Yajurbrahmana 51
Yajurbrāhmaṇa 51
- Language
- Sanskrit
51.1
hariḥ oṃ
dvitīyakāṇḍe aṣṭamaprapāṭhake
prathamo'nuvākaḥ
pī̱vo'nnā̍m̐ rayi̱vṛdha̍ḥ sume̱dhāḥ | śve̱taḥ si̍ṣakti ni̱yutā̍mabhi̱śrīḥ | te vā̍yave sama̍naso vi̱tasthu̍ḥ | viśve̱nnara̍ḥ
svapa̱tyāni̍ cakruḥ | rā̱yenu yaṃ ja̱jñatū roda̍sīu̱bhe | rā̱ye
de̱vī dhi̱ṣaṇā̍dhātide̱vaṃ | adhā̍ vā̱yuṃ ni̱yuta̍ḥ saścata̱svāḥ
u̱taśve̱taṃ vasu̍dhitiṃ ni̱reke̍ | ā̱vā̱yo pra̱yābhi̍ḥ | pra̱vāyumacchā̍ bṛha̱tī ma̍nī̱ṣā
51.2
bṛ̱hadra̍yiṃ vi̱śvavā̍rām̐ rathā̱prāṃ | dyu̱tadyā̍mā ni̱yuta̍ḥ
patya̍mānaḥ | ka̱viḥ ka̱vimi̍yakṣasi prayajyo | āno̍ niyudbhi̍ḥ śa̱tinī̍bhiradhva̱raṃ | sa̱ha̱sriṇī̍bhirupa̍yāhi ya̱jñaṃ
vāyau̱nnasmi̱n ha̱viṣi̍ mādayasva | yū̱yaṃ pā̍ta sva̱stibhi̱ḥ
sadā̍ naḥ | pra̱jāpa̍te̱ na tvade̱tānya̱nyaḥ | viśvā̍ jā̱tāni̱ pari̱tā ba̍bhūva | yatkā̍māste juhu̱mastanno̍ astu
51.3
va̱yam̐ syā̍ma̱ pata̍yo rayī̱ṇāṃ | rayī̱ṇāṃ pati̱ṃ yaja̍taṃ bṛ̱hanta̍ṃ | a̱smin bhare̍ nṛta̍ma̱ṃ vāja̍sātau | pra̱jāpa̍tiṃ prathama̱jāmṛ̱tasya̍ | yajā̍ma de̱vamadhi̍no bravītu | pra̱jāpa̍te̱ tvaṃ
ni̱dhiyāḥ pu̍rā̱ṇaḥ | de̱vānā̍ṃ pi̱tā ja̍ni̱tā pra̱jānā̍ṃ
pati̱rviśva̍sya̱ jaga̍taḥ pa̱rasyā̍ḥ | ha̱virno̍ devaviha̱ve ju̍ṣasva
tave̱me lo̱kāḥ pra̱diśo̱ diśa̍śca
51.4
pa̱rāva̱to̍ ni̱vata̱ udva̍taśca | pra̱jāpa̍te viśvasṛjjīvardhanyai̱daṃ no̍ deva | prati̍harya ha̱vyaṃ | pra̱jāpa̍tiṃ pratha̱maṃ yajñi̱yānā̍ṃ | de̱vānā̱magrai̱ yaja̍ta̱ṃ yaja̍dhvaṃ | sa no̍ dadātu dra̱viṇam̐ su̱vīrya̍ṃ | rā̱yaspoṣa̍ṃ viṣya̍tu̱ nābhi̍ma̱sme | yo rā̱yaīśe̍ śata̱dāya̍ u̱kthya̍ḥ | yaḥ pa̍śū̱nām̐ ra̍kṣi̱tā viṣṭhi̍tānāṃ
pra̱jāpa̍tiḥ prathama̱jā ṛ̱tasya̍
51.5
sa̱hasra̍dhāmājuṣatām̐ ha̱virna̍ḥ | somā̍ pūṣa̱ṇemau de̱vau
somā̍ pūṣaṇā raja̍so vi̱māna̍ṃ | sa̱ptaca̍kram̐ rathamavi̍śvaminvaṃ | viṣū̱vṛta̱ṃ mana̍sā yu̱jyamā̍naṃ | taṃ ji̍nvatho vṛṣaṇā
pañca̍raśmiṃ | di̱vyanyaḥ sada̍naṃ ca̱kra u̱ccā | pṛthi̱vyāma̱nyo
a̱dhyanta̍ri̱kṣe | tāva̱smabhya̍ṃ puruvā̱raṃ puru̱kṣuṃ | rā̱yaspoṣa̍ṃ
viṣya̍tā̱ṃ nābhi̍masme
51.6
dhiya̍ṃ pū̱ṣā ji̍nvatu vi̱śvami̍nvaḥ | ra̱yim̐ somo̍ rayipa̍tirdadhātu | ava̍tu de̱vyadi̍tirana̱rvā | bṛ̱hadva̍dema vidathe̍ su̱vīrā̍ḥ | viśvā̍nya̱nyo bhuva̍nā ja̱jāna̍ | viśva̍manyo̍ a̱bhicakṣā̍ṇaeti | somā̍ pūṣaṇāvava̍ta̱ṃ dhiya̍ṃ me
yu̱vabhyā̱ṃ viśvā̱ḥ pṛta̍nā jayema | udu̍tta̱maṃ va̍ruṇa̱pāśa̍ma̱smat
yatkiñce̱daṃ ki̍ta̱vāsa̍ḥ || ava̍te̱ heḍa̍sta̱vyāyā̍mi | ā̱dityānā̱mava̍sāna̱dakṣi̍ṇā | dhā̱raya̍ntaādi̱tyāsa̍sti̱sro
bhūmò̍rdhārayan | ya̱jño de̱vānā̱m̐ śuci̍rapaḥ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (5)
- Taittirīyabrāhmaṇa — Sanskrit
- Maitrāyaṇīyaśākhā — Sanskrit
- Saṃhitāpadapāṭha — Sanskrit
- Baudhāyanaprayogamālā — Veṅkaṭeśa, Sanskrit
- Veṅkaṭeśīyaprayogamālā — Veṅkaṭeśa Jyotiṣin, Sanskrit