Pramāṇa · Search · About · API

Yajurbrahmana 54

Yajurbrāhmaṇa 54

Language
Sanskrit

54.1

vavarya̱ vitsaindra̍stu rā̱yāstu vṛ̍tra̱tūrye̱ vajra̍bāhuḥ pṛthi̱vyāṃ trīṇi̍ ca || anu0 3
caturtho'nuvākaḥ
indra̍sta̱ra̍svānabhimāti̱hāgryaḥ | hira̍ṇyavāśīriṣi̱raḥ su̍va̱rṣāḥ | tasya̍ va̱yam̐ su̍ma̱tau ya̱jñiya̍sya | api̍
bha̱dre'sau̍ mana̍se syāma | hira̍ṇyavarṇā̱ abha̍yaṃ kṛṇotu
a̱bhi̱mā̱ti̱hendra̍ḥ pṛta̍nāsu ji̱ṣṇuḥ | sa na̱ḥ śarma̍ triva̱rūtha̍ṃ
vi̱yam̐ sat | yū̱yaṃ pā̍tasva̱stibhi̱ḥ sadā̍naḥ | indra̱m̐ stuhi
va̱jriṇa̱m̐ stoma̍pṛṣṭhaṃ | pu̱ro̱ḍāśa̍sya juṣatā̱m̐ havirna̍ḥ

54.2

ha̱tvābhimā̍tīḥ pṛta̍nāḥ saha̍svān | athābha̍yaṃ kṛṇuhi vi̱śvato̍ naḥ | stu̱hi śūra̍ṃ va̱jriṇa̍mapratī̱ttaṃ | a̱bhimā̱ti̱ghnaṃ pu̍ruhū̱tamindra̍ṃ | yaeka̱icchatapa̍ti̱rjane̍ṣu | tasmā̱
indrā̍ya ha̱virā̱juho̍ta | indro̍ de̱vānāmadhi̍paḥ pu̱rohi̍taḥ | di̱śāṃ pati̍rabhavadvājinī̍vān | a̱bhi̱mā̱ti̱hātavi̱ṣaḥ stu̍vi̱ṣmān | a̱smabhya̍ṃ ci̱traṃ vṛṣa̍ṇam̐ ra̱yiṃ dā̍t

54.3

yai̱me dyāvā̍pṛthi̱vī ma̍hi̱tvā | bale̍nāham̐hṛdabhimātihendra̍ḥ | sa no̍ ha̱viḥ prati̍gṛbhṇātu rā̱tayai̍ | de̱vānā̍ṃ
de̱vo ni̍dhi̱pā no̍ avyāt | ana̍vaste̱ ratha̱ṃ vṛṣa̍ṇāyante̍
indra̍sya̱ nu vī̱ryā̍ṇyahannahi̍ṃ | indro̍ yā̱tova̍si̱ tasya̍
rājā̍ | śama̍sya ca śṛ̱ṅgiṇo̱ vajra̍bāhuḥ | sedu̱rājā̍kṣayati
carṣaṇī̱nāṃ | a̱rānna nemiḥ pari̍tā ba̍bhūva

54.4

a̱bhisidhro aji̍gādasya̱ śatrūn̍ | vi̱tigme̍na vṛṣabhe̱ṇāpu̍robhet | saṃ vajre̍ṇāsṛjadvṛtra̱mindra̍ḥ | pra svāṃ mati̍ -
ma̍tira̱cchāśa̍dānaḥ | viṣṇu̍ṃ de̱vaṃ varu̍ṇamū̱taye̱ bhaga̍ṃ | meda̍sā de̱vā va̱payā̍ yajadhvaṃ | tāno̍ ya̱jñamāga̍taṃ vi̱śvadhe̍nā
pra̱jāva̍da̱sme dravi̍ṇe ha dhattaṃ | meda̍sā de̱vā va̱payā̍ yajadhvaṃ
viṣṇu̍ñca de̱vaṃ varu̍ṇañca rā̱tiṃ

54.5

tāno̱ amī̍vā apa̱bādha̍mānau | i̱maṃ ya̱jñaṃ ju̍ṣamāṇāvupe̍taṃ | viṣṇū̍ varuṇā yuva̱madhva̱rāya̍ naḥ | vi̱śe janā̍ya
mahi̱ śarma̍ yacchataṃ | dī̱rghapra̍yajyū ha̱viṣā̍ vṛdhānā | jyotiṣā rātīrdaha̱taṃ tamām̐̍si | yayo̱roja̍sā skabhi̱tā rajām̐si | vī̱ryai̍bhirvī̱rata̍māśaviṣṭhā | yāpatyete̱ apra̍tītā saho̍bhiḥ | viṣṇū̍ aganva̱ruṇā̱ pūrva̱hūtau̍

54.6

viṣṇū̍ varuṇāvabhiśasti pā̱vā̍ | de̱vā ya̍janta ha̱viṣā̍
ghṛ̱tena̍ | āpāmī̍vām̐ sedhatam̐ rakṣa̍saśca | athā̍dhattaṃ yaja̍mānāya̱ śaṃyoḥ | aho̍mu̱cā vṛ̍ṣabhāsupra̱tūrtī̍ | de̱vānā̍ṃ de̱vata̍māśaviṣṭhā | viṣṇū̍ varuṇā pratiharyatannaḥ
i̱daṃ na̍rā pra̱yata̍mū̱taye̍ ha̱viḥ | ma̱hī nu dyāvā̍pṛthi̱vī i̱ha
jyeṣṭhe̍ | ru̱cā bha̍vatām̐ śuca̍yadbhira̱rkaiḥ

54.7

yatsī̱ṃ vari̍ṣṭhe bṛha̱tī vi̱minvan̍ | nṛ̱vaddyokṣā pa̍prathānebhire̱vaiḥ | prapṛ̱rvaje̍ pi̱tarānavya̍sībhiḥ | gī̱rbhiḥ kṛ̍ṇudhvam̐ sada̍ne ṛ̱tasya̍ | āno̱ dyāvā̍pṛthi̱vī daivye̍na | jane̍na
yāta̱mahi̍vā̱ṃ varū̍thaṃ | saitsvapā̱ bhuva̍neṣvāsa | yai̱me dyāvā̍pṛthi̱vī ja̱jāna̍ | u̱rvī ga̍bhī̱re raja̍sī su̱meke̍ | avam̐śe dhīraḥ śacyā samairat

54.8

bhūri̍ dve aca̍rantī cara̍ntaṃ | pa̱dvanta̱ṃ garbha̍mapa̱dī da̍dhāte | ni̱tyanna sū̱nuṃ pi̱troru̱pasthe̍ | taṃ pi̍ṣṭatam̐ rodasī satyavāca̍ṃ | i̱daṃ dyā̍vāpṛthi̱vī sa̱tyama̍stu | pi̱tarmā̍ta̱ryadi̱hopa̍bru̱ve vā̍ṃ | bhū̱taṃ de̱vānā̍mava̱me avo̍bhiḥ | vi̱dyāmeṣa̍ṃ
vṛ̱jana̍ṃ jī̱radā̍nuṃ | u̱rvī pṛ̱thvī ba̍hu̱le dū̱rea̍nte | upa̍bruve̱ nama̍sā ya̱jñea̱smin || dadhā̍te̱ ye subhage̱su pra̍tū̱rttau
dyāvā̍ rakṣa̍taṃ pṛthi̱vī no̱ ahvā̍t | yājā̱tā oṣa̍dhayo'ti̱viśvā̍ḥ pari̱ṣṭhāḥ | yā oṣa̍dhaya̱ḥ some̍rājñīraśvāvatī̱m̐ soma̍vatīṃ | oṣa̍dhī̱riti̍ mā̱taro̱'nyāvo̍a̱nyāma̍vatu

Commentaries (1)

Linked texts (6)