Pramāṇa · Search · About · API

Yajurbrahmana 30

Yajurbrāhmaṇa 30

Language
Sanskrit

30.1

hariḥ oṃ
dvitīyāṣṭake pañcamādhyāye
prathamo'nuvākaḥ
prā̱ṇora̍kṣati vi̱śvamerja̍t | i̱ryyo bhū̱tvā ba̍hu̱dhā ba̱hvani̍ | sai̱tsarva̱ṃ vyāna̍śe | yode̱vo de̱veṣu̍ vi̱bhūra̱ntaḥ
ārha̍dāt kṣe̱triya̍dhvagahṛ̱ṣā | tamitprā̱ṇaṃ mana̍sopa̱śikṣa̍ta | agre de̱vānā̍mi̱dama̍ttu no ha̱viḥ | mana̍saści̱ttedaṃ
bhū̱taṃ bhavya̍ñca gupyate | taddhi de̱veṣva̱griya̍ṃ

30.2

āna̍etu puraśca̱raṃ | sa̱ha de̱vairimam̐ ha̱vaṃ | mana̱ḥ śreya̍si̱ śreya̍si | karmma̍n ya̱jñapa̍tindadhat | juṣatā̍ṃ me vāgi̱dam̐
ha̱viḥ vi̱rāḍde̱vī pu̍rohi̍tā | ha̱vya̱vāḍana̍pāyinī
yayā̍ rū̱pāṇi̍ bahu̱dhā vada̍nti | yaśā̍m̐si de̱vāḥ pa̱rame
ja̱nitrai̍ | sā nau̍ vi̱rāḍana̍pasphurantī

30.3

vāgde̱vī ju̍ṣatāmi̱dam̐ ha̱viḥ | cakṣu̍rde̱vānā̱ṃ jyoti̍ra̱mṛte̱ nya̍ktaṃ | a̱sya vi̱jñānā̍ya bahu̱dhā nidhau̍yate | tasya̍
su̱mnama̍śīmahi | mā nau̍ hāsīdvicakṣa̱ṇaṃ | āyu̱rinnaḥ
pratī̍ryatāṃ | ana̍ndhāścakṣu̍ṣā va̱yaṃ | jī̱vājyotira̍śīmahi | su̱va̱rjyoti̍rutā̱mṛta̍ṃ | śrotre̍ṇa bha̱dramu̱ta śṛ̍ṇvanti
sa̱tyaṃ || śrotre̍ṇa̱ vāca̍ṃ bahudhodyamā̍nāṃ | śrotre̍ṇa moda̍ñca
maha̍śca śrūyate | śrotre̍ṇa sarvā̱diśa̱āśṛ̍ṇomi | yena̍
prācyā̍u̱ta dakṣi̍ṇā | pra̱tīcyai̱ diśa̍ḥ śṛ̱ṇvantyutta̍rāt
tadicchrotra̍ṃ bahudhodyamā̍naṃ | a̱rānna nemiḥ pari̱ sarva̍ṃ babhūva

30.1-2

a̱gni̱yama̱na̍pasphurantī sa̱tyam̐ sa̱pta ca̍ || anu0 1
ude̍hi vā̱jinyoa̱psuṣva̍ntaḥ | i̱dam̐ rā̱ṣṭramāvi̍śa
sū̱nṛtā̍vat | yorohi̍to̱ viśva̍mi̱daṃ ja̱jāna̍ | sa nau̍ rā̱ṣṭreṣu̍ sudhi̍tāṃ dadhātu | roha̍m̐ roha̍m̐ rohi̍ta̱ār‌ro̍ha
pra̱jābhi̱rvṛddhi̍ṃ ja̱nuṣā̱mupa̱stha̍ṃ | tābhi̍ḥ sa̱m̐rabhyo̱nnavi̍dat
ṣaḍu̱rvīḥ | gā̱tuṃ prapaśya̱nniha rā̱ṣṭramāhā̍ḥ | āhā̍rṣīdrāṣṭrami̱ha rohi̍taḥ | mṛ̱dhovyāstha̱dabha̍yaṃ noastu

30.2-2

a̱smabhya̍ṃ dyāvāpṛthivī̱ śakva̍rībhiḥ | rā̱ṣṭraṃ du̍hāthāmi̱ha reva̍tībhiḥ | vima̍marśu̱ rohi̍to vi̱śvarū̍paḥ | samāca̱krāṇaḥ praruho̱ruha̍śca | diva̍ṃ ga̱tvāya̍ maha̱tā ma̍hi̱mnā
vi nau̍rā̱ṣṭramu̍nattu̱ paya̍sā̱ svena̍ | yāste̱ viśa̍stapa̍sā sambabhū̱vuḥ | gāya̱traṃ va̱tsamanu̱tāstatrāgu̍ḥ | tāstvā̍viśantu̱
maha̍sā̱ svena̍ | sammā̱tā pu̱tro a̱bhye̍tu̱ rohi̍taḥ

30.3-2

yū̱yamu̍grāmarutaḥ pṛśnimātaraḥ | indre̍ṇa sa̱yujā̱ praṇī̍tha
śatrūn̍ | ā vo̱rohi̍toaśṛṇodabhidyavaḥ | trisa̍ptāso
marutaḥ svādusammṛdaḥ | rohi̍to dyāvāpṛthivī ja̍jāna
tasmi̱m̐stantu̍ṃ parame̱ṣṭhī ta̍tāna | tasmi̍ñchiśriye a̱jaeka̍pāt | aha̱m̐hṛddyāvā̍pṛthivī bale̍na | rohi̍todyāvāpṛthivī aham̐hat | tena̱ suva̱stabhi̍ta̱ṃ tena̱ nāka̍ḥ

30.4

so a̱ntari̍kṣe̱ raja̍sovimā̱naḥ | tena̍ de̱vāḥ suva̱ranva̍vindan | suśeva̍ntvā bhā̱navau̍dīdivā̱m̐sa̍ṃ | sama̍grāso
juhvau jātavedaḥ | ukṣanta̍ṃ tvā vā̱jina̍māghṛte̱ na̍ḥ | sam̐sa̍magne yuvase̱ bhoja̍nāni | agne̱ śardha̍ maha̱te saubha̍gāya
tava̍ dyu̱mnānyu̍tta̱māni̍ santu | sa̱ñjñāstyam̐sū̱yama̍mākṛ̱ṇuṣva | śa̱cūyatāma̱bhiti̍ṣṭhā mahāṃm̐si

30.1-3

a̱stvetu̱ rohi̍to̱nāko̍mahāṃm̐si || anu0 2
puna̍rna̱indro̍ ma̱ghavā̍ dadātu | dhanā̍ni śa̱krodhanya̍ḥ
su̱rādhā̍ḥ | a̱rvācī̍naṃ kṛṇutāṃ yāci̱tomana̍ḥ | a̱ṣṭīnau
a̱sya ha̱viṣo̍ juṣā̱ṇaḥ | yāni̍ no'ji̱naṃ dhanā̍ni | ja̱hṛthe śūra ma̱nyunā̍ | indrā̍nuvinda na̱stāni̍ | ane̍na ha̱viṣā
puna̍ḥ | indra̱āśā̍bhyaḥ pari̍ | sarvā̍bhyo̱bhaya̍ṃ karat

30.2-3

jetā̱ śatrū̱n vica̍rṣaṇiḥ | ākū̍tyai tvā kāmā̍ya tvā
samṛ̍dhai tvā | pu̱roda̍dhea̱mṛta̍tvāya̍ jī̱vase̍ | ākū̍timasyāva̍se | kāma̍masya̱ samṛ̍dhai | indra̍sya yuñjate̱ dhiya̍ḥ
ākū̍tiṃ de̱vīṃ mana̍saḥ pu̱roda̍dhe | ya̱jñasya̍ mā̱tā su̱havā
me astu | yadi̱cchāmi̱ mana̍sā sa̱kāma̍ḥ | vi̱deya̍me̱maddhṛda̍ye nivi̍ṣṭaṃ

30.3-3

sedu̱gnira̱gnīm̐ ratye̍tya̱nyān | yatra̍ vā̱jī tana̍yo vī̱ḍupā̍ṇiḥ | sa̱hasra̍pāthā a̱kṣarā̍ sameti̍ | āśā̍nāṃ tvāśāpālebhya̍ḥ | ca̱turbhyo̍a̱mṛte̍bhyaḥ | i̱daṃ bhū̱tasyādhya̍kṣebhyaḥ
vidharma ha̱viṣā̍ va̱yaṃ | viśvā̱nnāśā̱madhu̍nā sam̐sṛ̍jāmi
anamī̱ vāā̱paoṣa̍dhayobhavantu | a̱yaṃ yaja̍māno̱mṛdho̍vya̍syatāṃ || abhī̍tāḥ pa̱śava̍ḥ santu̱ sarve̍ | a̱gniḥ somo̱varu̍ṇomi̱traindra̍ḥ | bṛha̱spati̍ḥ savi̱tā yaḥ sa̍ha̱srau | pū̱ṣā no̍
go̱bhireva̍ sā̱rasvatī | tvaṣṭā̍ rū̱pāṇi̱ sama̍naktu ya̱jñaiḥ
tvaṣṭā̍ rū̱pāṇi̍ dadhatī sara̍svatī | pū̱ṣā bhagam̐̍ savi̱tā
nau̍dadātu | bṛha̱spati̱rdada̍dindra̍ḥ sa̱hasra̍ṃ | mi̱trodā̱tā
varu̍ṇa̱ḥ somo̍ a̱gniḥ

30.1-4

kara̱nnirviṣṭa̱masyatā̱nnava̍ ca || anu0 3
caturtho'nuvākaḥ
ā no̍bhara̱ bhaga̍mindra dyu̱manta̍ṃ | ni te̍ de̱vasya̍ dhīmahi
prare̱ke | urvīi̍va paprathe̱ kāmo̍a̱sme | tamāpṛ̍ṇā vasupate̱
vasū̍nāṃ | i̱maṃ kāma̍ṃ mandayā go̱bhiraśvai̍ḥ | ca̱ndrava̍tārādha̍sā paprathasva | su̱va̱ryya vo̍ ma̱tibhi̱ḥ stubhya̱ṃ viprā̍ḥ | indrā̍ya
vā̱haḥ kuśi̱kāso̍ akran | indra̍sya̱ nu vī̱ryyā̍ṇi̱ pravo̍caṃ
yāni̍ ca̱kāra̍ pratha̱māni̍ va̱jrī

30.2-4

aha̱nnahi̱manva̱pasta̍tarda | pra̱vakṣaṇā̍abhina̱t parva̍tānāṃ | aha̱nnahi̱ṃ parva̍te śiśriyā̱ṇaṃ | tvaṣṭā̍smai̱ vajram̐̍
sva̱rya̍tatakṣa | vā̱śrāi̍va dhe̱nava̱ḥ syanda̍mānāḥ | añja̍ḥ samu̱dramava̍jagmu̱rāpa̍ḥ | vṛ̱ṣāyamā̍ṇo vṛṇīta̱ soma̍ṃ | trika̍drukeṣvapibatsu̱tasya̍ | āsā̍yakaṃ ma̱ghavā̍datta̱ vajra̍ṃ | aha̍nnenaṃ prathama̱jāmahī̍nāṃ

30.3-4

yadi̍ndrā̱han prathama̱jāmahī̍nāṃ | ānmā̱yināmami̍nā̱ḥ protamā̱yāḥ | ātsūrya̍ janaya̱n dyāmu̱ṣāsa̍ṃ | tādī̱tnā
śatru̱nnakilā̍ vivatse | aha̍ vṛ̱traṃ vṛ̍tra̱tara̱ṃ vya̍ṃsaṃ | indro̱
vajre̍ṇa maha̱tā va̱dhena̍ | skandhām̐sī̍va̱ kuli̍śenā̱vivṛ̍kṇā
ahi̍ḥ śayataupa̱pṛkpṛ̍thi̱vyāṃ | ayo̱dhyeva̍ durma̱daā hi
juhve | ma̱hāvī̱rantu̍ vi̱vādhamṛ̍jī̱ṣaṃ

30.4-2

nātā̍rīrasya̱ samṛ̍tiṃ va̱dhānā̍ṃ | sam̐rujānā̍ḥ pipiṣaindra̍śatruḥ | vi̱śvo vi̍hāyāara̱tiḥ | vasu̍rde̱ye haste̱ dakṣiṇe | tara̍ṇi̱rnaśi̍śrathat | śrava̱sya yānaśi̍śrathat | viśva̍smā̱idu̍ṣudhyase | de̱vatrā ha̱vyamū̍hiṣe | viśva̍smā̱itsukṛte̱ vāra̍mṛṇvati | a̱gnirdvā̍rā̱ vyū̍rṇoti

30.5

uda̱gnihā̍noa̱bhikāma̍moraya̱n | pṛ̱ṣṭṛñcan viśvā̱
bhuva̍nāni pū̱rvyathā̍ | āke̱tunā̍ supami̱ddho yaji̍ṣṭhaḥ | kāma̍nno agne a̱bhiha̍rya di̱gbhyaḥ | juṣā̱ṇo ha̱vyamamṛ̍teṣu dū̱tya̍ṃḥ | ā nau̍ra̱yiṃ ba̍hu̱lāṃ goma̍tī̱miṣa̍ṃ | nidhe̍hi yakṣadṛ̱mṛte̍ṣu bhūṣan | a̱śvinā̍ ya̱jñamāgata̍ṃ | dā̱śuṣa̍ḥ purudam̐sasā | pū̱ṣā ra̍kṣatu no ra̱yiṃ

30.6

i̱maṃ ya̱jñama̱śvinā̍ varddhayantā | i̱mau ra̱yiṃ yaja̍mānāya
dhattaṃ | i̱mau pa̱śūn rakṣa̍tāṃ vi̱śvato̍ naḥ | pū̱ṣā na̍ḥ pātu sada̱mapra̍yucchan | prate̍mahe sa̍rasvati | su̱bhage̍ vāji̍nīvati
sa̱tyavā̍ce bhare ma̱tiṃ | i̱dante̍ ha̱vyaṃ ghṛ̱tava̍tsarasvati | sa̱tyavā̍ce prabha̍remā ha̱vīm̐ṣi̍ | i̱māni̍ te duri̱tā saubha̍gāni || tebhi̍rva̱yam̐ su̱bhagā̍saḥ syāma

Commentaries (1)

Linked texts (6)