Pramāṇa · Search · About · API

Yajurbrahmana 56

Yajurbrāhmaṇa 56

Language
Sanskrit

56.1

varā̱hairvi̱śvahā̍janiṣṭa pūṣoda̱rauvṛ̍ja̱t khā̱dayo̱vaḥ pāntya̱syābhi̱rnava̍ ca || anu0 5
ā de̱vo yā̍tu savi̱tā suratna̍ḥ | a̱ntari̍kṣaprā̱vaha̍māno̱aśvai̍ḥ | haste̱ dadhā̍no̱ naryā̍ pu̱rūṇi̍ | ni̱veśaya̍ñca
prasu̱vañca̱ bhūma̍ | a̱bhīvṛta̍ṃ kṛśa̱nairvi̱śvarū̍paṃ | hira̍ṇyaśamyaṃ
yaja̱to bṛ̱hanta̍ṃ | āsthā̱dratham̐̍ savi̱tā ci̱trabhā̍nuḥ | kṛ̱ṣṇā rajām̐̍si̱ tavi̍ṣī̱ṃ dadhā̍naḥ | sayā̍no de̱vaḥ sa̍vi̱tā
savā̍ya | āsā̍ vipa̱dvasu̍pati̱rvasū̍ni

56.2

viśraya̍māṇoama̍timurū̱cīṃ | marta̍bhojanama̱dharā̍sa
tena | vijanā̍ñchyā̱vāḥ śi̍ti̱pādo̍ akhyan | ratham̐̍ hira̍ṇya prau̱gaṃ vaha̍ntaḥ | śaśva̱dviśa̍ḥ savi̱turde̱vyasya̍ | u̱pasthe̍
viśvā̱ bhuva̍nāni tasthuḥ | visu̍pa̱rṇo a̱ntari̍kṣāyakhyat
gabhī̱rave̍pā̱ asu̍raḥ sunī̱thaḥ | kve̍dānī̱ṃ sūryya̱ḥ kaści̍keta | kata̱māṃ dyāṃ ra̱śmirasyā ta̍tāna

56.3

bhaga̱ṃ dhiya̍ṃ vājaya̍ntaḥ purandhi̍ṃ | narā̱śam̐so̍'gnāspatī̍rno̍'vyāt | ā̱yevāma̱sya̍ sa̱ṅgathe ra̍yī̱ṇāṃ | pri̱yā de̱vasya̍ savi̱tuḥ syā̍ma | āno̱ viśve̍'sra̱kāga̍mantu de̱vāḥ
mi̱tro a̍ryya̱mā varu̍ṇaḥ sa̱joṣā̍ḥ | bhuva̱n yathā̍ no̱ viśve̍
vṛ̱dhāsa̍ḥ | kara̍ntsupā̱hā vi̱thura̱nnaśa̍vaḥ | śanno̍de̱vā viśvade̍vā bhavantu | śam̐ sara̍svatī sa̱ha dhī̱bhira̍stu

56.4

śama̍bhi̱ṣāca̱ḥ śamu̍rāti̱ṣāca̍ḥ | śanno̍ di̱vyāḥ pārthi̍vā̱ḥ śanno̱ apyā̍ḥ | ye sa̍vi̱tuḥ sa̱tyasa̍vasya̱ viśve̍
mi̱trasya̍ vra̱te varu̍ṇasya de̱vāḥ | te'sau bhaga̍ṃ vī̱rava̍dgo̱madaśve̍ḥ | dadhā̍tana̱ dravi̍ṇaṃ ci̱trama̱sme | agne̍ pā̱hi dū̱tya̍ṃ vāri̍ṣe̱ṇyaḥ | de̱vām̐ acchā̱ brahma̍ kṛ̱tāga̱ṇena̍ | sara̍svatīṃ maruto̍'śvinā̱paḥ | yakṣi̍ de̱vān ra̍tna̱dheyā̍ya̱ viśvān̍

56.5

dyauḥ pi̍taḥ pṛthi̱vi mā̱taradhru̍k | agne̍ bhrātarvasavomṛ̱ḍatā̍naḥ | viśva̍ādityā adite sa̱joṣā̍ḥ | a̱smabhya̱m̐
śarmma̍ bahu̱laṃ vi̍yanta | viśve̍ de̱vāḥ śṛṇu̱temam̐ hava̍ṃ me
yea̱ntari̍kṣe̱ yaupa̱dyavi̍ṣṭha | yea̱gniji̍hvā u̱tavā̱ yaja̍trāḥ | ā̱sadyā̱smin ba̱rhiṣi̍ mādayadhvaṃ | āvā̍ṃ micā
varuṇā ha̱vyaju̍ṣṭiṃ | nama̍sā de̱vā vava̍sāva̱tyāṃ

56.6

a̱smāka̱ṃ brahma̱ pṛta̍nāsu sahyā | a̱smāka̍ṃ vṛ̱ṣṭirdi̱vyāse̍
pārā | yu̱vaṃ vastrā̍ṇi pī̱vasā̍ vasāthe | yu̱voracchi̍drāma
nta̍vo ha̱ sargā̍ḥ | avā̍tiratama̱nṛtā̍ni̱ viśvā̍ | ṛ̱tena̍
micāvaruṇā sacethe | tatsu̱vāṃ micāvaruṇā mahi̱tvaṃ
ī̱rmāta̍sthu̱ṣīrahā̍bhirduduhre | viśvā̍ḥ pinvatha̱ svasa̍rasya
dhe̱nāḥ | anu̍vā̱meka̍ḥ pa̱virāvā̍vartti

56.7

yadvaṃhi̍ṣṭha̱ṃ nāti̱vide̍ su̱dānū̍ | acchi̍dram̐ śarmma̱ bhuva̍
nasya gopā | tato̍ no micāvaruṇāvavīṣṭaṃ | siṣā̍santo jigīvām̐saḥ syāma | āno̍ micāvaruṇā ha̱vyaju̍tiṃ | ghṛ̱tairgavyū̍timukṣatamiḍā̍bhiḥ | prati̍vāmaca vara
mā̱janā̍ya | pṛ̱ṇī̱tamu̱dgo di̱vyasya̱ cāro̍ḥ | prabā̱havā̍ misra̱taṃ jī̱vase̍ naḥ | āno̱ gavyū̍timukṣataṃ ghṛ̱tena̍

56.8

āno̱janai̍ śravayataṃ yuvānā | śru̱taṃ me̍ micāvaruṇā
have̱mā | i̱mā ru̱drāya̍ sthi̱radha̍nvane̱ gira̍ḥ | kṣi̱preṣa̍ve de̱vāya̍ sva̱dhāmne̍ | aṣā̍ḍhāya̱ saha̍mānāya mī̱ḍhuṣe̍ | ti̱gmāyu̍dhāya bharatā śṛ̱ṇotu̍naḥ | tvā da̍ttebhīrudra̱ śanta̍mebhiḥ | śa̱tam̐ hi mā̱ñcaśī̍ya bheṣa̱jebhi̍ḥ | vya̱smaddveṣo̍ vita̱raṃ
vyam̐ha̍ḥ | vyamī̍vām̐ścātayasvā viṣū̍cīḥ

56.9

a̱rhan bi̍bharṣi̱ mā na̍sto̱ke | ā̱te pi̍tarmarutām̐ su̱mname̍tu | mā na̱ḥ sūrya̍sya sa̱ndṛśo̍ yuyothāḥ | a̱bhino̍ vī̱ro
arva̍ti kṣameta | prajā̍yemahi rudra pra̱jābhi̍ḥ | e̱vāba̍bhro
vṛṣabha cekitāna | yathā̍ deva̱ na hṛ̍ṇī̱ṣe na ham̐si̍ | ha̱va̱na̱śrunno̍ rudre̱ha bo̍dhi | bṛ̱hadva̍dema vi̱dathe̍ su̱vīrā̍ḥ | pa̱ri̱ṇo ru̱drasya̍ he̱ti stu̱hi śru̱taṃ || mī̱ḍhuṣṭa̍mā̱rhan bi̍bharṣi
tvama̍gne ru̱dra ā̱vo rājā̍naṃ

Commentaries (1)

Linked texts (4)