Pramāṇa · Search · About · API

Yajurbrahmana 53

Yajurbrāhmaṇa 53

Language
Sanskrit

53.1

de̱vayā̱nairde̱vāḥ su̍pū̱taṃ yaja̍tra̱ ha̱stama̍sti̱ tamā̍m̐sū̱rmibhi̍rha̱ce || anu̍0 2
tṛtīyo'nuvākaḥ
somo̍ dhe̱num̐ somo̱ arva̍ntamā̱śuṃ | somo̍ vī̱raṃ ka̍rma̱ṇya̍ṃ dadātu | sā̱da̱nya̍ṃ vi̱dathya̍m̐ sa̱bheya̍ṃ | pi̱tuḥ śrava̍ṇaṃ
yo dadā̍śada̱smai | aṣā̍ḍhaṃ yu̱tsu tvam̐ so̍ma̱kratu̍bhiḥ | yāte̱
dhāmā̍ni ha̱viṣā̱ yaja̍nti | tvami̱mā oṣa̍dhīḥ somaviśvā̍ḥ | tvama̱po a̍janaya̱stvaṅgāḥ | tvamāta̍ta̱nthorva̍nta̱rikṣa̍ṃ
tvaṃ jyotī̍ṣā̱ vitamo̍vavartha

53.2

yāte̱ dhāmā̍ni di̱vi yā pṛ̍thi̱vyāṃ | yā parva̍te̱ṣvoṣa̍dhī̱ṣva̱psu | tebhi̍rno̱ viśvai̍ḥ su̱manā̱ ahe̍ḍan | rāja̍ntsoma̱
prati̍ha̱vyā gṛ̍bhāya | viṣṇo̱rnuka̱ṃ tada̍sya pri̱yaṃ | pratādviṣṇu̍ḥ
pa̱ro mātra̍yā ta̱nvā̍ vṛdhāna | na te̍ mahi̱tvamanva̍śnuvanti | u̱bhe te̍ vidma̱raja̍sī pṛthi̱vyā viṣṇo̍ de̱va tvaṃ | pa̱ramasya̍ vitse

53.3

vi̱ca̱krame cirde̱vaḥ | ā̱te ma̱ho yo jā̱tae̱va | a̱bhigo̱cāri̍ | a̱bhispṛdho̍ mitha̱tīrara̍paśyan | a̱mica̍sya
vyathayā ma̱nyumindra̍ | ā̱bhirviśvā̍ a̱bhiyujo̱ viṣū̍cīḥ
ā̱ryā̍ya̱ viśo̍'va̱tārī̍rdā̱sīḥ | ayam̐ śṛ̱ṇveadha̱jaya̍nnutaghnan | a̱yamu̱ta prakṛ̍ṇute yu̱dhāgāḥ | ya̱dā sa̱tyaṃ kṛ̱ṇute
ma̱nyumindra̍ḥ

53.4

viśva̍ṃ dṛ̱ḍhaṃ bha̍yata̱ eja̍dasmāt | anu̍ sva̱dhāmakṣa̍raṃ nāpo̍asya | ava̍rddhata madhya̱ānā̱ vyānā̍ṃ | sa̱dhrīcīne̍na
mana̍sā̱ tamindra̱ oji̍ṣṭhena | hanma̍nā̱haṃ na̍bhi̱dyun | ma̱rutva̍ntaṃ vṛṣa̱bhaṃ vāvṛdhā̱naṃ | aka̍vāriṃ di̱vyam̐ śā̱samindra̍ṃ | vi̱śvāsāha̱mava̍se̱ nūta̍nāya | u̱gram̐ sa̍ho̱dāmi̱hatam̐ hu̍vema | jani̍ṣṭhā u̱graḥ saha̍se tu̱rāya̍

53.5

ma̱ndraoji̍ṣṭho bahu̱lābhi̍mānaḥ | ava̍rddhannindra̍ṃ ma̱ruta̍ści̱datra̍ | mā̱tā yadvī̱raṃ da̍dhana̱ddhani̍ṣṭhā | ke syā̍vo marutaḥ sva̱dhāsī̍t | yanmāmekam̐ samadha̍ttā̱ hi hatye̍ | aham̐
hyu̱grasta̍vi̱ṣastu̱ vi̍ṣmān | viśva̍sya̱ śatro̍ra̱nama̍ṃ vadha̱snaiḥ
vṛ̱trasya̍ tvāśvasa̱thādī̍ṣamāṇāḥ | viśve̍ de̱vāa̍jahu̱rye sakhā̍yaḥ | ma̱rudbhi̍rindra sa̱khyaṃ te̍ astu

53.6

athe̱mā viśvā̱ḥ pṛta̍nā jayāsi | vadhī̍rvṛ̱traṃ ma̍rutaindri̱yeṇa̍ | svena̱ bhāme̍na tavi̱ṣo ba̍bhū̱vān | aha̱metāmana̍ve vi̱śvaśca̍ndrāḥ | su̱gāa̱pañca̍kara̱ vajra̍bāhuḥ | sa yo
vṛṣā̱ vṛṣṇi̍yebhiḥ samau̍kāḥ | ma̱ho di̱vaḥ pṛ̍thi̱vyāśca̍
sa̱mrāṭ | satī na satvā̱ havyo̱ bhare̍ṣu | ma̱rutvā̍nno bhavatvindra̍ ū̱tī | indro̍ vṛ̱trama̍taradvṛtra̱tūrye̍

53.7

anā̍dhṛṣyo magha̱vā śūra̱indra̍ḥ | anve̍na̱ṃ viśo̍ amadanta
pū̱rvīḥ | ayam̐ rājā̱ jaga̍taścarṣaṇī̱nāṃ | sae̱va vī̱raḥ sa
u̍ vī̱ryā̍vān | sae̍ka̱rājo̱ jaga̍taḥ pa̱rasyā̍ḥ | ya̱dā vṛ̱trama̍ta̱ra̱cchūra̱indra̍ḥ | athā̍bhavadvami̱tābhi̱kratū̍nāṃ | indro̍
ya̱jñaṃ va̍rdhaya̱n vi̱śvave̍dāḥ | pu̱ro̱ḍāśa̍sya juṣatām̐ ha̱virna̍ḥ
vṛ̱ṣaṃ tī̱rtvā dā̍na̱vaṃ vajra̍bāhuḥ

53.8

diśo̍ ham̐haddṛm̐hi̱tā ham̐ha̍ṇena | i̱maṃ ya̱jñaṃ va̍rdhaya̱n
vi̱śvave̍dāḥ | pu̱ro̱ḍāśa̍ṃ pratigṛbhṇātvindra̍ḥ | ya̱dā vṛ̱tramata̍ra̱cchūra̱indra̍ḥ | athai̍ka̱rājo̍ abhava̱jjanā̍nāṃ | indro̍
de̱vāṃcchamba̍ra̱hatya̍ āvat | indro̍ de̱vānā̍mabhavat pu̱rogāḥ | indro̍ ya̱jñe ha̱viṣā̍ vāvṛdhānaḥ | vṛ̱tra̱tūrye̍ abha̍yam̐ śarma̍ yam̐ sat | yaḥ sa̱pta sindhū̱m̐ rada̍dhāt pṛthi̱vyāṃ
yaḥ sa̱pta lo̱kānakṛ̍ṇo̱ddiśa̍śca | indro̍ havi̱ṣmāntsaga̍ṇo
ma̱rudbhi̍ḥ | vṛ̱tra̱tūryo̍ ya̱jñami̱hopa̍yāsat

Commentaries (1)

Linked texts (6)