Pramāṇa · Search · About · API

Yajurbrahmana 55

Yajurbrāhmaṇa 55

Language
Sanskrit

55.1

ha̱virno̍dāda̱bhūva̱ rāti̱ṃ pūrva̍hūtāva̱karai̱rada̱smin pañca̍
ca || anu0 4
pañcamo'nuvākaḥ
śuci̍nnu stoma̱m̐ navya̍hṛ̱dya̍ṃ | u̱bhā vā̍mindrāgnī pra̱carṣa̍ṇibhya̍ḥ | ā̱rhaca̍haṇā gī̱rbhirvipra̍ḥ | brahma̍ṇaspate̱ tvamasya ya̱ntā | sū̱ktasya̍ bodhi̱tana̍yañca jinva | viśva̱ṃ tadbha̱draṃ
yadvada̍nti de̱vāḥ | bṛ̱hadva̍dema vi̱dathe̍ su̱vīrā̍ḥ | saī̱m̐
sa̱tyebhi̱ḥ sakhi̍bhiḥ śuca̱dbhi̍ḥ | go̱dhāya̱ saṃvi̍dhana̱saira̍tarddat | brahma̍ṇa̱spati̱rvṛṣa̍bhirvarā̱haiḥ

55.2

gha̱rmasve̍debhi̱rdravi̍ṇaṃ vyā̍naṭ | brahma̍ṇa̱spate̍rabhavadyathā
va̱śaṃ | sa̱tyo ma̱nyurmahi̱ karmā̍ kari̱ṣyata̍ḥ | yogā u̱dāja̱t
sadi̱vevicā̍bhajat | ma̱hīva̍rīti̱ḥ śava̍sāsara̱t pṛtha̍k
i̱ndhā̱noa̱gniṃ va̍na̱vadva̍nu̱ṣyata̍ḥ | kṛ̱tabra̍hmā̱śū mu̍va̱drāta̍ha̱vyadā̍t | jā̱tena̍ jā̱tamati̱sṛprasṛ̍sate | yaṃ yaṃ yuja̍ṃ
kṛ̱ṇute̱ brahma̍ṇa̱spati̍ḥ | brahma̍ṇaspate su̱yama̍sya vi̱śvahā̍

55.3

rā̱yaḥ syāma̍ ra̱thyo̍ viva̍svataḥ| vī̱reṣu̍ vī̱rām̐ u̍papṛṅgdhi na̱stvaṃ | yadīśā̍no̱ brahma̍ṇā̱ veṣi̍ me ha̱vaṃ | saṅjñāne̍na
savi̱śā sa̱jambha̍nā | sapu̱trairvājā̍mbharate̱ dhanā̍ nṛ̱bhiḥ| de̱vānā̱ṃ yaḥ pi̱tara̍māvi̱vāsa̍ti | a̱śrāme̍nā ha̱viṣā̱ brahma̍ṇa̱spati̍ṃ | yāste̍ pūṣa̱nnāvo̍'nta̱ḥ | śu̱kraṃ te̍ a̱nyadyaja̍mā̱śrāṇe̍ḥ | prapa̍the pa̱thāma̍janiṣṭa pū̱ṣā

55.4

prapa̍the di̱vaḥ prapa̍the pṛthi̱vyāḥ | u̱bhe a̱bhipri̱yata̍ma
sa̱dhasthe̍ | āca̱ parā̍ca carati prajā̱nan | pū̱ṣā suba̍ndhurdi̱va ā pṛ̍thi̱vyāḥ| iḍa̍spatirma̱ghavā̍dasma̱varcā̍ḥ| taṃ de̱vāso̍ adaduḥ sū̱ryāyai̍ | kāme̍na kṛ̱taṃ tava̍ sam̐sva̱ñca̍ṃ | ajā̍śvaḥ pa̱śupāvā̍ja̱vastya̍ḥ | dhiya̍ṃ jinvo̱ viśve̱ bhuva̍ne̱ṣvarpi̍taḥ
a̱ṣṭrāṃ pū̱ṣā śi̍thi̱rāmudva̍rīvṛjat

55.5

sañcakṣā̍ṇo̱ bhuva̍nā de̱vaī̍yate | śucī̍vo ha̱vyā ma̍ruta̱ḥ śucī̍nāṃ | śuci̱m̐ hi no̍myadhva̱ram̐ śuci̍bhyaḥ | ṛ̱tena̍
sa̱tyamṛ̍ta̱sāpa̍ āyan | śuci̍janmāna̱ḥ śuca̍yaḥ pāva̱kāḥ
praci̍trama̱rkaṃ gṛ̍ṇa̱te turāye̍ | māru̍tāya̱ svata̍vase bharadhvaṃ
ye sahām̐si saha̍sā saha̍nte | reja̍te agne pṛthi̱vī ma̱khebhya̍ḥ | a̱m̱̐seṣvā maru̍taḥ khā̱dayo̍ vaḥ

55.6

vakṣa̍ḥ su̱rukmā u̱pa̍śiśriyā̱ṇāḥ | vivi̍dyutā̱na vṛṣṭibhī̍rucā̱nāḥ | anu̍ sva̱dhāmāyu̍dhairyaccha̍mānāḥ | yāva̱ḥ
śarma̍ śaśamā̱nāya̱ santi̍ | tri̱dhātū̍ni dā̱śuṣe̍ yaccha̱tādhi̍
a̱smabhya̱ṃ tāni̍ maruto̱ virya̍nta | ra̱yiṃ nau̍ dhatta vṛṣaṇaḥ su̱vīra̍ṃ | i̱me tura̍ṃ ma̱ruto̍ rāmayanti | i̱me saha̱ḥ saha̍saā̱nama̍nti | i̱me śam̐sa̍ṃ vanuṣya̱to nipā̍nti

55.7

gu̱rudveṣo̍aru̱ruṣe̍ dadhanti | arā̍ ive̱daca̍ramā ahe̍va | pra pra̍jāyante̱ aka̍vāmahobhiḥ | pṛśne̍ḥ pu̱trā u̍pamā̱so̱rabhi̍ṣṭāḥ | svayā̍ ma̱tyā ma̱ruta̱ḥ saṃmi̍mikṣuḥ | anu̍ te
dā̱yi ma̱hai̍ndri̱yāya̍ | sacā̍ te̱ viśva̱manu̍ vṛtra̱hatye̍ | anu̍
kṣa̱tramanu̱ saho̍ yajatra | indra̍ de̱vebhi̱ranu̍ te nṛ̱ṣahye̍ | ya
indra̱śuṣmo̍ maghavante̱ asti̍

55.8

śikṣā̱ sakhi̍bhyaḥ puruhūta̱ nṛbhya̍ḥ | tvam̐ hi dṛ̱ḍhā ma̍ghavan vi̱cetā̍ḥ | apā̍vṛdhi̱ pari̍vṛttinna̱rādha̍ḥ | indro̍
rā̱jā jaga̍taścarṣaṇī̱nāṃ | adhi̍kṣami̱ viṣu̍rūpa̱ṃ yadasti̍
tato̍ dadātu dā̱śuṣe̱ vasū̍ni | co̱da̱drādha̍upastutaści̱darvāk | tamū̍ huhi̱ yoa̱bhibhū̍tyojāḥ | vanva̱nvā̍naḥ puruhūtaindra̍ḥ | āṣā̍ḍhamu̱gram̐ saha̍ mānamā̱bhiḥ || gī̱rbhirvardha̍
vṛṣa̱bhaṃ ca̍rṣaṇī̱nāṃ | stū̱rasya̍ rā̱yo bṛ̍ha̱to yaīśe̍ | tamu̍ṣṭavāma vi̱dathe̍ṣvindra̍ṃ | yo vā̱yunā jaya̍ti̱ goma̍tīṣu
pradhṛ̱ṣṇuyā na̍yati̱ vasyo̱accha̍ | āte̍ śuṣmo̍ vṛṣabhaetu
pa̱ścāt | otta̱rā da̍dharā̱gā pu̱rastā̍t | ā vi̱śvato̍
a̱bhisame̍tvarvā̱ṅ | indra̍dyu̱mnam̐ sva̍rva̱ddhe hyasme

Commentaries (1)

Linked texts (4)