Pramāṇa · Search · About · API

Yajurbrahmana 7

Yajurbrāhmaṇa 7

Language
Sanskrit

Contents

7.1

ta̱nurvai vā̱yura̱gnirbha̍vatyavi̱ttvā bha̍va̱tyeka̍ñca || anu0 6
saptamo'nuvākaḥ
rau̱draṃ gavi̍ | vā̱ya̱vya̍mupasṛ̱ṣṭaṃ | ā̱śvi̱naṃ du̱hyamā̍naṃ
sau̱myaṃ du̱gdhaṃ | vā̱ru̱ṇama̍dhiśri̱taṃ | vai̱śva̱de̱vābhinda̱va̍ḥ | pau̱ṣṇamudvānta̍ṃ | sā̱ra̱sva̱taṃ viṣyanda̍mānaṃ | mai̱tram̐ śara̍ḥ | dhā̱turudvā̍sitaṃ || bṛha̱spate̱runnī̍taṃ | savi̱tuḥ prakrā̍ntaṃ | dyāvā̍pṛthi̱vyam̐ hriyamā̍ṇaṃ | ai̱ndrā̱gnamupa̍sannaṃ | a̱gneḥ pūrvāhu̍tiḥ | pra̱jāpa̍te̱rutta̍rā | ai̱ndram̐ hu̱taṃ

7.1-2

udvā̍sitam̐ sa̱pta ca̍ || anu0 7
aṣṭamo'nuvākaḥ
dakṣiṇataupa̍sṛjati | pitṛ̱loka̱meva tena̍ jayati
prācīmāva̍rttayati | de̱va̱loka̱meva tena̍ jayati | udī̍cīmāvṛtya̍ dogdhi | ma̱nu̱ṣya̱loka̱meva tena̍ jayati | pūrvā
duhyā̱jjyeṣṭhasya̍ jyaiṣṭhine̱yasya̍ | yovāga̱taḥ śrīḥ syāt | apa̍rau duhyāt kani̱ṣṭhasya̍ kāniṣṭhine̱yasya̍ | yovā̱ būma̍ṣeta̱

7.2

na sammṛ̍śati | pā̱pava̱sya sasyavyāvṛ̍tyai | vā̱ya̱vya̍ṃ vāe̱tadupa̍sṛṣṭaṃ | ā̱śvi̱naṃ duhyamā̍naṃ | mai̱traṃ du̱gdhaṃ | a̱rya̱mṇaudvā̱syamā̍naṃ | tvā̱ṣṭramunnī̱yamā̍naṃ | bṛha̱spate̱runnī̍taṃ | savi̱tuḥ prakrā̍ntaṃ | dyāvāpṛthi̱vyam̐ hriyamā̍ṇam̐

7.3

ai̱ndrā̱gnamupa̍sāditaṃ | sarvā̍bhyovāe̱ṣa de̱vatā̍bhyojuhoti | yo̍'gniho̱traṃ juho̍ti | yathā khalu vai dhe̱nuṃ tī̱rthe
tarpaya̍ti | e̱vama̍gniho̱trī yaja̍mānaṃ tarpayati | tṛpya̍ti
pra̱jayā̍ pa̱śubhi̍ḥ | pra suva̱rgaṃ lo̱kaṃ jā̍nāti | paśya̍ti pu̱traṃ
paśya̍ti pau̱traṃ | pra pra̱jayā̍ pa̱śubhi̍rmithu̱nairjā̍yate || yasyai̱vaṃviduṣo̍'gniho̱traṃ juhva̍ti | yau̍ cainade̱vaṃ veda̍

7.1-3

bubhū̍ṣedvriyamā̱ṇam̐ jāyate̱ dve ca̍ || anu0 8
navamo'nuvākaḥ
tra̱yo vai prā̍yyame̱dhā ā̍san | teṣā̍ṃ tri̱reko̍'gniho̱trama̍juhot | dvi̱reka̍ḥ | sa̱kṛdeka̍ḥ | teṣā̱ṃ yastri̱raju̍hot | sa
ṛ̱cāju̍hot | yo dviḥ | sa yaju̍ṣā | yaḥ sa̱kṛt | sa
tū̱ṣṇīṃ

7.2-2

yaśca̱ yaju̍ṣā̱juho̱dyaśca̍ tū̱ṣṇīṃ | tāvu̱bhāvā̍rdhatāṃ | tasmādyaju̍ṣāhu̍tiḥ pū̱rvā ho̍ta̱vyā | tū̱ṣṇīmutta̍rā | u̱bhee̱va de̱vvava̍rundhe | a̱gnirjyoti̱rjyoti̍ra̱gniḥ svāheti̍ sā̱yaṃ
ju̍hoti | reta̍ e̱va tadda̍dhāti | sūryo̱ jyoti̱rjyoti̱ḥ sūrya̱ḥ
svāheti̍ prā̱taḥ | reta̍ e̱va hi̱taṃ praja̍nayati | reto̱ vā e̱tasya̍ hi̱taṃ na prajāyate

7.3-2

yasyā̍gniho̱tramahu̍tam̐ sūryo̍'bhyude̍ti | yadyantai syāt
u̱nnīya̱ prāṅudādra̍vet | sa u̍pa̱sādyāta̍mito̱rāsī̍t
sa ya̱dā tāmye̍t | atha̱ bhūḥ svāheti̍ juhuyāt | pra̱jāpa̍te̱rvai bhūtaḥ | tame̱vopā̍sarat | sa e̱vaina̍ṃ tata̱ unna̍yati | nārti̱mārcha̍ti̱ yaja̍mānaḥ

7.1-4

tū̱ṣṇīṃ jā̍yate̱ yaja̍mānaḥ || anu0 9
daśamo'nuvākaḥ
yada̱gnimuddhara̍ti | vasa̍va̱starhya̱gniḥ | tasmi̍nyasya̱ tathā̍vi̱dhe juhva̍ti | vasu̍ṣve̱vāsyā̍gniho̱tram̐ hu̱taṃ bha̍vati | ni̱hi̍to̱dhūpāya̍cchate | ru̱drāstarhya̱gniḥ | tasmi̱n yasya̱ tathā̍vi̱dhe juhva̍ti | ru̱dreṣve̱vāsyā̍gniho̱tram̐ hu̱taṃ bha̍vati | pra̱tha̱mami̱dhmama̱rcirāla̍bhate | ā̱di̱tyāstarhya̱gniḥ

7.2-3

tasmi̱n yasya̱ tathā̍vi̱dhe juhva̍ti | ā̱di̱tyeṣve̱vāsyā̍gniho̱tram̐ hu̱taṃ bha̍vati | sarva̍e̱va sarva̍śai̱dhmaādī̍pto
bhavati | viśve̍de̱vāstarhya̱gniḥ | tasmi̱n yasya̱ tathā̍vi̱dhe
juhva̍ti | viśve̍ṣve̱vāsya̍ de̱veṣva̍gniho̱tram̐ hu̱taṃ bha̍vati | ni̱ta̱rāma̱rcirupāvai̍ti lo̱hinī̍keva bhavati | indra̱starhya̱gniḥ
tasmi̱n yasya̱ tathā̍vi̱dhe juhva̍ti | indre̍e̱vāsyā̍gniho̱tram̐
hu̱taṃ bha̍vati

7.3-3

aṅgā̍rābhavanti | tebhyo'ṅgā̍rebhyo̱rcirudai̍ti | pra̱jāpa̍ti̱starhya̱gniḥ | tasmi̱n yasya̱ tathā̍vi̱dhe juhva̍ti | pra̱jāpa̍tāve̱vāsyā̍gniho̱tram̐ hu̱taṃ bha̍vati | śaro'ṅgā̍rā̱nnadhyūha̍nte
brahma̱ tarhya̱gniḥ | tasmi̱n yasya̱ tathā̍vi̱dhe juhva̍ti | brahma̱nnevā̱syā̍gniho̱tram̐ hu̱taṃ bha̍vati | vasu̍ṣu ru̱dreṣvā̍di̱tyeṣu̍ viśve̍ṣu de̱veṣu̍ || indre̍ pra̱jāpa̍tau̱ brahma̍n | apa̍rivargame̱vāsyai̱tāsu̍ de̱vatā̍su hu̱taṃ bha̍vati | yasyai̱vaṃ vi̱duṣo̍'gniho̱traṃ
juhva̍ti | yau̍cainade̱vaṃ veda̍

7.1-5

ādityāstarhyagnirindra evāsyāgnihotram̐ hutaṃ bhavati deveṣu catvāri ca
yadagniṃ nihitaḥ prathamam̐ sarvvaeva nitarāmaṅgārāḥ
śaro'ṅgārāvasuṣu sapta || anu0 10
ekādaśo'nuvākaḥ
ṛtaṃ tvā satyena pariṣiñcāmīti sāyaṃ pariṣiñcati | satyaṃ tvarttena pariṣiñcāmīti prātaḥ | agnirvāṛtaṃ | asāvādityaḥ satyaṃ | agnimeva tadādityena sāyaṃ
pariṣiñcati | agninādityaṃ prātaḥ saḥ | yāvadahorātre
bhavataḥ | tāvadasya lokasya | nārttirna riṣṭiḥ | nāntonaparyyanto'sti || yasyaivaṃviduṣo'gnihotraṃ juhvati | yaucainadevaṃ veda

7.11

asti dve ca || anu0 11
aṅgirasaḥ prajāpatiragnim̐ rudrauttarāṃvatī brahmavādino'gnihotraprāyaṇā yajñāḥ prajāpatirakāmayatātmanvadraudraṃ
gavi dakṣiṇatastrayovai yadagnimṛtaṃ tvā satyenaikādaśa

7.11.p1

aṅgirasaḥ praiva tena paśūneva yannimāṣṭi yovāagnihotrasyopasadaudakṣiṇataḥ ṣaṣṭiḥ || ha0 || hariḥ oṃ

7.11.p2

iti dvitīyāṣṭakasya prathamādhyāyaḥ

Commentaries (1)

Linked texts (3)