Yajurbrahmana 39
Yajurbrāhmaṇa 39
- Language
- Sanskrit
39.1
kha̱nnaenām̐si cakṛ̱māva̱yaṃ mu̱ñca malā̍diva sa̱mida̍si
jaga̱ntīti̍ ca || anu0 6
saptamo'nuvākaḥ
hotā̍ yakṣatsa̱midhendra̍miḍa̱spade | nābhā̍ pṛthi̱vyā
adhi̍ | di̱vo varṣma̍nsa̱midhya̍te | oji̍ṣṭhaścarṣaṇī̱sahā̍n
vetvājya̍sya̱ hota̱ryaja̍ | hotā̍yakṣatta̱nūnapā̍taṃ | ū̱tibhi̱
rjetā̍ramapa̍rājitaṃ | indra̍ṃ de̱vam̐ su̍va̱rvida̍ṃ | pa̱thibhirmadhu̍
mattamaiḥ | narāśam̐se̍na̱ teja̍sā
39.2
vetvājya̍sya̱ hota̱ryaja̍ | hotā̍yakṣadi̱ḍābhi̱rindra̍mī
ḍi̱taṃ | ājuhvā̍namama̍rtyaṃ | de̱vode̱vaiḥ savī̍ryaḥ | vajra̍
hastaḥ puranda̱raḥ | vetvājya̍sya̱ hota̱ryaja̍ | hotā̍yakṣadva̱rhi
ṣīndra̍ṃ niṣa̱dvara̍ṃ | vṛṣa̱bhaṃ naryā̍pasaṃ | vasu̍bhīru̱drairā̍di̱tyaiḥ
sa̱yugbhi̍rba̱rhirāsa̍dat
39.3
vetvājya̍sya̱ hota̱ryaja̍ | hotā̍yakṣa̱ddorjo na vī̱rya̍ṃ | sa
hodvā̱ramindra̍mava̱rddhayan | su̱prā̱ya̱ṇā vi̍śrayantāmṛtāvṛdhaḥ
dvāra̱indrā̍ya mī̱ḍhuṣe̍ | viya̍ntvājya̍sya̱ hota̱ryaja̍ | hotā̍
yakṣadu̱ṣe indra̍sya dhe̱nū | su̱dughe̍ mā̱tarau̍ ma̱hī | sa̍vā̱tarau̍
na teja̍sī | va̱tsamindra̍mava̱rddhatāṃ
39.4
vī̱tāmājya̍sya̱ hota̱ryaja̍ | hotā̍yakṣa̱ddaivyā̱hotā̍rā
bhi̱ṣajā̱ sakhā̍yā | ha̱viṣendra̍ṃ bhiṣajyataḥ | ka̱vī de̱vau pra
ce̍tasau | indrā̍ya dhatta indri̱yaṃ | vī̱tāmājya̍sya̱ hota̍
ya̍ja | hotā̍yakṣatti̱sro de̱vīḥ | traya̍stridhā̱tavo̍pasaḥ | iḍā sara̍svatī̱ bhāra̍tī
39.5
ma̱hondra̍patnīrhavi̱ṣmatīḥ | viyantvājya̍sya̱ hota̱ryaja̍
hotā̍yakṣa̱tvaṣṭā̍ra̱mindra̍de̱vaṃ | bhi̱ṣaja̍m̐ suya̱jaṃ ghṛ̱taśriya̍ṃ
pu̱rurū̍pam̐ sure̍tasaṃ ma̱ghoni̍ṃ | indrā̍ya̱ tvaṣṭā̱dadha̍dindri̱yāṇi̍ | vetvājya̍sya̱ hota̱ryaja̍ | hotā̍yakṣa̱dvana̱spati̍ṃ | śa̱mi̱tāra̍m̐ śa̱takra̍tuṃ | dhi̱yojo̱ṣṭāra̍mindri̱yaṃ
39.6
madhvā̱sama̍ñjan pa̱thibhi̍ḥ su̱gebhi̍ḥ | svada̍ti ha̱vyaṃ madhu̍nā ghṛ̱tena̍ | vetvājya̍sya̱ hota̱ryaja̍ | hotā̍yakṣa̱dindra̱m̐
svāhājya̍sya | svāhā̱ meda̍saḥ | svāhā̱ stokā̱nāṃ | svāhā̱
svāhā̍kṛtīnāṃ | svāhā̍ ha̱vyasū̍ktīnāṃ | svāhā̍ de̱vām̐
ā̍jya̱pān | svāhendra̱m̐ hotrā̱jjuṣā̱ṇāḥ || indra̱mājya̍ṃ
viyantu | hota̱ryaja̍
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (1)
- Taittirīyabrāhmaṇa — Sanskrit