Yajurbrahmana 50
Yajurbrāhmaṇa 50
- Language
- Sanskrit
Contents
- 50.66 — 2 parts
50.1
ba̱bhravā̱vyaya̍tene̱mama̍mṛḍaha̱ varca̍sā̱ sama̍ṅdhi̱ vaiyyā̍ghredhi̍
rā̱ṣṭrava̍rddhanaḥ pā̱ṅktena̱ chanda̍sopāvaharāmi || anu0 15
ṣoḍaśo'nuvākaḥ
a̱bhipraihi̍ vī̱raya̍sva | u̱graścettā̍ sapatna̱hā | āti̍ṣṭha
vṛtra̱hanta̍maḥ | tubhya̍ṃ de̱vā adhi̍bruvan | a̱ṅkau nya̱ṅkāva̱bhito rathā̍yau | dhvā̱ntaṃ vātā̍gra̱manu̍sa̱ñcara̍ntau | dū̱re he̍tirindri̱yā vā̍npata̱trī | te no̍'ma̱yaḥ papra̍yaḥ pārayantu | nama̍stakṣṇe̱gada̍ | avya̍thāyai tvā sva̱dhāyai̍ tvā
50.2
mā nendrā̍bhita̱stvadṛ̍ṣṭāri̱ṣṭāsaḥ | e̱vābra̍hma̱nnaveda̍stu | tiṣṭhā̱ rathe̱adhi̱ yadvajra̍hastaḥ | ā̱ra̱śmīndeva̍ yuvase̱svaśva̍ḥ | āti̍ṣṭha vṛtraha̱nnāti̍ṣṭhanta̱ṃ pari̍ | anu̍ tvendrā̍
mada̱tvanu̍ tvā mi̱trāvaru̍ṇau | dyauśca̍ tvā pṛthi̱vī ca̱ prace̍tasā | śu̱kro bṛ̱haddakṣi̍ṇā tvā piparttu | anu̍ sva̱dhā ci̍kitām̐ somo̍a̱gniḥ | anu̍ tvāvatu savi̱tā sa̱vena̍
50.3
indra̱ṃ viśvā̍avīvṛdhan | sa̱mu̱dra vya̍casa̱ṅgira̍ḥ | ra̱thīta̍mam̐ rathī̱nāṃ | vājā̍nām̐ satpa̍ti̱ṃ pati̍ṃ | pa̱ri̱mā̱senyā̱ghoṣā̍ḥ | jyānā̍ṃ vṛñjantu gṛ̱bhrava̍ḥ | me̱thi̱ṣṭhāḥ pinva̍mānāi̱ha | māṃ go̱pati̍ma̱bhisaṃvi̍śantu | tanmenu̍ ma̱tiranu̍manyatāṃ | tanmā̱tā pṛ̍thi̱vī tatpi̱tā dyauḥ
50.4
tadgrāvā̍ṇaḥ soma̱suto̍ mayo̱bhuva̍ḥ | tada̍śvinā śṛṇutam̐ saubhagā yu̱vaṃ | ava̍te he̱ḍau̱dutta̍maṃ | e̱nā vyā̱ghraṃ pari̍ṣasvajānāḥ | sim̐ham̐ hi̍nvanti ma̱hate saubha̍gāya | samu̱draṃ na su̱hava̍ntasthivām̐saṃ | marmṛ̱jyante̍ dvī̱pina̍ma̱psva̍ntaḥ
uda̱sā ve̍tu̱ sūryya̍ḥ | udi̱daṃ māma̱kaṃ vaca̍ḥ | udi̍hi devasūryya || sa̱hava̱munā mama̍ | a̱haṃ vā̱co vi̍vāca̱naṃ | mayi̍
vāga̍stu dha̱rṇāsi̍ḥ | yantu̍ na̱dyo̱ varṣa̍ntu pa̱rjanyā̍ḥ | su̱pippa̱lā oṣa̍dhayo bhavantu | anna̍vatāmoda̱nava̍tāmāmikṣa̍vatāṃ | e̱ṣām̐ rājā̍ bhūyāsaṃ
50.1-2
sva̱dhāyai̍ tvā sa̱vena̱ dyauḥ sūryya̍ sa̱pta ca̍ || anu0 16
saptadaśo'nuvākaḥ
ye ke̱śina̍ḥ pratha̱māḥ sa̱tramāsa̍ta | yebhi̍rā̱mṛta̱ṃ yadi̱daṃ
vi̱roca̍te | tebhyo̍ juhomi bahu̱dhā ghṛ̱tena̍ | rā̱yaspoṣe̍ṇemaṃ varca̍sā sam̐sṛ̍jāya | narte bra̱hma̍ṇastapa̍so vimo̱kaḥ
di̱nāmnī̍ dī̱kṣāva̍śi̱nī hyu̱grā | prake̱śāḥ su̍va̱te kāṇḍi̱nau
bhavanti | teṣā̍ṃ bra̱hme dīśe̱ vapa̍nasya̱ nānyaḥ | ā̱roha̍
pro̱ṣṭhaṃ viṣa̍hasva̱ śatrūn | avā̍sṛgdī̱kṣā va̍śi̱nī hyu̱grā
50.2-2
de̱hi dakṣi̍ṇāṃ prati̱rasvāyu̍ḥ | atho̍muñcasva varu̍ṇasya̱
pāśā̍t | yenā̍vapatsavi̱tā kṣu̱reṇa̍ | soma̍sya̱ rājño̱ varu̍ṇasya vi̱dvān | tena̍ bra̱hmāṇo̍ vapate̱ dama̱syorja̍maṃ | rayyā
varca̍sā sam̐sṛ̍jāya | mā te̱ keśā̱nanu̍gāddacaetat | tathā̍
dhā̱tā ka̍rotu te | tubhya̱mindro̱ bṛha̱spati̍ḥ | savi̱tā
varca̍āda̍dhāt
50.3-2
tebhyo̍ nidhā̱naṃ bahu̱dhā vyai̍cchan | a̱ntarā dyāvā̍pṛthi̱vī a̱paḥ suva̍ḥ | da̱rbhasta̱mbe vī̱rya̍ṅkṛ̱te nidhā̍ya | paum̐sye̍ne̱maṃ varca̍sā sam̐sṛ̍jāya | bala̍ṃ te bā̱huvo̍ḥ savi̱te da̍dhātu | soma̍stvā̱naktu̱ paya̍sā ghṛ̱tena̍ | strīṣu̍ rū̱pama̍śvi̱nautannidha̍ttaṃ | paum̐sye̍ne̱maṃ varca̍sā sam̐sṛ̍jāya | yatsīma̱ntaṃ
kaṅka̍taste li̱lekha̍ | yadvā̱ kṣura̱ḥ pari̍vava̱rja vapa̍m̐ste
strīṣu̍ rū̱pama̍śvi̱nautannidha̍ttaṃ | paum̐sye̍ne̱mam̐ sam̐sṛ̍jāyo
vī̱rye̍ṇa
50.1-3
a̱vāsā̱gdīkṣā va̱śinī̍ hyu̱grā da̍dhā̱dvapa̍ste̱ dve ca̍
anu0 17
ye ke̱śino̱ narte̱ mā te̱ bala̱ṃ yatsī̱manta̱ṃ pañca̍
indra̱ṃ vai svāviśo̍ ma̱ruto̱ nāpā̍cāyan | so'na̍pacāyyamānae̱taṃ vi̍gha̱nama̍paśyat | tamāha̍rat | tenā̍yajata
tenai̱vāsā̱ṃ tam̐ sam̐sta̱mbhaṃ vya̍han | yadvyaha̍n | tadvi̍gha̱nasya̍
vigha̱natvaṃ | vipā̱pmāna̱ṃ bhrātṛ̍vyam̐ hate | yae̱tena̱ yaja̍te
yau̱caina̍me̱vaṃ veda̍
50.2-3
yam̐ rājā̍na̱ṃ viśo̱nāpa̱cāye̍yuḥ | yo vā̍ brāhma̱ṇastama̍sā pā̱pmanā̱ prāvṛ̍taḥ syāt | sae̱tena̍ yajeta | vigha̱nenai̱vaina̍dvi̱hatya̍ | vi̱śāmādhi̍patyaṃ gacchati | tasya̱ dve dvā̍da̱śasto̍ce bhavataḥ | dve ca̍turvim̱̐śe | audbhi̍dyame̱va tat | e̱tadvai kṣa̱trasyaudbhi̍dyaṃ | yada̍smai̱ svāviśo̍ ba̱lim̐ hara̍nti
50.3-3
hara̍ntyasmai̱ viśo̍ ba̱liṃ | aina̍mapra̍tikhyātaṃ gacchati
yae̱vaṃ veda̍ | pra̱bāhugvāagre̍ kṣa̱trāṇyā̍taiṣuḥ | teṣā̱mindra̍ḥ
kṣa̱trāṇyāda̍tta | na vāi̱māni̍ kṣa̱trāṇyabhū̍va̱nniti̍ | tannakṣa̱trāṇā̱ṃ nakṣa̍tratvaṃ | ā̱gne̱ya̱so bhrātṛ̍vyasya̱ teja̍ indri̱yaṃ
dha̍tte | ya e̱tena̱ yaja̍te | ya u̱ caina̍me̱vaṃ veda̍
50.4-2
tadyathā̍ ha̱ vai sa̍ṃca̱kriṇau̍ ka̱lyakā̍vupāvahi̱tau syātā̍ṃ
e̱vame̱tau yu̱gmaṃ tau stomau̍ | a̱yu̱kṣu stome̍ṣu kriyete
pā̱pmano'pa̍hatyai | apa̍pā̱pmāna̱ṃ bhrātṛ̍vyam̐ hate | ya e̱tena̱
yaja̍te | ya u̱ caina̍me̱vaṃ veda̍ | tadyathā̍ ha̱ vai sū̍tagrāma̱ṇya̍ḥ
e̱vaṃ chandā̍m̐si | teṣva̱sāvā̍di̱tyo bṛ̍ha̱tora̱bhyūḍha̍ḥ
50.5
sa̱to bṛ̍ha̱tīṣu̍ stuvate sa̱to bṛ̍han | pra̱jayā̍ pa̱śubhira̍sānī̱tyeva | vya̍tiṣaktābhiḥ stuvate | vya̍tiṣakta̱ṃ vai kṣa̱traṃ
vi̱śā | vi̱śaivainā̍ṃ kṣa̱treṇa̱ vyati̍ṣajati | vya̍tiṣaktābhiḥ stuvate | vya̍tiṣakto̱ vai grā̍ma̱ṇīḥ sa jā̱taiḥ | sa jā̱taire̱vaina̍ṃ
vyati̍ṣajati | vya̍tiṣaktābhiḥ stuvate | vya̍tiṣakto̱ vai puru̍ṣaḥ
prā̱ṇaibhi̍ḥ || vya̍tiṣaktābhi̱re̱vāsya̍ pā̱pmano̍ nudate
50.18
ve̱da̱ hara̍ntyename̱vaṃ ve̱dābhyū̍ḍhaḥ prā̱ṇabhi̱reka̍ñca
anu0 18
tri̱vṛdyadā̍gne̱yo'̱gnirmukhā hya̱gniryadā̍gne̱ya ā̍gne̱yo na vai
some̍na̱ yo vai some̍nai̱va go̍sa̱vaḥ sim̐he̍'bhi̱prehi̍ mi̱trava̍rddhanaḥ pra̱jāpa̍ti̱stā oda̱naṃ pra̱jāpa̍tirakakāmayata̱ braho̍bhū̱yānaga̍styosyāja̱rāsa̍sti̱ṣṭhā harī̍ pra̱jāpa̍tiḥ pa̱śūn
vyā̱ghro'bhi̱prehi̍ vṛtra̱hanta̍mo̱ ye ke̱śina̱indra̍ṃ vāmṛśadaśa
50.66
ci̱rayo̱ vai some̍nāyu̱rasi̍ vi̱śvāyu̍rba̱hurbhava̍ti ti̱ṣṭhā
harī̱ratha̱ āya̍ṃ bhā̱tu tebhyo̍ ni̱dhāna̱m̐ ṣaṭpa̍ṣṭiḥ
50.66.p1
hari̍ḥ om
50.66.p2
iti saptamo'dhyāyaḥ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (3)
- Taittirīyabrāhmaṇa — Sanskrit
- Baudhāyanaśrautasūtra — Baudhāyana, Sanskrit
- Āgniveśyagṛhyasūtra — Agniveśa, Sanskrit