Pramāṇa · Search · About · API

Yajurbrahmana 59

Yajurbrāhmaṇa 59

Language
Sanskrit

Contents

59.1

ca̱rāmi̍ kanī̍yo̱nyārpa̍tā pa̱dāni̍ ya̱jñaṃ su̍ havāmahe vi̱śvālo̍kāḥ su̱vīra̱marvā̍ piba̍ntīḥ ṣaṭ ca̍|| anu08
navamo'nuvākaḥ
tā sū̱ryāca̱ndrama̍sā vi̱śvabhṛ̍ttamā ma̱hat | tejo̱ vasu̍madbhrāja̍to di̱vi | sāmā̍tmā nācarataḥ sāmacā̱riṇā̍
yayo̍rvra̱taṃ na mame jātu̍ de̱vayo̍ḥ | u̱bhāvantau̍ pari̍yātaa̱myau | di̱vo na ra̱śmīm̐stanu̍to vyarṇa̱ve | u̱bhā bhuva̍ntī
bhuva̍nā ka̱vikra̍tū | sūryā̍naca̱ndrāca̍rato ha̱tāma̍tī | patau̍dyumaddi̱śvavi̍dā u̱bhā di̱vaḥ | sūryā̍ u̱bhā ca̱ndrama̍sā
vi̱cakṣa̱ṇā

59.2

vi̱śvavā̍rā vari̍vo bhā vare̍ṇyā | tānau̍'vataṃ matimantā
mahi̍vratā | vi̱śvava̍perī pra̱tara̍ṇātara̱ntā | su̱va̱rvido̍ dṛśaye̱ bhūri̍raśmī | sūryā̱ hi ca̱ndrā vasu̍tveṣa da̱rśatā | manasvinā̍ bhā̱nuca̍rato nu saṃ di̱vaṃ | a̱sya śravo̍ na̱dya̍ḥ sa̱ptabi̍bhrati | dyāvā̱ kṣāmā̍ pṛthi̱vī da̍rśa̱taṃ vapu̍ḥ | a̱sme sūryā̍
ca̱ndrama̍sābhi̱cakṣe̍ | śra̱ddhe kami̍ndra carato vica̱rtura̍ṃ

59.3

pū̱rvāpa̱raṃ ca̍rato mā̱yayai̱tau | śiśu̱ krīḍa̍ntau pari̍yātoadhva̱raṃ | viśvā̍nya̱nyo bhuva̍nābhi̱caṣṭe̍ | ṛ̱tūna̱nyo
vi̱dadha̍jjāyate̱ puna̍ḥ | hi̱ra̱ṇyava̍rṇā̱ḥ śuca̍yaḥ pāva̱kā
yāsā̱m̐ rājā̍ | yāsā̍ṃ de̱vāḥ śi̱vena̍ mā̱ cakṣu̍ṣā paśyata
āpo̍ bha̱drāādi̱tyaśyā̍mi | nāsa̍dāsī̱nno sadā̍sīt
tadā̍nīṃ | nāsī̱drajo̱ novyo̍mā pa̱royat | kimāva̍rīva̱ḥ
kuha̱kasya̱ śarma̍n

59.4

ambha̱ḥ kimāsī̱dgaha̍naṃ gabhī̱raṃ | na mṛ̱tyura̱mṛta̱ṃ tarhi̱
na | rātryā̱ ahna̍āsīt prake̱taḥ | ānī̍davā̱tam̐ sva̱dhayā̱ tadeka̍ṃ | tasmā̍ddhā̱nyaṃ na pa̱raḥ kiñca̱ nāsa̍ | tama̍āsī̱t tama̍sā gū̱ḍhamagre̍ prake̱taṃ | sali̱lam̐ sarva̍mā i̱daṃ
tu̱cchenā̱bhvapi̍hita̱ṃ yadāsī̍t | tama̍sastanmahi̱nājā̍yataika̍ṃ | kāma̱stadagre̱ sama̍varttatādhi̍

59.5

mana̍so̱ reta̍ḥ pratha̱maṃ yadāsī̍t | sa̱to bandhu̱masa̍ti
nira̍vindan | hṛ̱di pra̱tīṣyā̍ ka̱vayo̍ manī̱ṣā | ti̱ra̱ścīno̱
vita̍to ra̱śmire̍ṣāṃ | a̱dhasvi̍dāsī̱3du̱pari̍ svidāsī̱3t
re̱to̱dhā ā̍sanmahi̱māna̍ āsan | sva̱dhā a̱vastā̱t praya̍tiḥ pa̱rastā̍t | koa̱ddhā ve̍da̱ kai̱ha pravo̍cat | kuta̱ājā̍tā̱ kuta̍i̱yaṃ visṛ̍ṣṭiḥ | a̱rvāgde̱vāa̱sya vi̱sarja̍nāya

59.6

athā̱ko ve̍da̱yata̍ ā ba̱bhūva̍ | i̱yaṃ visṛ̍ṣṭi̱ryata̍ ā
ba̱bhūva̍ | yadi̍ vā da̱dhe yadi̍ vā̱ na | yoa̱syādhya̍kṣaḥ para̱me
vyo̍man | so a̱ṅga ve̍da̱ yadi̍ vā̱ na vede̍ | kim̐svi̱dvana̱ṃ kau̱ sa vṛ̱kṣaā̍sīt | yato̱ dyāvā̍pṛthi̱vī ni̍ṣṭata̱kṣuḥ | manī̍ṣiṇo̱ mana̍sā pṛ̱cchatedu̱ tat | yada̱dhyati̍ṣṭha̱dbhuva̍nāni
dhā̱rayan̍ | brahma̱vana̱ṃ brahma̱ savṛ̱kṣaā̍sīt

59.7

yato̱ dyāvā̍pṛthi̱vī ni̍ṣṭata̱kṣuḥ | manī̍ṣiṇo̱ mana̍sā
vibra̍vīmi vaḥ | brahmā̱dhyati̍ṣṭha̱dbhuva̍nāni dhā̱rayan̍ | prā̱tara̱gniṃ prā̱tarindram̐̍ havāmahe | prā̱tarmi̱trāvaru̍ṇā prā̱taraśvinā̍ | prā̱tarbhaga̍ṃ pū̱ṣaṇa̱ṃ brahma̍ṇa̱spati̍ṃ | prā̱taḥ soma̍mu̱taru̱dram̐ hu̍vema | prā̱ta̱rjita̱ṃ bhaga̍mu̱gram̐ hu̍vema | va̱yaṃ pu̱tramadi̍te̱ryo vi̍dha̱rttā | ā̱dhraści̱dyaṃ manya̍mānastura̱ścit

59.8

rājā̍ ci̱dyaṃ bhaga̍ṃ bha̱kṣītyāha̍ | bhaga̱ praṇe̍ta̱rbhaga̱ satya̍rādhaḥ | bhage̱ mādhi̱yamuda̍va̱dada̍nnaḥ | bhaga̱praṇo̍ janaya̱ gobhiraśvai̍ḥ | bhaga̱ pranṛbhi̍rnṛ̱vanta̍ḥ syāma | u̱tedā̱nīṃ bhaga̍vantaḥ
syāma | u̱tapra̍pi̱tva u̱ta madhye̱ ahnā̍ṃ | u̱todi̍tāmaghavantsūrya̍sya | va̱yaṃ de̱vānām̐̍ suma̱tau syā̍ma | bhaga̍e̱va bhaga̍vām̐astu devāḥ

59.6-2

tena̍ va̱yaṃ bhaga̍vantaḥ syāma | taṃ tvā̍ bhaga̱ sarva̱ijjo̍havīmi | sa no bhagaṃ puraetā bhaveha | sama̍dhvarāyopaso
namanta | dadhikrāveva śucaye padāya | arvācīnaṃ vasuvidaṃ bhagaṃ naḥ | rathamavāśvā vājinaāvahantu | aśvāvatīrgomatīrna uṣāsaḥ | vīravatīḥ sadamucchantu bhadrāḥ
ghṛtaṃ duhānā viśvataḥ prapīnāḥ || yūyaṃ pātasvastibhiḥ
sadānaḥ

59.6-3

vicakṣaṇā vicaturam̐ śarmannadhivisarjanāya brahmavanaṃ brahma savṛkṣaāsītturaściddevāḥ prapīnā ekañca
anu0 6
pīvonnante śukāsaḥ somo dhenumindrastarasvānchucimā devo yātu sūryā devīmahamasmi tā sūryācandramasā
nava

59.76

pīvonnāmagne tvaṃ pārayānādhṛṣyaḥ śucintu stomaṃ viśraryamāṇo divorukmonnaṃ prāṇaṃ tā sūryācandramasā navasaptatiḥ

59.76.p1

hariḥ oṃ

59.76.p2

iti dvitīyakāṇḍaḥ

Commentaries (1)

Linked texts (5)