Yajurbrahmana 6
Yajurbrāhmaṇa 6
- Language
- Sanskrit
6.1
ba̱rhiḥ prā̱tarhu̱tādyāya jāyate rundhe'sāmā karotyetā
vāñca̍gniho̱trasyau̍pasa̱dauva̍ṣaṭkā̱raśca̍ prātaryā̱vāṇo̱vajra̱strīṇi̍ ca || anu0 5
ṣaṣṭho'nuvākaḥ
pra̱jāpa̍tirakāmayatātmanvanme̍ jāye̱teti̍ | so'ju̍hot
tasyā̍tma̱nvada̍jāyata | a̱gnirvā̱yurā̍di̱tyaḥ | te̍'bruvan | pra̱jāpa̍tira̱hauṣī̍dā̱tmanva̍nme jāye̱teti̍ | tasya̍ va̱yama̍jajiṣmahi | jāya̍tāṃ na ā̱tmanva̱diti̱ te'ju̍havuḥ | prā̱ṇānā̍ma̱gniḥ | ta̱nuvai̍ vā̱yuḥ
6.2
cakṣu̍ṣaścādi̱tyaḥ | teṣāᳵ̍ hu̱tāda̍jāyata gaure̱va | tasya̍
paya̍si̱ vyāya̍cchanta | mama̍ hu̱tāda̍ja̱nni mameti̍ | te pra̱jāpa̍tiṃ pra̱śnamāya̍n | sañcādi̱tyo'gnima̍bravīt | yatta̍rau naujayā̍t | tannau̍ sa̱hāsa̱diti̍ | kasyaiko'hau̍ṣī̱diti̍ pra̱jāpa̍tirabravīt kasyai̱ka̱iti̍ | prā̱ṇānā̍ma̱hamitya̱gniḥ
6.3
ta̱nuvā̍a̱hamiti̍ vā̱yuḥ | cakṣu̍ṣo̱'hamityā̍di̱tyaḥ | yaeva prā̱ṇānā̱mahauṣī̍t | tasya̍ hu̱tāda̍janī̱ti̍ | a̱gnerhutāda̍janī̱ti̍ | tada̍gniho̱trasyā̍gniho̱tratvaṃ | gaurvāa̍gniho̱traṃ | yae̱vaṃ veda̱ gaura̍gniho̱trami̍ti | prā̱ṇāpā̱nābhyā̍me̱vāgniᳵ sa̱mardha̍yati | adhya̍rdhukaḥ prāṇāpā̱nābhyā̍ṃ bhavati
6.4
yae̱vaṃ veda̍ | tau vā̱yura̍bravīt | anu̍ mābhajata̱miti̍
yade̱va gārha̍patye'dhiśri̱tyāha̍vanī̱yama̱bhyudrava̍n | tena̱ tvāṃ
prī̍ṇātītya̍brūtāṃ | tasmā̱dyadgārha̍patye'dhiśri̱tyāha̍vanī̱yamabhyu̱drava̍ti | vā̱yume̱va tena̍ prīṇāti | pra̱jāpa̍tirde̱vatā̍ḥ
sṛ̱jamā̍naḥ | a̱gnime̱va de̱vatā̍nāṃ pratha̱mama̍sṛjata | so̍'nyadā̱lambhya̍mavi̱ttvā
6.5
pra̱jāpa̍timabhipa̱ryyāva̍rttata | sa mṛ̱tyora̍bibhet | so̍'mumā̍di̱tyamā̱tmano̱ nira̍mimīta | tam̐ hu̱tvā parā̍ṅpa̱ryyāva̍rttata | tato̱ vai sa mṛ̱tyumapā̍jayat | apa̍mṛ̱tyuṃ ja̍yati
ya e̱vaṃ veda̍ | tasmā̱dyasyai̱vaṃ vi̱duṣa̍ḥ | u̱taikā̱hamu̱ta dvya̱haṃ na ju̱hva̍ti | hu̱tame̱vāsya̍ bhavati || asau vā ā̍di̱tyo'gni̍ho̱traṃ
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (2)
- Taittirīyabrāhmaṇa — Sanskrit
- Vaidikakośa (Haṃsarāja) — Haṃsarāja, Sanskrit