Pramāṇa · Search · About · API

Yajurbrahmana 40

Yajurbrāhmaṇa 40

Language
Sanskrit

40.2

teja̍sā̱ sada̍davardha̱tāṃ bhāra̍tīndri̱yaṃ ju̍ṣā̱ṇāhe ca̍
anu0 7
sa̱midhendra̱ṃ tanūnapā̍ta̱miḍā̍bhirba̱rhiṣyoja̍ u̱ṣe daivyā̍
ti̱srastvaṣṭā̍ra̱ṃ vana̱spati̱mindra̍ṃ

40.1

sa̱midhendra̱ṃ catu̍rvetve̱kau viyantu̱ dvirvītāme̱kau viyantu̱ dvirvetve̱kau viyantu̱ hota̱ryaja̍
aṣṭamo'nuvākaḥ
sami̍ddha̱indra̍u̱ṣasā̱manī̍ke | pu̱rorucā̍ pū̱rvvakṛ̍dvāvṛdhā̱naḥ | tri̱bhirde̱vaistri̱m̐śatā̍ va̱jrabā̍huḥ | ja̱ghāna̍ vṛ̱traṃ vidu̱rau'vavā̍ra | narā̱śam̐sa̍ḥ prati̱śūro̍ mimā̍naḥ | ta̱nūnapātpra̍tiya̱jñasya̱ dhāma̍ | go̱bhirvapā̍vā̱nmadhu̍nā sama̱ñjan
hi̱ra̱ṇyaiśca̱ndrī ya̍jati̱ prace̍tāḥ | īḍi̍to de̱vairhari̍vām̐
a̱bhiṣṭi̍ḥ | ā̱juhvā̍no ha̱viṣā̱ śarma̍mānaḥ

40.2-2

pu̱randa̱ro ma̱ghavā̍n va̱jrabā̍huḥ | āryā̍tu ya̱jñamupa̍ no
juṣā̱ṇaḥ | juṣā̱ṇo ba̱rhirhari̍vānna̱ indra̍ḥ | prā̱cīna̍m̐ sīdat pra̱diśā̍ pṛthi̱vyāḥ | u̱ruvyacā̍ḥ pratha̍mānam̐ syo̱naṃ
ā̱di̱tyai ru̱ktaṃ vasu̍bhiḥ sa̱joṣā̍ḥ | indra̱ṃ dura̍ḥ ka̱vayo̍ dhāva̍mānāḥ | vṛṣā̱ṇaṃ yantu̱ janaya̍ḥ supa̱tnī̍ḥ | dvāro̍ de̱vīrabhi̱to vi̍śrayantāṃ | su̱vīrā̍ vī̱raṃ pratha̍mānā ma̱hobhi̍ḥ

40.3

u̱ṣāsā̱ naktā̍ bṛha̱tī bṛha̱nta̍ṃ | paya̍svatī su̱dughe̱ śūramindra̍ṃ | peśa̍svatī̱ tantu̍nā̱ saṃvyaya̍ntī | de̱vānā̍ṃ de̱vaṃ ya̍jataḥ su̱rukme | daivyā̱ mimā̍nā̱ mana̍sā puru̱cā | hotārā̱vindra̍ṃ pratha̱māsu̍ vā̱cā | mū̱rddhan ya̱jñasya̱ madhu̍nā dadhā̍nā
prā̱cīna̱ṃ jyoti̍rha̱viṣā̍ vṛdhātaiḥ | ti̱srode̱vīrha̱viṣā̱ varddhamānāḥ | indra̍ṃ juṣā̱ṇā vṛṣa̍ṇa̱ma patnī̍ḥ

40.4

a̱cchidra̱ṃ tantu̱ṃ paya̍sā sara̍svatī | iḍā̍ de̱vī bhāra̍tī
vi̱śvatū̍rttiḥ | tvaṣṭā̍ dadha̱dindrā̍ya̱ śuṣa̍m | apā̍kociṣṭuryaśa̍se pu̱rūṇi̍ | vṛṣā̱ yaja̍n vṛṣa̱ṇaṃ bhūri̍retāḥ | mū̱rddhan yajñasya̱ sama̍naktu de̱vān | vana̱spati̱rava̍sṛṣṭo na pāśai̍ḥ
ā̱tmanyā̍samaja̍cchami̱tā na de̱vaḥ | indra̍sya ha̱vyairjaṭha̍raṃ pṛṇā̱naḥ | svadā̍ti ha̱vyaṃ madhu̍nā ghṛ̱tena̍ || sto̱kānā̱mindu̍ṃ
prati̱śūra̱indra̍ḥ | vṛ̱ṣāyamā̍ṇo vṛṣa̱bhastu̍rā̱ṣāṭ | ghṛ̱tapruṣā madhu̍nā ha̱vyamundan̍ | mū̱rddhan ya̱jñasya̍ juṣatā̱m̐ svāhā̍

40.1-2

śarddha̍mā̱no maho̍bhi̱ḥ patnī̍rghṛ̱tena̍ ca̱tvāri̍ ca || anu08
navamo'nuvākaḥ
āca̍rṣa̱ṇi prāvi̍veṣaya̱nmā | tam̐ sa̱dhrīcī̍ḥ | sa̱tyami̱ttanna tvām̐ a̱nyoa̍sti | indra̍de̱vo na martyo̍ jyāyān̍ | aha̱nnahi̍ṃ pari̱śayā̍nama̱rṇaḥ | avā̍sṛ̱jo yoa̍śvā̍ samu̱draṃ | prasaṃsā̍hiṣe puruhūta̱ śatrūn̍ | jye̱ṣṭhaste̍ śuṣma̍i̱ha rā̱tira̍stu | indrābha̍ra̱ dakṣi̍ṇenā̱ vasū̍ni | pati̱ḥ
sindhū̍nāmasi reva̱tīnā̍ṃ || saśe̍vṛ̱dhamadhi̍dhā vṛ̱trama̍sme
mahi̍kṣa̱traṃ ja̍nāṣā̱ḍindra̱tavya̍ṃ | rakṣā̍ ca no ma̱ghona̍ḥ pā̱hi
sūrīn̍ | rā̱ye ca̍ naḥ svapa̱tyā i̱ṣedhā̍ḥ

40.1-3

re̱vatī̍nāṃ ca̱tvāri̍ ca || anu0 9
daśamo'nuvākaḥ
de̱vaṃ ba̱rhirindra̍m̐ sude̱vaṃ de̱vaiḥ | vī̱rava̍tsto̱maṃ vedhā̱mava̍rdhayat | vasto̍rdyu̱taṃ prākto̍rbhū̱taṃ | rā̱yā ba̱rhiṣma̍to'tyagāt
vasu̍vane vasudhe̱yasya̍ vetu̱ yaja̍ | de̱vordvā̍ra̱ indra̍m̐ saṅghā̱te
vi̱hvaryyā̍mamavavarddhayan | ā va̱tsena̍ taru̍ṇena kumā̱reṇa̍ camī vitā apāvyā̍m̐ | re̱ṇukka̍kā̱ṭaṃ nu̍dantāṃ | vasu̍vane vasudhe̱yasya̍ viyantu̱ yaja̍

40.2-3

de̱vīru̱ṣā sā naktā̍ | indra̍ṃ ya̱jñe praya̍tyaṭa̱ketāṃ | daivī̍rviśa̍ḥ prāyā̍siṣṭāṃ | suprī̱te sudhi̍te abhūtāṃ | vasu̍vane vasudhe̱yasya̍ vī̱tāṃ yaja̍ | de̱vī joṣṭrī̍ vasu̍dhitī | de̱vamindra̍mavarddhatāṃ | ayā̍vya̱nyāghā dveṣā̍m̐si | ānyāvā̍kṣī̱dvasuvāryyā̍ṇi | yaja̍mānāya śikṣate

40.3-2

vasu̍vane vasudhe̱yasya̍ vī̱tāṃ yaja̍ | de̱vojū̱rvāhu̍tī du̱ghe
sudughe̍ | paya̱sendra̍mavarddhatāṃ | iṣa̱mūrja̍ma̱nyāvā̍kṣīt | sagdhim̐ sapī̍tima̱nyā | nave̍na̱ pūrva̱ṃ daya̍māne | pu̱rāṇe̍na
nava̍ṃ | adhā̍tā̱mūrja̱mūrjā̍hutī vasuvī̱ryyā̍ṇi | yaja̍mānāya śikṣate | vasu̍vane vasudhe̱yasya̍ vī̱tāṃ yaja̍

40.4-2

de̱vā daivyā̱ hotā̍rā | de̱vamindra̍mavardhatāṃ | i̱tāgha̍śam̐sā vābhā̱rṣṭaṃ vasu̱vāryā̍ṇi | yaja̍mānāya śikṣatau
vasu̱vane̍ vasu̱dheya̍sya vī̱tāṃ yaja̍ | de̱vīsti̱sraḥ sti̱srode̱vīḥ
pati̱mindra̍mavardhayan | a̱spṛkṣa̱dbhāra̍tī di̱vaṃ | ru̱drairya̱jñam̐
sara̍svatī | iḍā̱ vasu̍matī gṛ̱hān

40.5

vasu̱vane̍ vasu̱dheya̍sya viyantu̱ yaja̍ | de̱vaindro̱ narā̱śam̐sa̍ḥ | tri̱varū̍thastribandhu̱raḥ | de̱vamindra̍mavardhayat | śa̱tena̍ śiti̱pṛṣṭhānā̱māhi̍taḥ | sa̱hasre̍ṇa̱ prarva̍rtate | mi̱trāvaru̍ṇau de̱syaho̱tramarha̍taḥ | bṛha̱spati̍ḥ sto̱traṃ | a̱śvinādhva̍rya̱vaṃ | vasu̱vane̍ vasu̱dheya̍sya vetu̱ yaja̍

40.6

de̱vaindro̱ vana̱spati̍ḥ | hira̍ṇyaparṇo madhu̍śākhaḥ supippa̱laḥ | de̱vamindra̍mavardhayat | di̱vamagrai̍ṇāprāt | a̱ntari̍kṣaṃ pṛthi̱vīma̍ham̐hot | vasu̱vane̍ vasu̱dheya̍sya vetu̱ yaja̍
de̱vaṃ ba̱rhirvā̍ri̱tīnā̍ṃ | de̱vamindra̍mavardhayat | svāsa̱sthamindreṇāsa̍nnaṃ | a̱nyāva̍ham̐ṣvyabha̍vat || vasu̱vane̍ vasu̱dheya̍sya vetu̱ yaja̍ | de̱voa̱gniḥ sviṣṭa̱kṛt | de̱vamindra̍mavardhayat | sviṣṭa̍ṃ ku̱rvantsviṣṭa̱kṛt | sviṣṭa̍ma̱dya ka̍rotu naḥ
vasu̱vane̍ vasu̱dheya̍sya vetu̱ yaja̍

Commentaries (1)

Linked texts (4)