Yajurbrahmana 17
Yajurbrāhmaṇa 17
- Language
- Sanskrit
17.1
hariḥ oṃ
dvitīyāṣṭake tṛtīyādhyāye
prathamo'nuvākaḥ
bra̱hma̱vā̱dino̍vadanti | kiṃ catu̍rhotṝṇāṃ catu̍rhotṛtvamiti̍ | yade̱vaiṣu catu̍rdhā hotā̍raḥ | tena̱ catu̍rhotāraḥ
tasmāccatu̍rhotāraucyante | taccatu̍rhotṝṇāṃ catu̍rhotṛtvaṃ
somo̱vai catu̍rhotā | a̱gniḥ pañca̍hotā | dhā̱tā ṣaḍḍho̍tā
indra̍ḥ sa̱ptaho̍tā
17.2
pra̱jāpa̍ti̱rdaśa̍hotā | yae̱vaṃ catu̍rhotṝṇāmṛ̱ddhiṃ veda̍
ṛ̱dhnotye̱va | yae̍ṣāme̱vaṃ bandhu̱tāṃ veda̍ | bandhu̍mān bhavati
yae̍ṣāme̱vaṃ klṛ̱ptiṃ veda̍ | kalpa̍te'smai | yae̍ṣāme̱vamāya̱tana̍ṃ
veda̍ | ā̱ya̱ta̱navān bhavati | yae̍ṣāme̱vaṃ pra̍ti̱ṣṭhāṃ veda̍
17.3
pratye̱va ti̍ṣṭhati | bra̱hma̱vā̱dino̍ vadanti | darśahotā̱ catu̍rhotā | pañca̍hotā ṣaḍḍhotā sa̱ptaho̍tā | atha̱ kasmā̍ccatu̍rhotāra'ucyanta̱iti̍ | indro̱vai catu̍rhotā | indra̱ḥ khalu̱
vai śreṣṭho̍ de̱vatānā̍mupade̱śenā̍t | yae̱vamindra̍m̐ śreṣṭhaṃ de̱va̍tānāmupade̱śenā̱vede̍ | vasi̍ṣṭhaḥ samānānā̍ṃ bhavati | tasmā̱cchreṣṭha̍ṃmāyanta̍ṃ prathame̱naivā̍nu̱budhya̍nte || ayamāga̱n | a̱yamavā̍sā̱diti̍ | kī̱rtti̍rasya pū̱rvīga̍cchati jana̱tāmāya̍taḥ | atho̍ enaṃ prathame̱naivā̍nu̱budhya̍nte | ayamāga̱n | ayamavā̍sā̱diti̍
17.1-2
dakṣi̍ṇāṃ pratigrahī̱ṣyantsa̱ptada̍śakṛtvo'pā̱nyāt | ā̱tmāna̍meva sami̍ndhe | teja̍se vī̱ryyā̍ya | atho̍ pra̱jāpa̍tire̱vainā̍ṃ bhū̱tvā prati̍gṛhṇāti | ā̱tmano'nā̍rcyai | yadyena̍mṛtvijyā̍dṛta̍m̐ santa̱ṃ nirhare̍ran | āgnīdhre̍ juhuyāddaśa̍hotāra̍ṃ | ca̱turgṛ̍hītenājye̍na | pu̱rastā̍t pratyaṅtiṣṭhan̍ | pra̱ti̱loma̱ṃ vigrāha̍ṃ
17.2-2
prā̱ṇāne̱vāsyopa̍dāsayati | yadyena̱ṃ puna̍rupa̱śikṣe̍yuḥ
āgnīdhraeva juhuyāddaśahotāraṃ | caturgṛhītenājyena | paścātprāṅāsīnaḥ | anulomamavigrāhaṃ | prāṇānèvāsmai
kalpayati | prāyaścittī vāgghòtètyṛtumukhaṛtumukhe juhoti | ṛtūnevāsmai kalpayati | kalpante'smāṛtavaḥ
17.3-2
klṛptāasmāṛtavaāryanti | ṣaḍaḍhautā vai bhūtvā prajāpatiridam̐ sarvvamasṛjata | sa manau'sṛjata | manaso'dhigāyatrīmasṛjata | tadgāyatrī yaśaārcchat | tāmālabhata | gāyatriyā adhichandām̐syasṛjata | chandobhyo'dhi
sāma | tatsāma yaśaārcchat | tadālabhata
17.4
sāmno'dhiyajūm̐ṣyasṛjata | yajurbhyo'dhiviṣṇuṃ | tadviṣṇuṃ
yaśaārcchat | tamālabhata | viṣṇoradhyoṣadhīrṛsṛjata
oṣadhībhyo'dhisomaṃ | tatsomaṃ yaśaārcchat | tamālabhata
somādadhipaśūnasṛjata | paśubhyo'dhīndraṃ
17.5
tadindraṃ yaśaārcchat | tadenaṃ nātiprācyavata | indraiva yaśasvī bhavati | yaevaṃ veda | nainaṃ yaśo'tipracyavate
yadvāidaṃ kiñca | tatsarvvamuttānaevāṅgīrasaḥ pratyagṛhṇāt | tadenaṃ pratigṛhītaṃ nāhinat | yat kiñca pratigṛhṇīyāt | tatsarvvamuttānastvāṅgīrasaḥ pratigṛhṇātvityeva pratigṛhṇīyāt || iyaṃ vāuttānāṅgīrasaḥ | anayai̱vaina̱tprati̍gṛhṇāti | naina̱m̐ hinasti | ba̱rhiṣā̱ prato̍pā̱ṅgāṃ
vāśva̍ṃ vā | e̱tadvai pa̍śū̱nāṃ pri̱yaṃ dhāma̍ | pri̱yeṇai̱vaina̱ṃ dhāmnā̱
pratye̍ti
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (2)
- Taittirīyabrāhmaṇa — Sanskrit
- Āpastambaśrautasūtra — Āpastamba, Sanskrit