Yajurbrahmana 37
Yajurbrāhmaṇa 37
- Language
- Sanskrit
37.1
a̱ntara̱nnārāda̱nnarva̍sāte vyāghralo̱mam̐ rājā̍ ca̱tvāri̍ ca || anu0 4
pañcamo'nuvākaḥ
mi̱tro̍'si varu̍ṇo'si | sama̱haṃ viśvai̍rde̱vaiḥ | kṣa̱trasya̱ nābhirasi | kṣa̱trasya̱ yoni̍rasi | syo̱nā mā sī̍da | su̱ṣadā̱
mā sī̍da | mā tvā̍ him̐sīt | mā mā̍ him̐sīt | niṣa̍sāda dhṛ̱tavra̍to̱ varu̍ṇaḥ | pa̱styā̱svā
37.2
sāmrā̍jyāya su̱kratu̍ḥ | de̱vasya̍ tvā savi̱tuḥ prasa̱ve
a̱śvino̍rbā̱hubhyā̍ṃ | pū̱ṣṇo hastā̍bhyāṃ | a̱śvino̍rbhe̱ṣajye̍na
teja̍se brahmavarca̱sāyā̱bhiṣi̍ñcāmi | de̱vasya̍ tvā savi̱tuḥ
prasa̱ve | a̱śvino̍rbā̱hubhyā̍ṃ | pū̱ṣṇo hastā̍bhyāṃ | sara̍svatyai
bhaiṣa̱jyena̍
37.3
vī̱ryā̍yānnādyā̍yā̱bhiṣi̍ñcāmi | de̱vasya̍ tvā savi̱tuḥ
prasa̱ve | a̱śvino̍rbā̱hubhyā̍ṃ | pū̱ṣṇo hastā̍bhyāṃ | indra̍syeśri̱yeṇa̍ | śri̱yai yaśa̍se̱ balā̍yā̱bhiṣi̍ñcāmi | ko'si̍ka̱tamo̍'si | kasmai̍ tvā̱ kāya̍ tvā | su̱ślo̱kām̐ 4 su̱maṅga̱lām̐ 4
sa̱tya rā̍jā̱nam | śiro̍ me̱ śrīḥ
37.4
yaśo̱ mukha̍m | tviṣi̱ḥ keśā̍śca̱ śmaśrū̍ṇi | rājā̍ me prā̱ṇo'mṛ̍tam | sa̱mrāṭ cakṣu̍ḥ | vi̱rāṭ śrotra̍m | ji̱hvā me̍ bha̱dram
vāṅma̱haḥ | mano̍ ma̱nyuḥ | sva̱rāḍbhāma̍ḥ | modā̱ḥ pramo̍dāa̱ṅgulī̱raṅgā̍ni
37.5
mi̱traṃ me̱ saha̍ḥ | bā̱hū me̱ bala̍mindri̱yam | hastau̍ me̱ karma̍
vī̱rya̍m | ā̱tmā kṣa̱tramu̱ro mama̍ | pṛ̱ṣṭīrme̍ rā̱ṣṭramu̱dara̱maṃsau̍
grī̱vāśca̱ śroṇyau̍ | ū̱rū ara̍tnī̱ jānu̍nī | viśo̍ me'ṅgā̍ni sa̱rvata̍ḥ | nābhi̍rme ci̱ttaṃ vijñā̍nam | pā̱yurme'pa̍ci̱tirbhasa̍t
37.6
ā̱na̱nda̱na̱ndāvā̱ṇḍau me̍ | bhaga̱ḥ saubhā̍gya̱ṃ pasa̍ḥ | jaṅghābhyā̍ṃ pa̱dbhyāṃ dha̱rmo'smi̍ | vi̱śi rājā̱ prati̍ṣṭhitaḥ | prati̍kṣa̱tre prati̍tiṣṭhāmi rā̱ṣṭre | pratyaśve̍ṣu̱ prati̍tiṣṭhāmi̱ goṣu̍
pratyaṅge̍ṣu̱ prati̍tiṣṭhāmyā̱tman | prati̍prā̱ṇeṣu̱ prati̍tiṣṭhāmi
pu̱ṣṭe | prati̱dyāvā̍pṛthi̱vyoḥ | prati̍tiṣṭhāmi ya̱jñe
37.7
namo̍ de̱vāekā̍daśa | traya̍strim̐śāḥ su̱rādha̍saḥ | bṛha̱spati̍purohitāḥ | de̱vasya̍ savi̱tuḥ sa̱ve | de̱vāde̱vairbhava̍ntu
mā | pratha̱mādvi̱tīyai̍ḥ | dvi̱tīyā̍stṛ̱tīyai̍ḥ | tṛ̱tīyā̍ḥ
sa̱tyena̍ | sa̱tyaṃ ya̱jñena̍ | ya̱jño yaju̍rbhiḥ
37.8
yajū̱ṃṣi sāma̍bhiḥ | sāmānyu̱gbhiḥ | ṛco̱ yājyā̍bhiḥ | yājyā̍ vaṣaṭkā̱raiḥ | va̱ṣa̱ṭkā̱rā āhu̍tibhiḥ | āhu̍tayo me kāmāntsa̱ma̍rddhayantu | bhūḥ svāhā̍ | lomā̍ni praya̍tirmama | tvaṅnaānatirā̱gati̍ḥ | mām̐sa̱mupa̍natiḥ
vasvasthi̍ | ma̱jjā ma̱nnāna̍tiḥ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (3)
- Taittirīyabrāhmaṇa — Sanskrit
- Kāṇvaśākhā — Sanskrit
- Mahānyāsaprayoga — Sanskrit