Yajurbrahmana 22
Yajurbrāhmaṇa 22
- Language
- Sanskrit
22.1
hariḥ oṃ
dvitīyāṣṭake caturthādhyāye
prathamo'nuvākaḥ
juṣṭodarmūnāati̍thirdu̱roṇe̍ | i̱manno̍ ya̱jñamupa̍yāhi
vidvān | viśvā̍agne'bhi̱yujo̱viha̍tya | śatrū̍ya̱tāmābha̍rā
bhoja̍nāni | agne̱ śardha̍ maha̱te saubha̍gāya | tava̍ dyu̱mnānyu̍ttamāni̍ santu | sañjā̍spatya̱m̐ suya̱mamākṛ̍ṇuṣva | śatrū̍ya̱tā
mabhiti̍ṣṭhā mahām̐si | agne̱ yono'bhi̱tojane̍ḥ | vṛ̱kovā̱rojighā̍m̐sati
22.2
tām̐stvaṃ vṛ̍trahañjahi | vasva̱smabhya̱mābha̍ra | agne̱ yonau'bhi̱dāsa̍ti | sa̱māno̱yaśca̱ niṣṭya̍ḥ | i̱dhmasye̍va pra̱kṣāya̍taḥ | mā tasyocche̍ṣi̱ kiñca̱ na | tvami̍ndrābhi̱bhūra̍si
de̱vovi̱jñāta̍vīryyaḥ | vṛ̱tra̱hā pu̍rucetasaḥ | apa̱ prāca̍indra̱viśvā̍m̐ a̱mitrān̍
22.3
apāvā̍coabhibhūte nudasva | apodī̍co̱apa̍śūrāgha̱rāca̍ḍū̱rau | yathā̱ tava̱ śarma̍nmade̍ma | tamindra̍ṃ vājayāmasi
ma̱he vṛ̱trāya̱ hanta̍ve | sa vṛṣā̍ vṛṣa̱bho'bhu̍vat | yu̱jeratha̍ṃ ga̱veṣa̍ṇam̐ hari̍bhyāṃ | upa̱brahmā̍ṇi jujuṣā̱ṇama̍sthuḥ | vibā̍dhi̱ṣṭāsya̱ roda̍sī mahi̱tvā | indro̍vṛ̱trāṇya̍pra̱tīja̍ghanvān
22.4
ha̱vya̱vāha̍mabhimāti̱ṣāha̍ṃ | ra̱kṣo̱haṇa̍ṃ pṛta̍nāsuji̱ṣṇuṃ
jyoti̍ṣmantaṃ dīdya̍taṃ pura̱ndhiṃ | a̱gnim̐ svi̍ṣṭa̱kṛta̱māhu̍vema | svi̍ṣṭamagne a̱bhitat pṛ̍ṇāhi | viśvā̍ deva̱ pṛta̍nāa̱bhiṣya | u̱runna̱ḥ panthā̍ṃ pradi̱śanvibhā̍hi | jyoti̍ṣmaddhehya̱jara̍ṃ na̱ āyu̍ḥ | tvāma̍gne ha̱viṣma̍ntaḥ | de̱vaṃ marttā̍sa
īḍate
22.5
manye̍ tvā jā̱tave̍dasaṃ | sa ha̱vyāva̍kṣyānu̱ṣak | viśvā̍ni
no du̱rgahā̍ jātavedaḥ | sindhu̱ṃ na nā̱vā du̍ri̱tāti̍parṣi
agne̍ atri̱vanmana̍sā gṛṇā̱naḥ | a̱smāka̍ṃ bodhyavi̱tāta̱nūnā̍ṃ | pū̱ṣā gāanve̍tu naḥ | pū̱ṣā ra̍kṣatvarva̍taḥ | pū̱ṣā vāja̍m̐sanotu naḥ | pū̱ṣemāāśā̱anu̍veda̱ sarvā̍ḥ
22.6
soa̱smām̐ abha̍yatamena neṣat | sva̱sti̱dā aghṛ̍ṇiḥ
sarva̍vīraḥ | apra̍yucchan pu̱rae̍tu prajānan | tvama̍gne sa̱prathā̍asi | juṣṭo̱hotā̱ vare̍ṇyaḥ | tvayā̍ ya̱jñaṃ vi̍tanvate
a̱gnīrakṣā̍m̐si sedhati | śu̱kraśo̍cirama̍rtyaḥ | śuci̍ḥ pāva̱ka īḍya̍ḥ | agne̱ rakṣā̍ṇoja̱m̐ha̍saḥ
22.7
prati̍ṣmadeva̱ rīṣa̍taḥ | tapi̍ṣṭhaira̱jaro̍daha | agne̍ ha̱m̐sin
pa̍vi̱rā̍ | dī̱dyanna̍rtye̱ṣvā | sve kṣaye̍ śucivrata | ā vā̍ta
vāhi bheṣa̱jaṃ | vi vā̍ta vāhi̱ yadrapa̍ḥ | tvam̐ hi vi̱śvabhe̍ṣajaḥ | de̱vānā̍ṃ dū̱taīya̍se | dvāvi̱mau vātau̍ vātaḥ
22.8
āsindho̱rāpa̍rā̱vata̍ḥ | dakṣa̍ṃ me a̱nyaāvātu̍ | parā̱nyovā̍tu̱ yadrapa̍ḥ | yada̱dovā̍ta te gṛ̱he | a̱mṛta̍sya ni̱dhirhi̱taḥ | tato̍nodehi jī̱vase̍ | tato̍nodhehi bheṣa̱jaṃ | tato̍
nomaha̱āvaha̍ | vāta̱ āvā̍tu bheṣa̱jaṃ | śambhūma̍yo̱'bhūnno̍hṛ̱de
22.9
prāṇa̱māyū̍ṃṣi tāriṣat | tvama̍gna ayāsi̍ | ayāsana
mana̍sāhi̱taḥ | ayāsana ha̱vyamū̍hiṣe | ayānaudhehibheṣa̱jaṃ | iṣṭoa̱gnirāhu̍taḥ | svāhā̍kṛtaḥ pipatu naḥ | svagāde̱vebhyei̱dannamaḥ | kāmo̍bhū̱tasya bhavya̍sya | samrāḍeko
virā̍jati
22.10
sai̱daṃ prati̍paprathe | ṛ̱tūnutsṛ̍jate va̱śī | kāma̱stadagre
sama̍vartta̱tādhi̍ | mana̍so̱retaḥ pratha̱maṃ yadāsī̍t | sa̱tobandhumasa̍ti̱ nira̍vindana | hṛ̱di pra̱tīṣyā̍ ka̱vayo̍manī̱ṣā | tvayā̍ manyo sa̱ratha̍māru̱janta̍ḥ | harṣa̍māṇāsodhṛṣi̱tāma̍rutvaḥ
ti̱gmeṣa̍va̱āyu̍dhāsa̱m̐śiśā̍nāḥ | upa̱praya̍nti̱ naro̍a̱gnirū̍pāḥ
22.11
ma̱nyurbhago̍ma̱nyuri̱vāsa̍ de̱vaḥ | ma̱nyurhotā varu̍ṇoviśvave̍dāḥ | ma̱nyuṃ viśa̍īḍate̱ deva̱yantī̍ | pāhi no̍manyo
tapa̍sā sa̱joṣā̍ | tvama̍gne vrata̱bhṛcchuci̍ḥ | de̱vām̐ āsā̍dayāi̱ha | agne̍ ha̱vyāya voḍha̍ve | vṛ̱tānu̍bibhradvrata̱pā adā̍bhyaḥ | yajā̍node̱vām̐ a̱jara̍ḥ su̱vīra̍ḥ | dadha̱dratnā̍ni suvidā̱noa̍gne || go̱pāyano̍jī̱vase̍jātavedaḥ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (4)
- Taittirīyabrāhmaṇa — Sanskrit
- Hiraṇyakeśiśrautasūtra — Hiraṇyakeśin, Sanskrit
- Maitrāyaṇīyaśākhā — Sanskrit
- Vaidikasūktasaṅgraha — Sanskrit