Yajurbrahmana 32
Yajurbrāhmaṇa 32
- Language
- Sanskrit
32.1
syāma̍ ru̱roha̱ yuvā̱naḥ śu̱ndhyūri̱cchamā̍no̱'dṛśyā̍te̱ nipa̍dyate ca̱tvāri̍ ca || anu0 5
ṣaṣṭho'nuvākaḥ
vā̱tra̱ha̱tyāya̱ śava̍se | pṛtanā sā̱hyāya̍ ca | indra̱tvāva̍rdhayāmasi | su̱bra̱hmāṇa̍ṃ vī̱rava̍ntaṃ bṛhanta̍m | u̱ruṃ ga̍bhī̱raṃ
pṛ̱thubu̍dhna̱mindra̍m | śru̱tarṣi̍mu̱grama̍bhimāti̱ṣāha̍m | a̱smabhya̍ṃ
ci̱traṃ vṛṣa̍ṇam̐ rayindāḥ | kṣe̱triyai̍ tvā nirṛ̍tyai tvā | dru̱ho mu̍ñcāmi̱ varu̍ṇasya̱ pāśā̍t | anāgasa̱ṃ brahma̍ṇe tvā
karomi
32.2
śi̱ve te̱ dyāvā̍pṛthi̱vī u̱bhe i̱me | śante̍ a̱gniḥ sa̱hādbhire̍stu | śandyāvā̍pṛthi̱vī sa̱hauṣa̍dhībhiḥ | śama̱ntari̍kṣam̐ sa̱ha vāte̍na te | śante̱ cata̍sraḥ pra̱diśo̍bhavantu | yā
daivī̍ścata̍sraḥ pra̱diśa̍ḥ | vāta̍patnīru̱bhisūryo̍ vica̱ṣṭe | tāsā̍ṃ
tvā ja̱rasa̱āda̍dhāmi | prayakṣmaitu̱ nirṛ̍tiṃ pa̱rācai̍ḥ
amo̍ci̱ yakṣmā̍dduri̱tādava̍dyya
32.3
dru̱haḥ pāśā̍nnirṛ̍tyai coda̍moci | ahā̍a̱varmi̱mavi̍datsyo̱nam | apya̍bhūdbha̱dre su̍kṛ̱tasya̍ lo̱ke | sūrya̍mṛ̱taṃ tama̍so̱ grāyā̍ yat | de̱vāamu̍ñca̱nsṛja̍n vetasaḥ | evamahami̱maṃ kṣe̍triyā̱jjāmi̱śam̐sāt | dru̱ho mu̍ñcāmi̱ varu̍ṇasya̱ pāśā̍t | bṛha̍spate yu̱vamindra̍śca̱ vasva̍ḥ | di̱vyasyeśāthe
u̱ta pārthi̍vasya | dha̱ttam̐ ra̱yim̐ stu̍va̱te vī̱ra va̍ntam
32.4
a̱yaṃ pāśa̍ma̱diti̍ḥ sradāma | de̱vāamu̍ñca̱nsṛja̍nvejuṣā̱nāḥ | vi̱śvāma̍dhama̱bhi ye rakṣa̍māṇāḥ | tene̍ i̱tāddī̱rghamadhvā̍na̱māya̍n | a̱nanta̱mardha̱mani̍vartyamā̍nāḥ
yatte̍ sujāte hi̱mava̍tsu bheṣa̱jaṃ | mayo̱bhḥ śanta̍māya̱ṅgudo'si̍ | tato̍ node̱hi sībale | a̱do gi̱ribhyo̱adhi̱yat
pra̱dhāva̍si | sa̱m̐śobha̍mānā ka̱nye̍va śu̱bhre
32.5
tāṃ tvā̍ supra̱jā ha̱viṣā̍ varddhayanti | sā na̍ḥ sībale
ra̱yimābhā̍jaye̱ha | pūrve̍ de̱vāa̍pa̱reṇā̍nu̱paśya̱nna̱mabhi̍ḥ
va̱nā̱nyava̍rai̱ parā̍ṇi | vedā̍ni de̱vāa̱yama̍smīti̱ māṃ
aha̱m̐ hi̱tvā śarī̍raṃ ja̱rasa̍ḥ pa̱rastā̍t | prā̱ṇāpā̱nau
cakṣu̱ḥ śrotra̍ṃ | vāca̱ṃ mana̍si sambhṛ̍tāṃ | hi̱tvā śarī̍raṃ ja̱rasa̍ḥ pa̱rastā̍t | ā bhūti̱ṃ bhūti̍ṃ va̱yama̍śnuvāma̱hai || i̱māe̱va
tāu̱ṣaso̱ yā pra̍tha̱mā vyauccha̍n | tā de̱vya̍ḥ kurvate pañca̍rū̱pāṃ | śaśva̍tīrnā̱vapṛ̍ṇanti | na ga̍mantyanta̍ṃ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (2)
- Taittirīyabrāhmaṇa — Sanskrit
- Āgniveśyagṛhyasūtra — Agniveśa, Sanskrit