Pramāṇa · Search · About · API

Yajurbrahmana 57

Yajurbrāhmaṇa 57

Language
Sanskrit

57.1

vasū̍ni tatānā̱stu viśvā̍nvaṣṭyā̍ vavartti ghṛ̱tena̍ viṣū̍cīḥ śru̱taṃ dve ca̍ || anu̍0 6
saptamo'nuvākaḥ
sūryo̍ de̱vīmu̱ṣasa̱m̐ roca̍mānā̱marya̍ḥ | na yoṣā̍ma̱bhyeti pa̱ścāt | yatrā̱naro̍ de̱vaya̱nto yu̱gāni̍ | vi̱tanva̱te
prati̍bha̱drāya̍ bha̱draṃ | bha̱drāaśvā̍ ha̱rita̱ḥ sūrya̍sya | ci̱trā
eta̍gvā anu̱mādyā̍saḥ | na̱ma̱syanto̍ di̱vaāpṛ̱ṣṭhama̍sthuḥ
pari̱ dyāvā̍pṛthi̱vī ya̍nti sa̱dyaḥ | tatsūrya̍sya de̱va̱tvaṃ tanma̍hi̱tvaṃ | ma̱dhyākarto̱rvita̍tam̐ sañja̍bhāra

57.2

yadedayu̍kta̱hari̍taḥ sa̱dhasthā̍t | ādāsā̍ vāso̍stanutesimasmai̍ | tanmi̱trasya̱ varu̍ṇasyābhi̱cakṣe̍ | sūryo̍ rū̱paṃ kṛ̍ṇute̱ dyoru̱pasthe̍ | ana̍ntamanyadṛśa̍dasya̱ pāja̍ḥ | kṛ̱ṣṇāmanyaddhari̍ta̱ḥ sambha̍ranti | a̱dyā de̍vā̱udi̍tā̱ sūrya̍sya | niraṃha̍saḥ pipṛ̱tānni̍ra̱vadyāt | tanno̍ mi̱tro varu̍ṇo māmahantāṃ | adi̍ti̱ḥ sindhu̍ḥ pṛthi̱vī u̱ta dyauḥ

57.3

di̱voru̱kmau̍ru̱cakṣā̱ ude̍ti | dū̱rea̍rthastara̱ṇirbhrāja̍mānaḥ | nū̱naṃ janā̱ḥ sūrye̍ṇa̱ prasū̍tāḥ | āyannarthā̍ni kṛ̱ṇavannapā̍ṃsi | śanno̍ bhava̱ cakṣa̍sā̱ śanno̱ ahnā̍ | śaṃ bhā̱nunā̱ śaṃhimā̱ śaṃ ghṛṇena̍ | yathā̱ śamasmai̱ śamasa̍ddvi̱pade̍
tatsūrya̱ dravi̍ṇaṃ dhehi ci̱traṃ | ci̱traṃ de̱vānā̱muda̍gā̱danī̍kaṃ
cakṣu̍rmi̱trasya̱ varu̍ṇasyā̱gneḥ

57.4

āprā̱ dyāvā̍pṛthi̱vī a̱ntari̍kṣaṃ | sūrya̍ā̱tmā jaga̍tasta̱sthuṣa̍śca | tvaṣṭā̍ dadhatta̱nva̍stu̱rīya̍ṃ | tvaṣṭā̍ vī̱raṃ pi̍śaṅgarū̍paḥ | daśa̱maṃ tvaṣṭu̍rjanayanta̱ garbha̍ṃ | ata̍ndrāso yuva̱tayo̍
bibhṛ̱traṃ | ti̱gmānī̍ka̱m̐ svaya̍śasa̱ṃ jane̍ṣu | vi̱roca̍mānaṃ
pari̍ṣoṇayanti | ā vi̱śvyo va̍rddhate̱ cāru̱rāsu̍ | ji̱hmānā̍mū̱rddhaḥ svaya̍śāu̱pasthe̍

57.5

u̱bhe tvaṣṭu̍rbibhyatu̱rjāya̍mānāt | pra̱tīcī̍ si̱m̐haṃ prati̍joṣayete | mi̱tro janā̍n pra̱sami̍tra | a̱yaṃ mi̱tro nama̱sya̍:
su̱śeva̍: | rājā̍ sukṣa̱tro a̍jatiṣṭa ve̱dhā: | tasya̍ va̱yam̐ su̍ma̱tau ya̱jñiya̍sya | api̍ bha̱dre'sau̍ mana̍se syāma | ana̍mīvāsa̱ iḍa̍yā mada̍nta: | mi̱tajña̍vo̱ vari̍vannā pṛ̍thi̱vyā:
ā̱di̱tyasya̍ vra̱tamu̍pa̱kṣyanta̍:

57.6

va̱yaṃ mi̱trasya̍ suma̱tau syā̍ma | mi̱traṃ naīm̐̍śi̱myā goṣu̍
ga̱vyava̍t | svā̱dhiyo̍ vi̱dathe̍ṣvapra̱jaujanan | arai̍ jayatā̱m̐ roda̍sī pāja̍sā gi̱rā | prati̍pri̱yaṃ yaja̍taṃ ja̱nuṣā̍mava̍: | ma̱hām̐ ā̍di̱tyo nama̍sopa̱sadya̍: | yāta̱ yajja̍no
gṛṇa̱te su̱śeva̍: | tasmā̍e̱tatpanca̍tamā̱ yaju̍ṣṭaṃ | a̱gnau mi̱trāya̍ ha̱virā̱juho̍ta | āvā̱m̐ ratho̱ roda̍sīvadvadhā̱na:†

57.7

hira̍ṇyayo vṛṣa̱bhiryātvaśvai̍: | ghṛ̱tava̍rttani: pa̱vibhī̍rucā̱na: | iṣā̍ṃ vo̱ḍhā nṛ̱pati̍rvā̱jinī̍vān | sapra̍prathā̱no
a̱bhipañca̱ bhūma̍ | tri̱bandhu̍ro̱ mana̍sā yā̍tu yu̱kta: | viśo̍yena̱ gaccha̍tho deva̱yantī̍: | ku̱trāci̱dyāma̍maśvinā̱ dadhā̍nā | svaśvā̍ ya̱śasā̍ yā̍tama̱rvāk | dastrā̍ni̱dhiṃ madhu̍mantaṃ pibāthaḥ | vivām̐ ratho̍ba̱dhvāyāda̍mānaḥ

57.8

a̱ntāndi̱vo bā̍dhate va̱rttani̍bhyāṃ | yu̱voḥ śriya̱ṃ pari̱yoṣā̍ vṛṇīta | sūro̍ duhi̱tā pari̍takmyāyāṃ | yadde̍vayanta̱mava̍thaḥ śacī̍bhiḥ | pari̱dyam̐ sarvā̍ṃ ma̱nāvā̍ṃ vayo̱gāṃ | yo
ha̱syavām̐̍ rathi̱rāva̍stau̱srāḥ | ratho̍ yujā̱naḥ pari̍yāti̍ va̱rttiḥ | tena̍ na̱ḥ śaṃyo̱rupa̍so̱vyu̍ṣṭau | nya̍śvinā vahataṃ
ya̱jñe a̱smina | yu̱vaṃ bhu̱jyuma̍vaviddham̐ samu̱dre

57.9

udūha̍thurarṇa̱so a̍sridhā̱naiḥ | pa̱ta̱tribhi̱raśra̍mai̱ravya̍thibhiḥ | dam̐sa̍nābhiraśvinā pāraya̍ntāṃ | a̱gnīṣomā̱
yoa̱dyavā̍ṃ | i̱daṃ vaca̍ḥ saparyya̍ti | tasmai̍ dhattam̐ su̱vīryya̍ṃ
gavā̱ṃ poṣam̐̍ sva̱śviya̍ṃ | yoa̱gnīṣomā̍ ha̱viṣā̍ saparyyā̍t
de̱va̱drīcā̱ mana̍sā̱ yo ghṛ̱tena̍ | tasya̍ vra̱taṃ ra̍kṣataṃ pā̱tamam̐ha̍saḥ

57.10

viśe̱ janā̍ya̱ mahi̱ śarma̍ yacchataṃ | a̱gnīṣomā̱ya āhu̍tiṃ | yovā̱ṃ daśā̍ṅgaviṣkṛ̍tiṃ | sa̱pa̱ryyā su̱vīryya̍ṃ | viśva̱māyu̱rvya̍śnavat | a̱gnīṣomā̱ ceti̱ tadvīryya̍ṃ vāṃ | yadamu̍ṣṇītamava̱saṃ pa̱ṇiṃ gā̍ḥ | avā̍tira̱taṃ pra̱thaya̍sya̱ śeṣa̍ḥ | avi̍ndata̱ṃ jyoti̱reka̍ṃ ba̱hubhya̍ḥ | a̱gnīṣomāvi̱mam̐sume'gnī̍ṣomā ha̱viṣa̱ḥ prasthi̍tasya

Commentaries (1)

Linked texts (3)