Pramāṇa · Search · About · API

Yajurbrahmana 43

Yajurbrāhmaṇa 43

Language
Sanskrit

43.1

dvārau̍ dadhurindri̱yaṃ vasu̱vane̍ vasu̱dheya̍sya viyantu̱ yaja̱
joṣṭrī̍bhyāṃ dadhurindri̱yaṃ vasu̱vane̍ vasu̱dheya̍sya viyantu̱ yaja̱
hotṛ̍bhyāṃ dadhurindri̱yaṃ vasu̱vane̍ vasu̱dheya̍sya viyantu̱ yajeṃndri̍yāṇi vasu̱vane̍ vasu̱dheya̍sya viyantu̱ yaja̱ sara̍svatyā
vana̱spati̍ḥ ṣaṭ ca̍ || anu0 14
de̱vaṃ ba̱rhirdevīrdvārau̍ de̱vī u̱ṣāsā̱vaśvinā̍ de̱vo
joṣṭrī̍ de̱vī ūrjāhu̍tī de̱vā daivyā̍nāṃ bhi̱ṣajā̍ de̱vīstisrastisrodevīḥ sarasvatī devaindro narāśam̐so
devaindro vanaspatirdevaṃ barhirvāritīnāṃ devo agniḥ
sviṣṭakṛddevān
samidhāgniṃ sautrāmaṇyām̐ sutāsutī | añjan vyayaṃ yajamānaḥ | devaṃ barhiḥ sarasvatī savvaṃ viyantu | dvārastisraḥ savvaṃ viyantu | añjannundramojo'gniṃ paraḥ sarasvatīṃ
andyacca sarasvatī | bhiṣakpūrvvaṃ duhaindriyaṃ | andyacca
dadhurindriyaṃ
sīsena agnimadya hotāramavṛṇīta | ayam̐ sutāsutī yajamānaḥ | pacan paktīḥ | pacan puroḍāśān
gṛhṇan grahān | badhnannaśvibhyāṃ chāgam̐ sarasvatyā indrāya | badhnantsarasvatyai meṣamindrāyāśvibhyāṃ | badhnannindrāyarṣabhamaśvibhyām̐ sarasvatyai | sūpasthā adyadevo
vanaspatirabhavat | aśvibhyāṃ chāgena sarasvatyā indrāya

43.2

sarasvatyai meṣeṇendrāyāśvibhyāṃ | indrāyarṣabheṇāśvibhyām̐ sarasvatyai | akṣam̐stānmedastaḥ pratipacatāgrabhīyuḥ | avī̍vṛdhanta̱ grahai̍ḥ | apā̍tāma̱śvinā̱ sara̍sva̱tīndra̍ḥ
su̱trāmā̍ vṛtra̱hā | somā̍ntsurā̱mṇaḥ | upau̍'ukthā ma̱dāśro̍ 'imadā̍adan | avī̍vṛdhantā̱ṃ gūpai̍ḥ | tvā ma̱dyarṣa̍
ārṣe̍ya̱ṣīṇā̱ṃ napā̍davṛṇīta | a̱yam̐ su̍tāsu̱tī yaja̍mānaḥ || ba̱hubhya̱ āsaṅga̍tebhyaḥ | e̱ṣa me̍ de̱veṣu̱ vasu̱vāryā̍
ya̍kṣyata̱ iti̍ | tā yā de̱vā de̱vadā̍nya̱duḥ | tānya̍smā
āca̍śāsve | āca̍gurasva | iṣi̱taśca̍ hota̱rasi̍ bha̱dravācyā̍ya̱ preṣi̱to mānu̍ṣaḥ | sū̱ktavā̱kāya̍ sū̱ktā brū̍hi

43.1-2

indrā̍ya̱ yaja̍mānaḥ sa̱pta ca̍ || anu0 15
ṣoḍaśo'nuvākaḥ
uśanta̍stvā havāmaha̱ āno̍agne suke̱tunā̍ | tvam̐
so̍mamahe̱ bhaga̱ṃ tvam̐ so̍ma̱ praci̍kito manī̱ṣā | tvayā̱
hi na̍ḥ pi̱tara̍ḥ soma̱ pūrve̱ tvam̐ so̍ma pi̱tṛbhi̍ḥ saṃvidā̱
naḥ | ba̱rhi̱ṣada̍ḥ pitara̱ āha̍ṃ pi̱tṝn | upa̍hūtāḥ pi̱taro̍'gniṣvā̱ttāḥ pi̱tara̍ḥ | a̱gniṣvā̱ttānṛtu̱mato̍ havāmahe
narā̱śam̐se̍ somapī̱thaṃ yaā̱śuḥ | te no̍arvantam̐ su̱havā̍
bhavantu | śanno̍ bhavantu dvi̱pade̱ śaṃ catu̍ṣpade | ye a̍gniṣvā̱ttā ye nā̍gniṣvā̱ttāḥ

43.2-2

a̱m̐ho̱muca̍: pi̱tara̍: so̱myāsa̍: | pare'va̍re mṛ̱tāso̍
bhava̍nta: | adhi̍bruvantu te ava̍ntva̱smān | dhā̱nyauyai̍ du̱gdhe
juṣamā̍ṇā: kara̱mbhaṃ | udī̍rāṇā ava̍re̱ pare̍ ca | a̱gniṣvāttā̍ ṛ̱tubhi̍: saṃvidā̱nā: | indra̍vanto ha̱viri̱daṃ ju̍ṣantāṃ | yada̍gne kavyavāhana̱ tvama̍gna̱ īḍi̍to jā̍taveda: | māta̍līka̱vyai: | ye tāṃ tṛ̍purde̱vatrā jeha̍mānā: || hotā̍ ha̱vasto̍ma̱taṣṭāso̍ a̱rkai: | āgne̍yā hi su̍vi̱datre̍bhira̱rvāṅ
sa̱tyai: ka̱vyai: pi̱tṛbhi̍rgharma̱sadbhi̍: | ha̱vya̱vāha̍ma̱jara̍ṃ pu̱rupri̱yaṃ | a̱gniṃ ghṛ̱tena̍ ha̱viṣā̍ saparyan | u̱pā̱sada̍ṃ kavyavā̱haṃ pi̍tṝ̱ṇāṃ | sa na̍: pra̱jāṃ vī̱rava̍tīm̐ sama̍nvatu

43.1-3

ana̍gniṣvāttā̱ jeha̍mānā: sa̱pta ca̍ || anu0 16
hotā̍yakṣadi̱ḍaspa̱de | sami̍dhānaṃ ma̱hadyaśa̍: | su̱ṣami̍ddhaṃ vare̍ṇyaṃ | a̱gnimindra̍ṃ vayo̱dhasa̍ṃ | gā̱ya̱trīṃ chanda̍ indri̱yaṃ | tryavi̱ṃ gāṃ vayodadha̍t | vetvājya̍sya̱ hota̱ryaja̍ | hotā̍yakṣa̱cchuci̍vrataṃ | ta̱nū̱napā̍ta̱madbhi̍daṃ | yaṃ garbha̱madi̍tirdadhe

43.2-3

śuci̍mindra̍ṃ vayo̱dhasa̍ṃ | u̱ṣṇiha̱ṃ chanda̍ indri̱yaṃ | di̱tya̱vāha̱ṃ gāṃ vayo̱dadha̍t | vetvājya̍sya̱ hota̱ryaja̍ | hotā̍yakṣa̱dīḍetya̍ | iḍi̍taṃ vṛ̱traha̍ntamaṃ | iḍā̍bhirīḍya̱m̐ saha̍ḥ
soma̱mindri̱yaṃ vayo̱dhasa̍ṃ | anu̱ṣṭubha̱ṃ chanda̍ indri̱yaṃ | tri̱vatsa̱ṃ gāṃ vayo̱dadha̍t

43.3

vetvājya̍sya̱ hota̱ryaja̍ | hotā̍yakṣatsuba̱rhiṣa̍ṃ | pū̱ṣaṇa̍ntamamartya̍ṃ | sīda̍ntaṃ ba̱rhiṣi̍ pri̱ye | a̱mṛtendra̍ṃ vayo̱dhasa̍ṃ | bṛha̱tīṃ chanda̍ indri̱yaṃ | pañcā̱viṃ gāṃ vayo̱dadha̍t
vetvājya̍sya̱ hota̱ryaja̍ | hotā̍yakṣa̱ddyaca̍svatīḥ | su̱pāya̱ṇāvṛtavṛdha̍ḥ

43.4

dvāro̍de̱vīrhi̍raṇma̱yīḥ | bra̱hmāṇa̱mindra̍ṃ vayo̱dhasa̍ṃ
pa̱ṅktiṃ chanda̍ i̱hendri̱yaṃ | tu̱ryya̱vāha̱ṃ gāṃ vayo̱dadha̍t | vetvājya̍sya̱ hota̱ryaja̍ | hotā̍yakṣat su̱peśa̍se | su̱śilpe̍ bṛ̱hatī u̱bhe | naktoṣāsā̱ na darśa̍te | viśva̱mindra̍ṃ vayo̱dhasa̍ṃ
tri̱ṣṭubha̱ṃ chanda̍ indri̱yaṃ

43.5

paṣṭha̱vāha̱ṃ gāṃ vayo̱dadha̍t | vetvājya̍sya̱ hota̱ryaja̍ | hotā̍yakṣat pra̱ceta̍sā | de̱vānā̍mutta̱maṃ yaśa̍ḥ | hotā̍rādaivyā̍ ka̱vī | sa̱yujendra̍ṃ vayo̱dhasa̍ṃ | jaga̍tī̱ṃ chanda̍ i̱hendri̱yaṃ | ana̱ḍvārha̱ṃ gāṃ vayo̱dadha̍t | vetvājya̍sya̱ hota̱ryaja̍
hotā̍yakṣa̱t peśa̍svatīḥ

43.6

tisro de̱vīrhira̍ṇmayīḥ | bhāra̍tī̱rbṛha̱tīrma̱hīḥ | pati̱mindra̍ṃ vayo̱dhasa̍ṃ | vi̱rāja̱ṃ chanda̍ i̱hendri̱yaṃ | dhe̱nuṃ gāṃ
na vayo̱dadha̍t | vetvājya̍sya̱ hota̱ryaja̍ | hotā̍yakṣa̱tsure̍tasaṃ | tvaṣṭā̍raṃ puṣṭivarddha̍naṃ | rū̱pāṇi̱ bibhra̍taṃ pṛ̱thak
pu̱ṣṭi̱mindra̍ṃ vayo̱dhasa̍ṃ

43.7

dvi̱pada̱ṃ chanda̍ i̱hendri̱yaṃ | u̱kṣāṇa̱ṃ gāṃ na vayo̱dadha̍t
vetvājya̍sya̱ hota̱ryaja̍ | hotā̍yakṣacchatakra̍tuṃ | hira̍ṇyaparṇamu̱kthina̍ṃ | raśa̱nāṃ bibhra̍taṃ va̱śiṃ | bhaga̱mindra̍ṃ vayo̱dhasa̍ṃ
ka̱kubha̱ṃ chanda̍ i̱hendri̱yaṃ | va̱śāṃ ve̱hata̱ṃ gāṃ na vayo̱dadha̍t
vetvājya̍sya̱ hota̱ryaja̍ || hotā̍yakṣa̱t svāhā̍kṛtīḥ | a̱gniṃ
gṛ̱hapa̍tiṃ pṛ̱thak | varu̍ṇaṃ bheṣa̱jaṃ ka̱viṃ | kṣa̱tra̱mindra̍ṃ vayodhasa̍ṃ | ati̍cchandasa̱ṃ chanda̍ i̱ndri̱yaṃ | bṛ̱hadṛ̍ṣa̱bhaṃ gāṃ vayodadha̍t | vetvājya̍sya̱ hota̱ryaja̍

Commentaries (1)

Linked texts (3)