Pramāṇa · Search · About · API

Yajurbrahmana 5

Yajurbrāhmaṇa 5

Language
Sanskrit

5.1

abhava̱n‌ bhava̍ti juhuyānneyati māṣṭi̍ dviḥ prāśnā̍ti
prā̱jā̱pa̱tyamācāmatī᳭ṣṭauka̍ḥ || anu0 4
pañcamo'nuvākaḥ
bra̱hma̱vā̱dino̍vadanti | a̱gni̱ho̱traprāyaṇādya̱jñāḥ
kiṃprāyaṇamagnihotramiti̍ | va̱tsovāa̍gniho̱trasya̱ prāya̍ṇaṃ | a̱gni̱ho̱traṃ ya̱jñānā̍ṃ | tasya̍ pṛthivī̱ sada̍ḥ | a̱ntari̍kṣamānī̍dhraṃ | dyaurha̍vi̱rdhāna̍ṃ | di̱vyāścāpa̍ḥ prokṣa̍ṇyaḥ
oṣa̍dhayoba̱rhiḥ

5.2

vana̱spata̍ya̱idhma̍ḥ | diśa̍ḥ pari̱dhaya̍ḥ | ā̱di̱tyoyūpa̍ḥ
yaja̍mānaḥ pa̱śuḥ | sa̱mu̱dro'vabhṛtha̍ḥ | sa̍ṃvatsa̱raḥ sva̍gākā̱raḥ
tasmā̍dāhi̱tāgne̱ḥ sarvva̍me̱va ba̱rhiṣya̍ṃda̱ttaṃ bha̍vati | yatsā̱yaṃ
ju̱hoti̍ | rātra̍imeva tena̍ da̱kṣi̱ṇāṃ ku̍rute | yatprā̱taḥ

5.3

aha̍re̱va tena̍ dakṣi̱ṇāṃ ku̍rute | yattatodadā̍ti
sā dakṣi̍ṇā | yāva̍nto̱vai de̱vāahu̍ta̱māda̱n | te parā̍bhavan| tae̱tada̍gniho̱tra sarvva̍syai̱va saṃma̍va̱dāyā̍juhavuḥ
tasmā̍dāhuḥ| a̱gni̱ho̱traṃ vai de̱vāgṛ̱hāṇā̍ṃ niṣkṛ̍timapaśya̱nniti̍ | yatsā̱yaṃ ju̱hoti̍ | rātra̍iyāeva taddhu̱tādya̍āya

5.4

yaja̍māna̱syāpa̍rābhāvāya | yatprā̱taḥ | aha̍re̱va taddhutādya̍āya | yaja̍māna̱syāpa̍rābhāvāya | yattato'śnā̍ti | hutame̱va tat | dvayoḥ paya̍sā juhuyāt pa̱śukā̍masya | etadvāa̍gniho̱traṃ mithu̱naṃ | yae̱vaṃ veda̍ | pra pra̱jayā̍ pa̱śubhi̍rmithu̱nairjā̍yate

5.5

i̱māme̱va pūrvva̍yā du̱he | .a̱mūmūtta̍rayā | adhi̍śrityotta̍ra̱māma̍yati | yonā̍ve̱va tadreta̍ḥ siñcati pra̱jana̍ne
ājye̍na juhuyāt teja̍skāmasya | tejo̱vāā̱jya̍ṃ | teja̍syai̱va bha̍vati | paya̍sā pa̱śukā̍masya | e̱tadvai pa̍śū̱nām̐
rū̱paṃ | rū̱peṇai̱vāsmai̍ pa̱śūnava̍rundhe

5.6

pa̱śumā̱neva bha̍vati | dadhne̍ndri̱yakā̍masya | i̱ndri̱yaṃ vai
dadhi̍ | i̱ndri̱yāvye̍va bha̍vati | ya̱vāgvā̍ grā̱makā̍masya | oṣa̍dhayo̱ vai ma̍nu̱ṣyā̍ḥ | bhā̱gadhe̱yenai̱vāsmai̍ sa̱jātā̱nava̍rundhe | grāmyeva bha̍vati | a̱yajño̱vāe̱ṣaḥ | yo̍'sā̱mā

5.7

ca̱turunna̍yati | cata̍urakṣa̱ram̐ rathanta̱raṃ | ra̱thanta̱rasaiya̱ṣa
varṇa̍ḥ | u̱parī̍va harati | a̱ntari̍kṣaṃ vāmade̱vyaṃ | vā̱made̱vyasyai̱ṣa varṇa̍ḥ | dvirju̍hoti | dvya̍kṣaraṃ bṛ̱hat | bṛ̱hatae̱ṣa
varṇa̍ḥ | a̱gni̱ho̱trame̱va tatsāma̍ nvatkaroti

5.8

yovāa̍gniho̱trasyo̍pa̱sado̱veda̍ | upai̍namupa̱sado̍namanti | vindata̍upasa̱ttāra̍ṃ | u̱nnīyopa̍sādayati | pṛ̱thi̱vīme̱va prī̍ṇāti | hoṣyannupa̍sādayati | a̱ntari̍kṣame̱va
prī̍ṇāti | hu̱tvopa̍sādayati | diva̍me̱va prī̍ṇāti | e̱tā
vāa̍gniho̱trasyo̍pa̱sada̍ḥ

5.9

yae̱vaṃ veda̍ | upai̍namupa̱sado̍namanti | vindata̍upasa̱ttāra̍ṃ | yovāa̍gniho̱trasyā̍śrāvi̱taṃ pra̱tyāśrā̍vitam̐ hotā̍raṃ bra̱hmāṇa̍ṃ vaṣaṭkā̱raṃ veda̍ | tasya̱ tveva hu̱taṃ | prā̱ṇo
vāa̍gniho̱trasyā̍śrāvi̱taṃ | a̱pānaḥ pra̱tyāśrā̍vitaṃ
mano̱hotā̍ | cakṣu̍rbra̱hmā | ni̱me̱ṣova̍ṣaṭkā̱raḥ

5.10

yae̱vaṃ veda̍ | tasya̱ tveva hu̱taṃ | sā̱yaṃ yāvā̍naśca̱ vai de̱vāḥ
prā̱taryā̍vāṇaścāgniho̱triṇo̍ gṛ̱hamāga̍cchanti | tān yanna ta̱rpaye̍t | pra̱jayā̍ pa̱śubhi̱rviti̍ṣṭheran | yat ta̱rpaye̍t
tṛ̱ptāe̍naṃ pra̱jayā̍ pa̱śubhi̍starpayeyuḥ | sa̱jūrde̱vaiḥ sā̱yaṃ yāva̍bhiri̱ti sā̱yam̐ sammṛ̍śati | sa̱jūrde̱vaiḥ prā̱taryā̍vabhiri̱ti prā̱taḥ | ye caiva de̱vāḥ sā̱yaṃ yāvā̍no̱ ye ca̍ prā̱taryā̍vāṇaḥ

5.11

tāne̱vobhayām̐̍starpayati | tae̍naṃ tṛ̱ptāḥ pra̱jayā̍ pa̱śubhi̍starpayanti | a̱ru̱ṇoha̱smāhā̍pave̱śiḥ | a̱gni̱ho̱traevāham̐ sā̱yaṃ prā̱tarvajra̱ṃ bhrātṛ̍vyebhyaḥ praha̍rāmi | tasmānmatpāpī̍yām̐so̱ bhrātṛ̍vyāiti̍ | ca̱turunna̍yati | dvirjuhoti | sa̱mit sa̍pta̱mī | sa̱ptapa̍dā̱ śakva̍rī | śākva̍ro
vajra̍ḥ || a̱gni̱ho̱trae̱va tatsā̱yaṃ prā̱tarvajra̱ṃ yaja̍māno̱ bhrātṛ̍vyāya̱ praha̍rati | bhava̍tyā̱tmanā̍ | parā̍sya̱ bhrātṛ̍vyobhavati

Commentaries (1)

Linked texts (5)