Yajurbrahmana 19
Yajurbrāhmaṇa 19
- Language
- Sanskrit
19.1
tṛ̱tī̱yami̍ndri̱yasyāpā̍krāmaccatu̱rthami̍ndri̱yasyātmannupā̍dhattā̱śvaṃ prati̍gṛhṇāti ṣa̱ṣṭhama̍syendri̱yasyāpa̍krāmatyaṣṭa̱mami̍ndri̱yasyāpā̍krāmat pratigṛhṇīyācca̱tvāri̍ ca||anu04
tasya̍ vā̱śvame̱rhira̍ṇyam̐ so̱masya̱ vāsa̱stade̱tena̍ ru̱drasya̱
gāṃ tāme̱tena̱ varu̍ṇasyā̱śvaṃ pra̱jāpa̍teḥ puru̍ṣaṃ mano̱stalpaṃ
tame̱tenau̍ttā̱nasya̱ tade̱tenāprā̍ṇadyadvai | a̱śvaṃ tṛtī̍yamaṣṭa̱maṃ tacca̍tu̱rthaṃ tāḥ śeṣa̱ntaṃ vai te sa̱caknre
pañcamo'nuvākaḥ
bra̱hma̱vā̱dino̍vadanti | yaddaśa̍hotāraḥ sa̱tramāsa̍ta
kena̱ te gṛ̱hapa̍tinārdhruvan | kena̍ pra̱jāasṛ̍ja̱nteti̍
pra̱jāpa̍tinā̱ vai te gṛ̱hapa̍tinārdhruvan | tena̍ pra̱jāasṛ̍jata | yaccatu̍rhotāraḥ sa̱tramāsa̍ta | kena̱ te gṛ̱hapa̍tinārdhruvan | kenauṣa̍dhīra̱sṛja̱nteti̍ | some̍na̱ vai te gṛ̱hapa̍tinārdhruvan
19.2
tenauṣa̍dhīra sṛjanta | yat pañca̍hotāraḥ satramāsa̍ta
kena̱ te gṛ̱hapa̍tinādhnuvan | kenai̍bhyo lo̱kebhyo'su̍rān
prāṇu̍danta | kenai̍ṣāṃ pa̱śūna̍vṛñja̱teti̍ | a̱gninā̱ vai te gṛ̱hapa̍tinādhnuvan | tenai̍bhyo lo̱kebhyo'su̍rān prāṇu̍danta | tenai̍ṣāṃ pa̱śūna̍vṛñjata | yat ṣaḍḍhotāraḥ satramāsa̍ta | kena̱
te gṛ̱hapa̍tinādhnuvan
19.3
kene̍tūṃnaka̍lpaya̱nteti̍ | dhā̱trā vai te gṛ̱hapa̍tinādhnuvan
tena̍tūnaka̍lpayanna | yat sa̱ptaho̍tāraḥ satramāsa̍ta | kena̱ te
gṛ̱hapa̍tinādhnuvan | kena̍ suva̱rāyaṃn | kene̱mām̐llo̱kāntsama̍tanva̱nniti̍ | a̱ryyamṇā vai te gṛ̱hapa̍tinādhnuvan | tena̍
suva̱rāyaṃn | tene̱mām̐llo̱kāntsama̍tanva̱nniti̍
19.4
e̱te vai de̱vāgṛ̱hapa̍tayaḥ | tān yae̱vaṃ vi̱dvān | adhyanyasya̍ gārhapa̱terdīkṣa̍te | a̱vāntara̍me̱va satriṇā̍mṛdhnoti
yovāa̍ryyama̱ṇaṃ veda̍ | dā̱na̍kāmāścāsmai pra̱jābha̍vanti
ya̱jñovāa̍ryya̱mā | ā̱ryyā va̱sati̱riti̱ vai tamā̍hu̱ryaṃ pra̱śaṃsa̍nti | ā̱ryyā va̱sati̍rbhavati | yae̱vaṃ veda̍
19.5
yadāi̱daṃ kiñca̍ | tat sarvvaṃ catu̍rhota̍āraḥ | catu̍rhotṛbhyo'dhiya̱jñonirmitaḥ | sa yae̱vaṃ vi̱dvān vi̱vade̍ta | a̱hame̱va
bhūyo̍veda | yaścatu̍rhotṝn vedeti̍ | sa hye̍va bhūyo̱veda̍ | yacaturho̱tṝn veda̍ | yo vai caturho̱tṝṇā̱m̱̐ hotṝ̱n veda̍
sarvā̍su pra̱jāsvanna̍matti
19.6
sarvā̱ diśo̍'bhija̍yati | pra̱jāpa̍ti̱rvai daśa̍hotṝṇā̱m̱̐
hotā̍ | soma̱ścatu̍rhotṝṇā̱m̱̐ hotā̍ | a̱gniḥ pañca̍hotṝṇā̱m̱̐
hotā̍ | dhā̱tā ṣaḍḍho̍tṝṇā̱m̱̐ hotā̍ | a̱ryya̱mā sa̱ptaho̍tṝṇā̱m̱̐ hotā̍ | e̱te vai catu̍rhotṝṇā̱m̱̐ hotā̍raḥ | tān yae̱vaṃ veda̍ | sarvā̍su pra̱jāsvanna̍matti | sarvā̱ diśo̍'bhija̍yati
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (2)
- Taittirīyabrāhmaṇa — Sanskrit
- Āpastambaśrautasūtra — Āpastamba, Sanskrit