Pramāṇa · Search · About · API

Yajurbrahmana 31

Yajurbrāhmaṇa 31

Language
Sanskrit

31.1

va̱jryahau̍nāmṛjī̱ṣaṃ vyu̍rddhati rakṣatu no ra̱yim̐ saubha̍gānye̱kañca̍ || anu0 4
pañcamo'nuvākaḥ
ya̱jñorā̱yo ya̱jñaī̍śe vasū̍nāṃ | ya̱jñaḥ sasyā̍nāmu̱ta su̍kṣitānā̍ṃ | ya̱jñaiṣṭa̍ḥ pū̱rvvaci̍ttiṃ dadhātu | ya̱jño bra̱hmāevām̐
apye̍tu de̱vān | a̱yaṃ ya̱jño va̍rddhatāṃ gobhi̱raśvai̍ḥ | i̱yaṃ vedi̍ḥ svapa̱tyā su̱vīrā̍ | i̱daṃ ba̱rhirati̍ba̱rhīm̐ṣya̱nyā | i̱maṃ
ya̱jñaṃ viśve̍avantu de̱vāḥ | bhaga̍e̱va bhaga̍vām̐ astu de̱vāḥ
tena̍ va̱yaṃ bhaga̍vantaḥ syāma

31.2

tantvā̍bhaga̱ sarvva̱ijjo̍ havīmi | sa no̍bhagapurae̱tā
bha̍ve̱ha | bhaga̱ praṇe̍ta̱rbhaga̱ satya̍ rādhaḥ | bhage̱māṃ dhiya̱muda̍vadai̍ndraḥ| bhaga̱ pra ṇau̍janaya̱ gobhi̱raśvai̍ḥ| bhaga̱ pra nṛ̱bhirnṛ̱vanta̍ḥ
syāma| śaśva̍tīḥ samā̱upa̍yanti lo̱kāḥ| śaśva̍tīḥ samā̱upa̍yantyāpa̍ḥ| i̱ṣṭaṃ pū̱rttam̐ śaśva̍tīnām̐ samā̍nām̐ śāśva̍tena̍| ha̱viṣma̍ntāna̱ntaṃ lo̱kaṃ para̱māru̍roha

31.3

i̱yame̱va sā yā pratha̱movyauccha̍t| sā rū̱pāṇi̍ kurute
pañca̍devī| dve svasā̍rau vayatastantra̍me̱tat| sanā̱tana̱ṃ vita̍tam̐ ṣaṇma̱yūkha̍m| a̱vānyām̐stantūnkira̍taudha̱tto a̱nyān| nāpa̍pṛ̱jyāte̱ na ga̍ṃmāte̱ anta̍m| ā̱vau̱yaṃ tṝda̱vāhāsau̍a̱dya| vṛṣṭiṃ ye viśve̍ ma̱ruto̍ juna̱nti̍| a̱yaṃ yoa̱gnirma̍ruta̱ḥ sami̍ddhaḥ| e̱taṃ ju̍ṣadhvaṃ kavayoyuvānaḥ

31.4

dhā̱rā̱va̱rā ma̱ruto̍ dhṛ̱ṣṇuvaujasaḥ| mṛ̱gāna bhī̱māsta̍vi̱ṣebhi̍rū̱rmibhi̍ḥ| a̱gnayo̱na śu̍śucā̱naṛ̍jī̱ṣiṇa̍ḥ| bhumi̍nvanta̱upa̍gā̱añca̍dṛkva̱ta| vica̍krame ci̱rdevaḥ| ā̱vedhasa̱ṃ nīla̍pṛṣṭhaṃ bṛha̱nta̍ṃ| bṛha̱spati̍ṃm̐ sada̍te sādayadhvaṃ
sāda̱dyoni̱ṃ dama̱ādī̍di̱vām̐sa̍ṃ| hira̍ṇyavarṇamaru̱ṣam̐sa̍pema| sa hi śuci̍ḥ śa̱tapa̍ñcaḥ sa śu̱mbhyūḥ

31.5

hira̍ṇyavāśīriṣi̱raḥ su̍varṣāḥ| bṛha̱spati̍ḥ sakhā̍ veśaṛ̱gvāḥ| pū̱ru̱sakhi̍bhyaścā su̱tiṃ ka̍riṣṭhaḥ| pū̱ṣam̐stave̍ vṛ̱te
va̱yaṃ| na ri̍ṣyema kadā̍cana| sto̱tāra̍stai̱hasma̍si| yāste pūṣannāvo̍a̱ntaḥ sa̍mu̱dre | hi̱ra̱ṇmayī̍ra̱ntari̍kṣe caranti | yābhi̍ryā̱si dū̱tyām̐ sūrya̍sya | kāme̍na kṛ̱taḥ śrava̍i̱cchamā̍naḥ

31.6

ara̍ṇyānya̱ra̍ṇyānya̱sau | yā preva̱ naśya̍si | ka̱thā grā̱maṃ
na pṛ̍cchasi | natvā bhī̱riva̍ vindatī | vṛ̱ṣā̱ra̱vāya̱ vada̍te
yadu̍pāva̍ti cicci̱kaḥ | ā̱ghā̱ṭībhi̍riva dhā̱vaya̍n | a̱ra̱ṇyā̱nirma̍hīyate | u̱ta gāva̍ivādan | u̱to veśme̍va dṛśyate

31.7

u̱to a̍raṇyā̱nissā̱yaṃ | śa̱ka̱ṭīri̍va sa̱rja̍ti | gāma̱ṅgaiṣa ā hva̍yati | dā̱rva̱ṅgaiṣa u̱pāva̍dhīt | vasa̍nnaraṇyā̱nyām̐
sā̱yaṃ | akru̍kṣa̱diti̍ manyate | na vā a̍raṇyā̱nirha̍nti
a̱nyaścennā̱bhigaccha̍ti | svā̱doḥ phala̍sya ja̱gdhvā | ya̱tha
kāma̱ṃ nipa̍dyate || ā̱ñja̱na̱ga̱ndhīm̐ su̱rabhi̍ṃ | ba̱hvannā̱ma kṛ̍ṣībalā̍ṃ | prā̱haṃ mṛ̱gāṇā̍ṃ mā̱tara̍ṃ | a̱ra̱ṇyā̱nīma̍śam̐siṣaṃ

Commentaries (1)

Linked texts (2)