jī jā̍yete̱ti̍ | sa sa̱ptaho̍tāra̱ṃ prayu̍ñjīta | soma̱pae̱va so̍mayā̱jī bha̍vati | ā'sya̍ soma̱paḥ
so̍mayā̱jī jā̍yate | sa vāe̱ṣa pa̱śuḥ pa̍ñca̱dhā prati̍tiṣṭhati
16.5
pa̱ṅktirmukhena | te de̱vāḥ pa̱śūn vi̱tvā | su̱varga̍ṃ lo̱kamā̍yan | te'muṣmi̍m̐llo̱ke vya̍kṣudhyan | te̍'bruvan | a̱mutaḥ pra-̍
dāna̱ṃ vāu̱pa̍jijīvi̱meti̍ | te sa̱ptaho̍tāraṃ ya̱jñaṃ vi̱dhāyā̱yāsya̍māṅgīra̱saṃ prāhi̍ṇvan | e̱tenā̱muṃ ka̍lpa̱yeti̍
tasya̱ vāi̱yaṃ klṛpti̍ḥ
16.6
yaddi̱daṃ kiñca̍ | yae̱vaṃ veda̍ | kalpa̍te'smai | sa vāa̱yaṃ
ma̍nu̱ṣye̍ṣu ya̱jñaḥ sa̱ptaho̍tā | a̱muṃ sa̱ṅgode̱vebhyo̍ha̱vyaṃ
va̍hati | yae̱vaṃ veda̍ | upai̍naṃ ya̱jño na̍mati | yovai catu̍rhotṝ̱ṇāṃ nidā̱naṃ veda̍ | nidā̱navā̍n bhavati | a̱gniho̱traṃ vai
daśa̍hoturnidā̱naṃ || da̱rśa̱pū̱rṇa̱mā̱sau catu̍rhotuḥ | cā̱tu̱rmāsyā̍ni̱ pañca̍hotuḥ | pa̱śu̱bandhaḥ ṣaḍḍho̍tuḥ | sau̱myo'dhva̱raḥ
sa̱ptaho̍tuḥ | e̱tadvai catu̍rhotṝ̱ṇāṃ nidā̱naṃ | yae̱vaṃ veda̍
nidā̱navā̍n bhavati
16.11
a̱gnimota taṃ prā̍yuṅkta̱ pañca̍hotāraṃ prayu̍ñjīta jāye̱teti̍
tiṣṭhati̱ klṛptirdaśa̍hoturnidā̱nam̐ sa̱pta ca̍ || anu0 11
pra̱jāpa̍tirakāmayata pra̱jāḥ sṛ̍je̱yeti̍ pra̱jāpa̍tirakāmayata da̱rśapū̱rṇamā̱sau sṛ̍je̱yeti̍ pra̱jāpa̍tirakāmayata pra̱jāyeyeti̱ sa tapa̍ḥ sa̱nviṣṭa̍ptaṃ pra̱jāpa̍ti̱stena̍ da̱śadhātmā̱naṃ
de̱vāvai varu̍ṇama̱ntovai pra̱jāpa̍ti̱stāḥ sṛ̱ṣṭāḥ sama̍śliṣyan
de̱vā vai catu̍rhotṛbhiri̱daṃ vāagre̍ pra̱jāpa̍ti̱rindra̍ṃ pra̱jāpa̍tirakāmayata ba̱horbhūyā̍nekādaśa
16.73
pra̱jāpa̍tistadgraha̍sya graha̱tvaṃ pra̱jāpa̍tirakāmayatā̱nayai̱vaina̱ttasya̍ vā̱ḍyaṃ tasmā̍ttapa̱nādyada̱sminnā̍di̱tye sa ṣaḍvaḍhotā̍ sa̱ptaho̍tāra̱ṃ trisa̍ptatiḥ
16.73.p1
hariḥ oṃ
16.73.p2
iti dvitīyādhyāyaḥ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (3)
- Taittirīyabrāhmaṇa — Sanskrit
- Āpastambaśrautasūtra — Āpastamba, Sanskrit
- Hiraṇyakeśiśrautasūtra — Hiraṇyakeśin, Sanskrit