Yajurbrahmana 3
Yajurbrāhmaṇa 3
- Language
- Sanskrit
3.1
amṛṣṭa̱ vicikitsati juhva̍tyajāma̍sṛjatāgnihotra̱m̐
sūryā̍ya prā̱tarju̍hoti̱ juhva̍ti̱ sampadyai̍te hūyate sthāpayati
sampa̍ti̱ dve ca̍ || anu0 2
ru̱dro vā e̱ṣaḥ | yada̱gniḥ | patnī̍ sthā̱lī | yanmadhye̱'gneradhiśra̱yet | ru̱drāya̱ patnī̱mapi̍ dadhyāt | pra̱māyu̍kā syāt
udī̍co'ṅgā̱rānni̱ruhyādhi̍śrayati | patnyai̱ gopī̍thāya
vya̍ntān karoti | tathā patnyapra̍māyukā bhavati
3.2
gha̱mmāvāe̱ṣo śā̱ntaḥ | aha̍rahaḥ prahṛ̍jyate | yada̍gniho̱traṃ | pra̱ti̱ṣi̱ñcetpa̍śu̱kāma̍sya | śā̱ntamiva̱ hi pa̍śa̱vya̍ṃ
na pra̍tiṣiñcedbrahmavarca̱sakā̍masya | sami̍ddhamiva̱ hi bra̍hmavarca̱saṃ | atho̱ khalu̍ | pra̱ti̱ṣi̱cyame̱va | yatpra̍tiṣi̱ñcati̍
3.3
tatpa̍śa̱vya̍ṃ | yajju̱hoti̍ | tadbra̍hmavarca̱si | u̱bhaya̍me̱vākeḥ | pra̱cyuta̱ṃ vāe̱tada̱smām̐llo̱kāt | aga̍taṃ devalo̱kaṃ | yacchṛtam̐ ha̱virana̍bhighāritaṃ | a̱bhidyo̍tayati | a̱bhyaivaine̍ddhārayati | atho̍ de̱vacai̱vana̍ṅgamayati
3.4
parya̍gnikaroti | rakṣa̍sāmapa̍hatyai | triḥparya̍gnikaroti | tryāvṛ̍ddhi ya̱jñaḥ | atho̱ medhya̍tvāya | yatprā̱cīna̍mudvāsaye̍t | yaja̍mānam̐ śu̱cārpa̍yet | yaddakṣi̱ṇā | pi̱tṛde̍vatyam̐ syāt | yatpra̱tyak
3.5
patnīm̐ śu̱cārpa̍yet | udī̍cīnamudvā̍sayati | e̱ṣā vai
de̍vamanuṣyāṇām̐ śā̱ntā dik | tāme̱vaina̱danūdvā̍sayati
śāntyai̍ | vartma̍ karoti | ya̱jñasya̱ santa̍tyai | niṣṭa̍pati | upaiva tat stṛ̍ṇāti | ca̱turunna̍yati | catu̍ṣpādaḥ pa̱śava̍ḥ
3.6
pa̱śūne̱vāva̍rundhe | sarvā̍n pū̱rvā̍nunna̍yati | sarve̱ hi
pu̱rastā̱tprāñca̍ḥ | anūca̱unna̍yati | pra̱jāyā̱anu̍vīmatvāya
anūcyevāsya prajādhukā bhavati | sammṛśati vyāvṛttyai | nāhoṣyannupasādayet | yadahoṣyannupasādayet | yathānyasmāupanidhāya
3.7
anyasmai prayacchati | tādṛgeva tat | āsmai vṛścyeta
yadeva gārhapatye'dhiśrayati | tena gārhapatyaṃ prīṇāti
agnirabibhet | āhutayomātyeṣyantīti | saetām̐ samidhamapaśyat | tāmādhatta | tatovāagnimāvāhutayo'hviyanta
3.8
yadenam̐ samaryacchat | tatsamidhaḥ samittvaṃ | samidhamādadhāti | samevainaṃ yacchati | āhutīnāṃ dhṛtyai | atho
agnihotramevedhmavatkaroti | āhutīnāṃ pratiṣṭhityai
brahmavādino vadanti | yadekām̐ samidhamādhāya dve āhutī juhoti | atha kasyām̐ samidhi dvitīyāmāhutiṃ
juhotīti
3.9
yadve samidhāvādadhyāt | bhrātṛvyamasmai janayet
ekām̐ samidhamādhāya | yajuṣānyāmāhutiṃ juhoti
ubhe eva samiddhetī āhutī juhoti | nāsmai bhrātṛvyaṃ janayati | ādīptāyāṃ juhoti | samiddhamiva hi brahmavarcasaṃ | atho yathātithiṃ jyotiṣkṛtvā pariveveṣṭi
tā̱dṛge̱va tat || ca̱turu̍nnayati | dvirju̍hoti | tasmā̍ddvi̱pāccatu̍ṣpādamatti | atho̍ dvi̱padye̱va catu̍ṣpada̱ḥ prati̍ṣṭhāpayati
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (1)
- Taittirīyabrāhmaṇa — Sanskrit