Yajurbrahmana 44
Yajurbrāhmaṇa 44
- Language
- Sanskrit
44.1
da̱dheda̱dha̍hatā̱rddhadha̍ indri̱yaṃ peśa̍svatīrvayo̱dhasa̱ṃ vetvājya̍sya̱ hota̱ryaja̍ sa̱pta ca̍ || anu0 17
īḍya̍ma̱gniṃ gā̍ya̱trīṃ trya̱viṃ śuci̍vratam̐ śuci̍muṣṇiha̍ṃ di̱tyavā̱haṃ | īḍe̱nyam̐ soma̍manu̱ṣṭubha̍ṃ tri̱vatsa̍ṃ | suba̱rhiṣa̱dama̍mṛtendra̍ṃ bṛha̱tīṃ pañcā̱viṃ | vyaca̍svatīḥ suprāyaṇā dvāro̍ bra̱hmaṇa̍ḥ pa̱ṅktimi̱ha tu̍rya̱vāha̍ṃ | su̱peśa̍se viśvamindraṃ triṣṭubhaṃ paṣṭhavāhaṃ | pracetasā sayujendraṃ jagatīmihānaḍvāhaṃ | peśasvatīstisro bhāratīḥ patiṃ virājamiha dhenuṃ na | suretasaṃ tvaṣṭāraṃ puṣṭiṃ dvipadamihokṣāṇaṃ
na | śatakratuṃ bhagamindraṃ kakubhamiha vaśāṃ vehataṃ gāṃ na
svāhākṛtīḥ kṣatramaticchandasaṃ bṛhadṛṣabhaṃ gāṃ | indriyamṛṣivasunavadaśehendriyamaṣṭanavadaśagāṃ na vayodadhat
sarvvetu
aṣṭādaśo'nuvākaḥ
iḍaspade sarvvevetu | samiddhoagniḥ samidhā suṣamiddho vareṇyaḥ | gāyatrī chandaindriyaṃ | tryavirgaurvayodadhuḥ | tanūnapācchucivrataḥ | tanūpācca sarasvatī | uṣṇik chandaindriyaṃ | dityavāḍgaurvayodadhuḥ | iḍābhiragnirīḍyaḥ | somo devoamarttyaḥ
44.2
anuṣṭup chandaindriyaṃ | trivatso gaurvayodadhuḥ | subarhiragniḥ pūṣaṇvān | stīrṇabarhiramarttyaḥ | bṛhatīchandaindriyaṃ | pañcāvirgaurvayodadhuḥ | durodevīrdiśomahīḥ | brahmā devo bṛhaspatiḥ | paṅktiśchandaihendriyaṃ
turyyavāḍgaurvayodadhuḥ
44.3
uṣeyaṭkī supeśasā | viśve devāamarttyaḥ | triṣṭup
chandaindri̱yaṃ | pa̱ṣṭhavāḍ gaurvayo̍dadhuḥ | daivyā̱ hotā̍rā
bhi̱ṣajā̍ | indre̍ṇa sa̱yujā̍ yu̱jā | jaga̍tī̱chanda̍i̱hendri̱yaṃ | a̱na̱ḍvān gaurvayo̍dadhuḥ | ti̱sraiḍā̱ sara̍svatī | bhāra̍tī ma̱ruto viśa̍ḥ
44.4
vi̱rāṭchanda̍i̱hendri̱yaṃ | dhe̱nurgaurna vayo̍dadhuḥ | tvaṣṭā̍
tu̱rīyo̱ adbhu̍taḥ | indrā̱gnī pu̍ṣṭivarddha̍nā | dvi̱pācchanda̍i̱hendri̱yaṃ | u̱kṣā gaurna vayo̍dadhuḥ | śa̱mitā no̱ vana̱spati̍ḥ | savi̱tā pra̍su̱van bhaga̍ṃ | ka̱kupchanda̍i̱hendri̱yaṃ | vaśāve̱hadgaurna vayo̍dadhuḥ||svāhā̍ ya̱jñaṃ varu̍ṇaḥ | su̱kṣa̱tro bhe̍ṣa̱jaṃ ka̍rat | ati̍cchandā ̱śchanda̍i̱ndri̱yaṃ | vṛ̱ṣṇi̱harṣa̱bho gaurvayo̍dadhuḥ
44.1-2
a̱martya̍stu̱rya̱vāḍgaurvayo̍dadhu̱rviśau̍va̱śāve̱hadgaurna vayo̍dadhu̱ścatvā̍ri ca || anu0 18
va̱sa̱ntena̍rttunā̍ de̱vāḥ | vasa̍vastri̱vṛtā̍ stu̱taṃ | ra̱thanta̱reṇa̱ teja̍sā | ha̱virindre̱ vayo̍dadhuḥ | grī̱ṣmeṇa̍ de̱vāṛ̱tunā̍ | ru̱drāḥ pa̍ñcada̱śe stu̱taṃ | bṛ̱hatā yaśa̍sā̱ bala̍ṃ | ha̱virindre̱ vayo̍dadhuḥ | va̱rṣābhi̍rṛ̱tunā̍di̱tyāḥ | stome̍ sa̱ptada̱śe stu̱taṃ
44.2-2
vai̱rūpe̍ṇa vi̱śauja̍sā | ha̱virindre̱ vayo̍dadhuḥ | śā̱ra̱dena̱rtunā̍ de̱vāḥ | e̱kavi̍m̐śa̱mabha̍vam̐stu̱taṃ | vai̱rā̱jena̍ śri̱yā
śriya̍ṃ | ha̱virindre̱ vayo̍dadhuḥ | hai̱ma̱nte̱nartunā̍ de̱vāḥ
ma̱ruta̍stri̱ṇave̍ stu̱taṃ | bale̍na̱ śakva̍rīḥ sa̱haḥ | ha̱virindre̱
vayo̍dadhuḥ || śai̱śi̱reṇa̱rtunā̍ de̱vāḥ | traya̍strim̐śamṛ̱tam̐
stu̱taṃ | sa̱tyena̍ re̱vatī̍rṛ̱taṃ | ha̱virindre̱ vayo̍dadhuḥ
44.6
stome̍ sa̱ptada̍śe stu̱tam̐ saho̍ ha̱virindre̱ vayo̍dadhuśca̱tvāāri̍ ca || anu0 16
va̱sa̱ntena̍ grī̱ṣmeṇa̍ va̱rṣābhi̍ḥ śā̱ra̱dena̍ haima̱ntena̍ śaiśi̱reṇa̱ ṣaṭ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (2)
- Taittirīyabrāhmaṇa — Sanskrit
- Kāṭhakaśākhā — Sanskrit