Yajurbrahmana 34
Yajurbrāhmaṇa 34
- Language
- Sanskrit
34.1
hariḥ oṃ
dvitīyāṣṭake ṣaṣṭhādhyāye
prathamo'nuvākaḥ
svādvīṃ tvā svādunā | tīvrāṃ tīvreṇa | amṛtāmamṛtena | madhumatīṃ madhumatā | sṛjāmi sam̐somena | somo'syaśvibhyāṃ pacyasva | sarasvatyai pacyasva | indrāya sutrāmṇe
pacyasva | parīto ṣiñcatā sutaṃ | somo ya uttamam̐
haviḥ
34.2
dadhanvāyo naryyo apsvantarā | suṣāvaso madribhiḥ
punātu te parisrutaṃ | somam̐ sūryyasya duhitā | vāreṇa
śaśvatātanā | vāyuḥ pūtaḥ pavitreṇa | prāṅsomo atidrutaḥ | indrasya yujyaḥ sakhā | vāyuḥ pūtaḥ pavitreṇa | pratyaṅsomo atidrutaḥ
34.3
indrasya yujyaḥ sakhā | brahma kṣatraṃ pavate teja indriyaṃ
surayā somaḥ suta āsutomadāya | śukreṇa deva devatāḥ
pipṛgdhi | rasenānnaṃ yajamānāya dhehi | kuvidṅgayavamantoyavañcit | yathā dāntyanupūrvaṃ vi yūyaṃ | ihehaiṣāṃ
kṛṇuta bhojanāni | ye barhiṣo namovṛktiṃ na jagmuḥ | upayāma gṛhīto'syaśvibhyāṃ tvā juṣṭaṃ gṛhṇāmi
34.4
sara̍svatyā indrā̍ya su̱trāmṇe̍ | e̱ṣa te̱ yoni̱steja̍se
tvā | vī̱ryā̍ya tvā balo̍ya tvā | tejo̍'si̱ tejo̱ mayi̍ dhehi | vī̱rya̍masi vī̱rya̱ṃ mayi̍ dhehi | bala̍masi̱ bala̱ṃ mayi̍
dhehi | nānā̍hi vāṃ devahi̍ta̱m̐ sada̍ḥ kṛ̱taṃ | mā sam̐sṛ̍kṣāthāṃ para̱me vyo̍man | surā̱ tvama̍si śuṣmiṇī̱ soma̍ e̱ṣaḥ
mā mā̍ him̐sī̱ḥ svāṃ yoni̍māvi̱śan
34.5
upayāma gṛ̍hīto'syā̱śvina̱ṃ teja̍ḥ | sā̱ra̱sva̱taṃ vī̱rya̍ṃ
aindra̱ṃ bala̍m | e̱ṣa te̱ yoni̱rmodā̍ya tvā | ā̱na̱ndā̱ya tvā
maha̍se tvā | ojo̍'syojo̱ mayi̍ dhehi | ma̱nyur̍asi ma̱nyuṃ
mayi̍ dhehi | maho̍'si̱ maho̱ mayi̍ dhehi | saho̍'si̱ saho̱ mayi̍ dhehi | yā vyā̱ghraṃ viṣū̍cikā || u̱bhau vṛka̍ñca rakṣa̍ti
śye̱naṃ pa̍ta̱triṇam̐̍ sim̐ha̍ṃ | semaṃ pā̍tvam̐ha̍saḥ | sampṛ̍castha
sammā̍ bha̱dreṇa̍ pṛṅkta | vipṛ̍castha̱ vi mā̍ pā̱pmanā̍ pṛṅkta
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (1)
- Taittirīyabrāhmaṇa — Sanskrit