Pramāṇa · Search · About · API

Yajurbrahmana 4

Yajurbrāhmaṇa 4

Language
Sanskrit

4.1

bhava̍ti̱ prati̍ṣiñcati gamayati̱ pratyakpa̱śava̱ upa̍nidhā̱yādbhi̱yanteti̱ tacca̱tvāri̍ ca || anu0 3
caturtho'nuvākaḥ
u̱ttarā̱vato̍ vai de̱vā āhu̍ti̱maju̍havuḥ | a̱rvācī̍masu̍rāḥ | tato̍ de̱vā abha̍van | parāsu̍rāḥ | yaṃ kā̱maye̍ta̱
vasī̍yāntsyā̱diti̍ | kanī̍yastasya̱ pūrva̱ṃm̱̐ hutvā | utta̍ra̱ṃ bhūyo̍ juhuyāt | e̱ṣā vā u̍ttarā̱vatyāhu̍tiḥ | tāṃ de̱vā
a̍juhavuḥ | tata̱ste'bha̍van

4.2

yasyai̱vaṃ juhva̍ti | bhava̍tye̱va | yaṃ kā̱maye̍ta̱ pāpī̍yāntsyāditi̍ | bhūya̍stasya̱ pūrva̱ṃm̱̐ hutvā | utta̍ra̱ṃ kanī̍yo juhuyāt | e̱ṣā vā a̍rvā̱cyāhu̍tiḥ | tāmasu̍rā ajuhavuḥ
tata̱ste parā̍bhavan | yasyai̱vaṃ juhva̍ti | parai̍va bha̍vati

4.3

hu̱tvopa̍sādaya̱tyajā̍mitvāya | atho̱ vyāvṛ̍tyai | gārha̍patya̱ṃ pratī̍kṣate | ana̍nudhyāyiname̱vaina̍ṃ karoti | a̱gni̱ṣṭomasya̱ vai sthā̱ṇura̍sti | taṃ yadṛcche̍t | ya̱jñasthā̱ṇumṛcchet | eṣa vāgnegnihotrasya sthāṇuḥ | yat pūrvāhutiḥ
tāṃ yaduttarayābhijuhuyāt

4.4

yajñasthāṇumṛcchet | atihāya pūrvāmāhutiṃ juhoti
yajñasthāṇumeva parivṛṇakti | atho bhrātṛvyamevābhyatikrāmati | arvācīnam̐ sāyamupamāṣṭi | retaeva taddadhāti | ūrddhaṃ prātaḥ | prajanayatyeva tat | brahmavādinovadanti | caturunnayati

4.5

dvirjuhoti | atha kaṃ dve āhutī bhavataiti | agnau
vaiśvānaraiti brūyāt | eṣa vāagnirvaiśvānaraḥ | yadbrāhmaṇaḥ | hutvā dviḥ prāśnāti | agnāveva vaiśvānare dve āhutī juhoti | dvirjuhoti | dvirnimāṣṭi | dviḥ prāśnāti

4.6

ṣaṭ sampadyante | ṣaḍvāṛtavaḥ | ṛtūneva prīṇāti | brahmavādinovadanti | kindevatyamagnihotramiti | vaiśvadevamiti brūyāt | yadyajuṣā juhoti | tadaindrāgnaṃ | yat
tūṣṇīṃ | tatprājāpatyaṃ

4.7

yannimāṣṭi | tadoṣadhīnāṃ | yaddvitīyaṃ | tatpitṝṇāṃ
yatprāśnāti | tadgarbhāṇāṃ | tasmādgarbhāannamaśnanto vardhanta
yadācāme̍ti | tanma̍nu̱ṣyāṇā̍ṃ | uda̱ṅ‌paryā̍vṛtya̱ācāmati

4.8

ā̱tmano̍gopī̱thāya̍ | nirṇene̍kti śu̱ddhyai | niṣ‍ṭa̍pati
svagā̍kṛtyai | uddi̍śati | sa̱ptarṣī̍ne̱va prī̍ṇāti | dakṣi̍ṇā
paryā̍varttate | svame̱va vī̱rya̍ma̱nuparyā̍varttate | tasmā̱ddakṣiṇordho᳭tmano̍vī̱rya̍vattaraḥ | atho̍ā̱dityasyai̱vāvṛtama̱nuparyā̍varttate | hu̱tvopasami̍ndhe

4.9

bra̱hma̱va̱rca̱sasya̱ sami̍ddhyai | na ba̱rhiranu̍praharet | asa̍ṃsthito vāe̱ṣa ya̱jñaḥ | yada̍gniho̱traṃ | yada̍nupra̱hare̍t | ya̱jñaṃ
vicchi̍ndyāt | tasmānnānu̍pra̱hṛtya̍ṃ | ya̱jñasya̱ saṃta̍tyai
a̱ponirna̍yati | a̱va̱bhṛ̱thasyai̱va rū̱pamaka̍ḥ

Commentaries (1)

Linked texts (3)