Yajurbrahmana 29
Yajurbrāhmaṇa 29
- Language
- Sanskrit
Contents
- 29.80 — 2 parts
29.1
vi̱śāṃ ja̍yāmasi jīradā̱noha̱yyāvi̱śvādi̱viṣṭi̍ṣu vasū̍ni jigī̱vāntasa̱ptaibhirmi̱tānya̍ṣṭa̱tvāri̍ ca || anu̍0 7
aṣṭamo'nuvākaḥ
sa pra̍tnavannavī̍yasā | agne̍ dyu̱mnena̍ saṃya̍tā | bṛha̱ttata̍ntha
bhā̱nunā | nava̱nnu stoma̍ma̱gnaye̍ | di̱vaḥ śye̱nāya̍jījanaṃ
vaso̍ḥ kuvidvanā̍ti̱ naḥ | spā̱rhāya̍sya̱ śriyo̍dṛ̱śe | ra̱yivī̱rava̍toyathā̍ | a̱gne̍ ya̱jñasya̍ ceta̍taḥ | adā̍bhyaḥ pu̱raetā
29.2
a̱gnirvi̱śāṃ mānu̍ṣīṇāṃ | tūrṇī̱ 3 ratha̍ḥ sadā̱nava̍ḥ | navam̐
somā̍ya vā̱jine̍ | ājya̍ṃ paya̍so'jani | ju̱ṣṭam̐ śuci̍tamaṃ
vasu̍ | navam̐ soma juṣasva naḥ | pī̱yūṣa̍sye̱ha tṛ̍pṇuhi | yaste̍
bhā̱gakṛ̱tā va̱yaṃ | nava̍sya soma te va̱yaṃ | ā su̍ma̱tiṃ vṛ̍ṇīmahe
29.3
sa nau̍rāsva saha̱sriṇa̍ḥ | navam̐ ha̱virju̍ṣasva naḥ | ṛ̱tubhi̍ḥ somabhū̱ta̍maṃ | tada̱ṅga prati̍haryya naḥ | rāja̍ntsoma sva̱staye̍ | navam̐ stoma̱ṃ navam̐ ha̱viḥ | indrā̱gnibhyā̍ṃ nive̍daya
tajju̍ṣetā̱m̐ sace̍tasā | śuci̱nnu stoma̱ṃ nava̍ṃ jā̱tama̱dya
indrā̍gnī vṛtra̱haṇā̍ juṣethāṃ
29.4
u̱bhā hi vām̐ su ha vā̱joha̍vīmi | tā vājām̐saghau̍ śa̱taghe̍ṣṭhāṃ | a̱gnirindro̱ nava̍sya naḥ | a̱sya ha̱vyasya̍ tṛpyatāṃ
i̱ha de̱vau sa̍ha̱sriṇau̍ | ya̱jñaṃ na̱āhi̍ gaccha̍tāṃ | vasu̍mantam̐
suvi̱daṃ | a̱sya ha̱vyasya̍ tṛpyatāṃ | a̱gnirindro̱ nava̍sya naḥ
viśvā̍nde̱vām̐sta̍rpayata
29.5
ha̱viṣā̱'sya nava̍syanaḥ | su̱vi̱dohi ja̍jñi̱re | i̱daṃ
ba̱rhiḥ su̍ṣṭarī̱ māna̍vena | a̱yaṃ ya̱jñoyaja̍mānasya bhā̱gaḥ
a̱yaṃ ba̍bhūva̱ bhuva̍nasya̱ garbha̍ḥ | ti̱sro de̱vāi̱dama̍dyāga̍miṣṭhāḥ
i̱me'nu̱ dyāvā̍pṛthi̱vī sa̍mī̱cī | tanvā̍ne ya̱jñaṃ pu̍ru̱ peśa̍saṃ
dhi̱yā | āsmai̍ pṛṇītā̱ṃ bhuva̍nāni̱ viśvā̍ | pra̱jāṃ puṣṭi̱mamṛ̍ta̱ṃ navai̍na
29.6
i̱me dhe̱nū a̱mṛta̱ṃ ye duhā̍te | parya̍svatyutta̱rāme̍tu̱ puṣṭi̍ḥ
i̱maṃ ya̱jñaṃ ju̍ṣamā̱ṇe navai̍na | samī̱cī dyāvā̍pṛthi̱vī ghṛtācī̍ | yavi̍ṣṭhohavyavā̱hana̍ḥ | ci̱trabhā̍nurghṛ̱tāsu̍tiḥ | nava̍ṃ
jā̱to virau̍case | agne̱ tatte̍ mahi̱tvana̍ṃ | tvama̍gne de̱vatā̍bhyaḥ | bhā̱ge de̱vaṃ na mī̍yase
29.7
sae̍nā vi̱dvān ya̍kṣyasi | nava̱m̐ stoma̍ṃ juṣasva naḥ | a̱gniḥ pra̍tha̱maḥ prāśnā̍tu | sa hi ved yathā̍ ha̱viḥ | śi̱vāa̱smabhya̱moṣa̍dhīḥ | kṛ̱ṇotu̍ vi̱śvaca̍rṣaṇiḥ | bha̱drānna̱śreya̱ḥ
sama̍naiṣṭa de̱vāḥ | tvayā̱vase̱na̱ sama̍śīmahi tvā | sano̍mayo̱bhūḥ pi̍to̱āvi̍śasva | śanto̱kāya̍ta̱nuve̍ syo̱naḥ || e̱tamu̱tyaṃ madhu̍nā sa̱ṃyuta̱ṃ yava̍ṃ | sara̍svatyā̱adhi̍ma̱nāva̍carkṛṣuḥ
indra̍āsītsīra̍patiḥ śa̱takra̍tuḥ | kī̱nāśā̍āsa̱nmaru̍taḥ
su̱dāna̍vaḥ
29.8
pu̱rae̱tā vṛ̍ṇīmahe juṣe̱thāṃ tarpa̍yatā̱mṛ̱taṃ navai̍na mīyase
syo̱naśca̱tvāri̍ ca || anu0 8
juṣṭa̱ñcakṣu̍ṣo̱juṣṭo̍naro̱ nakta̍ṃ jā̱tāu̱ṣāsa̍u̱ta no̱ vṛ
ṣā̍sya̱m̐suḥ sa̱ptannava̍da̱ṣṭau
29.80
juṣṭo̍ma̱nyurbhago̱ juṣṭo̍naro̱ hariva̍ryasa̱ṅgiraḥ śi̱primvā̍
jānāmu̱ta no̱ yadvāgavada̍nto̱ viśvā̱ścāśā̍aśītiḥ
29.80.p1
hariḥ oṃ
29.80.p2
iti caturtho'dhyāyaḥ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (1)
- Taittirīyabrāhmaṇa — Sanskrit