Pramāṇa · Search · About · API

Yajurbrahmana 24

Yajurbrāhmaṇa 24

Language
Sanskrit

24.1

ha̱virbhi̍rā̱syama̍bhidāsa̍tovipa̱ścitamapra̍yāvaṃ jī̱vase̍
dadā̍nā vyathiṣṭhābrava̱nneka̍ñca || anu0 2
tṛtīyā'nuvākaḥ
ju̱ṣṭonaro̱ brahma̍ṇā vaḥ pitṝ̱ṇāṃ | akṣa̍mavyaya̱nna kilā̍riṣātha | yacchakvarī̍ṣu bṛha̱tā rave̍ṇa | indre̱ śuṣma̱mada̍dhātā vasiṣṭhāḥ | pā̱va̱kā na̱ḥ sara̍svatī | vāje̍bhirvā̱jinī̍vatī | ya̱jñaṃ va̍ṣṭu dhi̱yā vasu̍ḥ | sara̍svatya̱bhi no̍neṣi̱ vasya̍ḥ
mā pa̍spharī̱ḥ paya̍sā̱ mā na̍ādhak | ju̱ṣasva̍ naḥ sa̱khyā̍
ve̱śyā̍ ca

24.2

mā tvatkṣe̱trāṇyāra̍ṇāni ganma | vṛ̱ñje ha̱virnama̍sā ba̱rhira̱gnau | a̱yāmi̱ srugghṛ̱tavatī̍ suvṛ̱ktiḥ | a̱mya̍kṣi̱ sadma̱sada̍ne pṛthivyāḥ | aśrā̍yi ya̱jñaḥ sūrye̍na̱ cakṣu̍ḥ | i̱hārvāñcama̍ti̱hvaye̍ | indra̱ṃ jaitrā̍ yajetave | a̱smāka̍mastu̱ keva̍laḥ | a̱rvāñca̱mindra̍ma̱muta̍ havāmahe | yo go̱jiddha̍na̱jida̍śva̱jidyaḥ

24.3

i̱maṃ nau̍ya̱jñaṃ vi̱hvave̍ juṣasva | a̱sya ku̍rmmo harivo medina̍ṃ tvā | asa̍ṃmṛṣṭojāyase mā̱tṛvo̱ḥ śuci̍ḥ | ma̱ndraḥ
ka̱viruda̍tiṣṭhoviva̍svataḥ | ghṛ̱tena̍ tvā varddhayannagnaāhuta | dhūmaste̍ ke̱tura̍bhavaddi̱vi śrita̍ḥ | a̱gniragre̍ pratha̱mo
de̱vatā̍nāṃ | saṃya̍tānāmutta̱moviṣṇu̍rāsīt | yaja̍mānāya pari̱gṛhya̍ de̱vān | dī̱kṣayeda̱m̐ ha̱virāga̍cchatannaḥ

24.4

a̱gniśca̍ viṣṇo̱ tapa̍ utta̱maṃ maha̍ḥ | dī̱kṣāpā̱lebhyo̱'vana̍ta̱m̐ hi śa̱krā | viśvai̍rdde̱vairya̱jñiyai̱ḥ saṃvi̍dānau | dī̱kṣāma̱smai yaja̍mānāya dhattaṃ | pra tadviṣṇū̍stavata te vī̱ryyā̍ya | mṛ̱go na bhīmaḥ ku̍ca̱rogi̍ri̱ṣṭhā̍ḥ | yasyo̱ruṣu̍ tri̱ṣu vikra̍ma̍ṇeṣu | adhi̍kṣi̱yanti̱ bhuva̍nāni̱ viśvā̍ | nū martto̍dayate
sani̱ṣyan yaḥ | viṣṇa̍vaurugā̱yā yadāśa̍t

24.5

pra yaḥ sa vā̱cā mana̍sā̱ yajā̍tai | e̱tāva̍nta̱ṃ narya̍māvivāsāt | vicaṃkrame pṛthi̱vīme̱ṣa e̱tāṃ | kṣecā̍ya̱ viṣṇu̱rmanu̍ṣe daśa̱syan | dhru̱vāso̍ asya kī̱rayo̱ janā̍saḥ | u̱rukṣi̱tim̐ su̱jani̍mācakāra | ci̱rde̱vaḥ pṛ̍thi̱vīme̱ṣa e̱tāṃ
vica̍krame śa̱tarca̍saṃ mahi̱tvā | pra viṣṇu̍rastu ta̱va saḥ stavī̍yān | tve̱ṣam̐ hya̍sya sthavi̍rasya̱ nāma̍

24.6

hotā̍raṃ ci̱trara̍thamadhva̱rasya̍ | ya̱jñasya̍ yajñasya ke̱tum̐ ruśa̍ntaṃ | pratya̍rdhiṃ de̱vasya̍ devasyama̱hnā | śri̱yā tva̍gnima̱tithi̱ṃ
janā̍nāṃ | ā no̱ viśvā̍bhirū̱tibhi̍: sa̱joṣā̍ | brahma̍ juṣā̱ṇo harya̍śva yāhi | varī̍vṛjat sthavi̍rebhiḥ suśipra | a̱sme da̍dhadvṛṣa̱ṇam̐ śuṣma̍mindra | indra̍: suva̱rṣā ja̱naya̱nnahā̍ni
jigā̍yo̱śigbhi̍: pṛta̍nā a̱bhiśrīḥ

24.7

prāro̍caya̱nmana̍ve ke̱tumahnā̍ | avi̍nda̱jjyoti̍rbṛha̱te raṇā̍ya | aśvi̍nāvava̱se ni hva̍ye vāṃ | ā nū̱naṃ yā̍tam̐ sukṛ̱tāya̍
viprā | prā̱ta̱ryujā̱ne su̱vṛtā̱ rathe̍na | upāga̍cchatamava̱sāga̍tannaḥ | avi̍ṣṭa̱ndhīṣva̱śvinā na ā̱su | pra̱jāva̱dreto̱ ahra̍yanno astu | ā̱vā̱nto keta̱naye̍ tūtu̍jānāḥ | su̱ratnā̍so
de̱vavī̍tiṃ gamema

24.8

tvam̐ so̍ma̱kratu̍bhiḥ su̱kratu̍rbhūḥ | tvaṃ dakṣai̍: su̱dakṣo̍ viśvava̍dāḥ | tvaṃ vṛṣā̍ vṛṣa̱tvebhi̍rmahi̱tvā | dyu̱mnebhi̍rdyu̱mnya̍bhavo nṛ̱cakṣā̍ḥ | ā̱ṣā̱ḍhaṃ yu̱tsu pṛta̍nāsu pa̱priṃ | sva̱rṣāma̱psvāṃ
vṛ̱jana̍sya go̱pāṃ | bha̱reṣu̱jām̐ su̍kṣi̱tim̐ su̱śrava̍saṃ | jaya̍ntaṃ tvāmanu̍madema soma | bhavā̍mi̱tro na śevyo̍ghṛ̱tāsu̍tiḥ
vi̱bhū̱tadyu̍mna eva̱ yā u̍ sa̱prathā̍ḥ

24.9

a̱dhāte̍ viṣṇo vi̱duṣā̍cida̱rdhya̍ḥ | stomo̍ya̱jñasya̱ rādhyo̍ ha̱viṣma̍taḥ | yaḥ pūryā̍ya ve̱dhase̱ navī̍yase | su̱ma̱jjānaye̱ viṣṇa̍ve̱ dadā̍śati | yo jā̱tama̍sya maha̱toma̱hibravā̍t
seduśravo̍bhi̱ryujya̍ṃ cida̱bhya̍sat | tamu̍ḥ stotāraḥ pū̱rvyaṃ yathā̍vi̱da ṛ̱tasya̱ | garbham̐̍ ha̱viṣā̍ piparttana | ā̱sya jā̱nanto̱
nāma̍cidvivaktana | bṛ̱hatte̍ viṣṇo sumati̱mbha̍jāmahe

24.10

i̱mādhā̱nāghṛ̍ta̱snuva̍ḥ | harī̍ i̱hopa̍vakṣataḥ | indram̐̍
su̱khata̍me̱ rathe̍ | e̱ṣa bra̱hmā prate̍mahe | vi̱dathe̍śam̐sipam̐
harī̍ | yakṣa̱tviya̱ḥ prate̍ vanve | va̱nuṣo̍ haryya̱taṃ mada̍ṃ | īndro̱
nāma̍ ghṛ̱tannayaḥ | hari̍bhi̱ścāru̍se̱cate | śru̱togṛ̱ṇannātvā̍viśantu

24.11

hari̍varpasa̱ṅgira̍ḥ | āca̍rṣa̱ṇi prāvṛ̍ṣa̱bhoja̍nānāṃ | rājā̍ kṛṣṭī̱nāṃ pu̍ruhū̱ta indra̍ḥ | stu̱taśra̍vasyannava̱sopa̍ma̱drik
yu̱ktā harīvṛṣa̍ṇā̱yā hyarvā̍ṅ | praya̍tsindha̍vaḥ pra̱sava̍ṃ yadāyan | āpaḥ samudram̐ rathyeva jagmuḥ | ataścidindraḥ sadasovarīyān | yadīm̐somaḥ pṛṇati dugdhoam̐śuḥ | hvayāmasi tvendra yāhyarvāṅ

24.12

arante somaḥ stunuvai bhavāti | śatakrato mādayasvāsa
teṣu | prāsmām̐ avapṛtanāsu prayutsu | indrāya somāḥ pra
divo vidānāḥ | ṛbhuryaibhirvṛṣaparvā vihāyāḥ | pruthamyamāṇān pratipūrṣṭabhāya | indra piba vṛṣadhūtasya vṛṣṇaḥ
aheḍamānaupāhi yajñaṃ | tubhyaṃ pavantaindavaḥ sutāsaḥ
gāvo na vajrintvamokoaccha

24.13

indrāgahi prathamoyajñiyānāṃ | yā te kākutsūkṛtā yā
variṣṭhā | yayā śaśvatpibasi madhvaūrmiṃ | tayā pāhi pra
te adhvaryurasthāt | sante vajrovarttatāmindra gavyuḥ | prātaryujā vibodhaya | aśvinā veda gacchataṃ | asya somasya
pītaye | prātaryāvāṇā prathamā yajadhvaṃ | purā gṛdhrādararuṣaḥ
pibāthaḥ || prātarhi yajñamaśvinā dadhāte | praśam̐santi kavayaḥ pūrvabhājaḥ | prātaryajadhvamaśvinā hinota | na sāyamasti devayāajuṣṭaṃ | utānyoasmadyajate vicākaḥ
pūrvo pūrvoyajamānovanīyān

Commentaries (1)

Linked texts (2)