Pramāṇa · Search · About · API

Yajurbrahmana 36

Yajurbrāhmaṇa 36

Language
Sanskrit

36.1

i̱ndri̱yārya̍ pi̱tara̍ḥ śa̱tāyu̍ṣā puna̍ntu̱ mā pitāma̱hāḥ
puna̍ntu prapi̍tāma̱hāḥ kalpatām̐ sva̱staye̱ pañca̍ ca || anu03
caturtho'nuvākaḥ
sīse̍na tantra̱ṃ mana̍sā manī̱ṣiṇa̍ḥ | ūrṇā̱sūtre̍ṇa ka̱vayo̍ vayanti | a̱śvinā̍ ya̱jñam̐ sa̍vi̱tā sara̍svatī | indra̍sya
rū̱paṃ varu̍ṇo'bhiṣajyan | tada̍sya rū̱pama̱mṛtam̐̍ śacī̍bhiḥ
ti̱sroda̍dhurdai̱vatā̍ḥ sam̐rarā̱ṇāḥ | lomā̍ni̱ śaṣpai̍rbahudhānato̱kma̍bhiḥ | tvaga̍sya mām̐sa̱mabha̍vanna lā̱jāḥ | tada̱śvinā̍ bhi̱ṣajā̍ ru̱drava̍rtanī | sara̍svatī vayati̱ peśo̱ antara̍ḥ

36.2

asthi̍ ma̱jjāna̍ṃ mā̱sarai̍ḥ | kā̱ro̱ta̱reṇa̍ dadha̍to̱ gavā̱ṃ tvaci̍ | sara̍svatī̱ mana̍sā̱ peśa̍la̱ṃ vasu̍ | nāsa̍tyābhyāṃ vayati
da̱rśata̱ṃ vapu̍ḥ | rasa̱ṃ pari̍srutā̱ na rohi̍taṃ | na̱gna̱hu̱dhīrasta̍sa̍ra̱nnavema̍ | paya̍sā śu̱krama̱mṛta̍ṃ ja̱nitra̍ṃ | su̱rayā̱ mūtrā̍
nayanti̱ reta̍ḥ | apā̱marti̍ṃ durma̱tiṃ bādha̍mānāḥ | ū̱va̱dhyaṃ
vātam̐̍ sa̱buva̱ṃ tadā̱rāt

36.3

indra̍ḥ sutrā̱mā hṛda̍yena sa̱tyaṃ | pu̱ro̱ḍāśe̍na savi̱tā
ja̍jāna | yakṛ̍tklo̱māna̱ṃ varu̍ṇo'bhiṣajyan | ma̱ta̱sne vāya̱vyai̱rna mi̍nāti pi̱ttaṃ | ā̱ntrāṇi̍ sthā̱lī madhu̍ pinva̍mānā | gudā̱pātrā̍ṇi su̱dughā̱ na dhe̱nuḥ | śye̱nasya̱ patra̱ṃ na plīhā śacī̍bhiḥ | ā̱sa̱ndīnābhi̍ru̱dara̱ṃ na mā̱tā | ku̱mbhova̍niṣṭurja̍ni̱tā śacī̍bhiḥ | yasmi̱nnagne̱ yonyā̱ garbho̍a̱ntaḥ

36.4

ā̱śīrvya̍ktaḥ śa̱tadhā̍ra̱utsa̍ḥ | du̱hena̍ ku̱mbhīm̐ sva̱dhāṃ
pi̱tṛbhya̍ḥ | mu̱kham̐ sada̍sya̱ śira̱itsade̍na | ji̱hvā pa̱vitra̍ma̱śvinā̱ sam̐ sara̍svatī | ca̱pyannapā̱yurbhi̱ṣaga̍sya̱ vāla̍ḥ
va̱stirnaśepo̱hva rasā̱ taru̍khī | a̱śvibhyā̱ṃ cakṣu̍ra̱mṛta̱ṃ grahā̍bhyāṃ | chāge̍na̱ tejo̍ ha̱viṣā̍ ghṛ̱tena̍ | pakṣmā̍ṇi go̱dhūma̍ḥ kuva̱lairū̱tāni̍ | peśo̱na śu̱klamasi̍taṃ vasāte

36.5

avi̱rna me̱ṣona sibo̱ryyā̍ya | prā̱ṇasya̱ panthā̍ a̱mṛto̱ grahā̍bhyāṃ | sara̍svatyupavā̱kairvyā̱naṃ | nasyā̍ni ba̱rhirbada̍rairjajāna | indra̍sya rū̱pamṛ̍ṣa̱bho balā̍ya | karṇā̍bhyām̐ śrotra̍ma̱mṛta̱ṃ
grahā̍bhyāṃ | yavā̱na ba̱rhirbhruvi̱ kesa̍rāṇi | karka̍ndhū̱yajñe̱ madhu̍ sā̱ragha̱ṃ mukhā̍t | ā̱tmannupa̱sthena̱ vṛka̍sya̱ loma̍ | mu̱khe
śmaśrū̍ṇi̱ na vyā̱ghralo̱maṃ

36.6

keśā̱ na śī̱rṣan ya̱śase̍ śri̱yai śi̱khā | sim̐ha̱sya̱ loma̍
tvi̱ṣirindri̱yāṇi̍ | aṅgā̍nyā̱tman bhi̱ṣajā̱ tada̱śvinā̍
ā̱tmāna̱maṅgai̍ḥ sama̍dhā̱tsara̍svatī | indra̍sya rū̱pam̐ śa̱tamā̍na̱māyu̍ḥ | ca̱ndreṇa̱ jyoti̍ra̱mṛta̱ṃ dadhā̍nā | sara̍svatī
yonyā̱ garbha̍ma̱ntaḥ | a̱śvibhyā̱ṃ patnī̍ sukṛ̱taṃ bi̍bhartti | apām̐ rase̍na varu̍ṇo na sāmā̍ | indram̐ śriyai̍ ja̱naya̍nnapsu rājā̍ || teja̍ḥ paśū̱nām̐ ha̱viri̍ndri̱yāva̍t | pari̍srutā paya̍sā sā̱ragha̱ṃ madhu̍ | a̱śvibhyā̍ṃ du̱gdhaṃ bhi̱ṣajā̱ sara̍svatyā sutāsu̍tābhyāṃ | a̱mṛta̱ḥ soma̱ indu̍ḥ

Commentaries (1)

Linked texts (6)