Pramāṇa · Search · About · API

Yajurbrahmana 47

Yajurbrāhmaṇa 47

Language
Sanskrit

47.1

goṣṭho̱ja̍svantam̐ śrī̱ṇāmyorjo̍'si̱ tatte̱ praya̍cchāmi
paya̍sā̱ sami̍ndhi̱ mā saṃdi̍bhū̱rya̱jñiyo̱ raso̱ he ca̍
anu0 7
aṣṭamo'nuvākaḥ
a̱bhipraihi̍ vī̱raya̍sva | u̱graścettā̍ sapatna̱hā | āti̍ṣṭha
mi̱trava̍rddhanaḥ | tubhya̍ṃ de̱vāadhi̍bruvan | a̱ṅkau nya̍ṅkāva̱bhita̱āti̍ṣṭha vṛtra̱ghnatha̍ṃ | ātiṣṭha̍nta̱ṃ pari̱viśve̍ abhūṣan
śriya̱ṃ vasā̍naścarati̱ svaro̍cāḥ | ma̱hattadvṛṣṇo̱'sura̍sya
nāma̍ | ā vi̱śvarū̍po a̱mṛtā̍ni tasthau | anu̍ tve̱ndro̍ ma̱datvanu̱ bṛha̱spati̍ḥ

47.2

anu̱ somo̱anva̱gnirā̍vīt | anu̍ tvā̱ viśve̍ de̱vāa̍vantu | anu̍ sa̱pta rājā̍no yautā̱bhiṣi̍ktāḥ | anu̍ tvā
mi̱trāvaru̍ṇāvi̱hāva̍taṃ | anu̍ dyāvā̍pṛthi̱vī vi̱śvaśa̍mbhū
sū̱ryyo'ho̍bhiranu̍ tvāvatu | ca̱ndramā̱ nakṣa̍trairanu̍ tvāvatu | dyauśca̍ tvā pṛthi̱vī ca̱ prace̍tasā | śu̱kro bṛ̱haddakṣi̍ṇā
tvā piparttu | anu̍ sva̱dhā ci̍kitā̱m̐ somo̍'a̱gniḥ || āyaṃ pṛ̍ṇaktu raja̍so u̱pasthe̍

47.1-2

bṛha̱spati̱: somo̍ a̱gnireka̍ñca || anu0 8
navamo'nuvākaḥ
pra̱jāpa̍tiḥ pra̱jāa̍sṛjata | tāa̍smāt sṛ̱ṣṭāḥ parā̍cīrāyan | sae̱taṃ pra̱jāpa̍tiroda̱nama̍paśyat | so'nna̍ṃ bhūtau'ti̍ṣṭhat | tāa̱nyaccānnādya̱mavi̍ttvā | pra̱jāpa̍tiṃ pra̱jā
upāva̍rttanta | anna̍me̱vaina̍ṃ bhū̱taṃ paśya̍ntīḥ pra̱jāupāva̍rttante | yae̱tena̱ yaja̍te | yau̍cainame̱vaṃ veda̍ | sarvā̍ṇyannā̍ni
bhavanti

47.2-2

sarve̍ puru̍ṣāḥ | sarvā̍ṇye̱vānnā̍nyava̍rundhe | sarvā̍n
puru̍ṣān | rāḍa̍si vi̱rāḍasītyā̍ha | svā̱rājya̍me̱vaina̍ṃ
gamayati | yaddhira̍ṇya̱ṃ dadā̍ti | teja̱stenāvā̍rundhe | yatti̱sṛdhanva̍ṃ | vī̱rya̍ṃ tena̍ | yadaśvā̍n

47.3

pu̱ṣṭiṃ tena̍ | yatkamaṇḍa̱luṃ | āyu̱ṣṭena̍ | yaddhira̍ṇyamābadhnāti̍ | jyorti̱rvai hira̍ṇyaṃ | jyoti̍re̱vāsmi̍ndadhāti
atho̱ tejo̱ vai hira̍ṇyaṃ | teja̍ e̱vātmandha̍tte | yadauda̱naṃ prāśnāti̍ | e̱tade̱va sarva̍mava̱rudhya̍

47.4

tada̍smi̱nneka̍dhādhāt | rohi̱ṇyāṃ kā̍ryaḥ | yadbrā̍hma̱ṇae̱va ro̍hi̱ṇī | tasmā̍de̱va | atho̱ varṣa̍ṇai̱vam̐ samā̱nānā̍ṃ
karoti | udya̱tā sūrye̍ṇa kā̱ryaḥ | udyanta̱ṃ vā e̱tam̐ sarvā̍ḥ
pra̱jāḥ prati̍nandanti | di̱dṛkṣe̍ṇyo darśa̱nīyo̍ bhavati | yae̱vaṃ veda̍ | bra̱hma̱vā̱dino̍ vadanti

47.5

avetyo̍vabhṛ̱thā 3 nā 3 iti̍ | yaddarbha̍puñjī̱laiḥ pa̱vaya̍ti | tatsvide̱vāvai̍ti | tannāvai̍ti | tri̱bhiḥ pa̍vayati
traya̍ i̱me lo̱kāḥ | e̱bhire̱vaina̍ṃ lo̱kaiḥ pa̍vayati | atho̍
a̱pāṃ vā e̱tattejo̱ varca̍ḥ | yaddarbhā̍ḥ | yaddarbha̍puñjī̱laiḥ pa̱vaya̍ti || a̱pāme̱vaina̱ṃ teja̍sā̱ varca̍sā̱bhiṣi̍ñcati

Commentaries (1)

Linked texts (3)