Yajurbrahmana 8
Yajurbrāhmaṇa 8
- Language
- Sanskrit
8.1
hariḥ oṃ
taittirīyabrāhmaṇe
dvitīyāṣṭake dvitīyādhyāye
prathamo'nuvākaḥ
pra̱jāpa̍tirakāmayata pra̱jāḥ sṛ̍jeyeti̍ | sa e̱taṃ daśa̍hotāramapaśyat | taṃ mana̍sānu̱drutya̍ darbhasta̱mbe'ju̍hot | tato̱
vai sa pra̱jā asṛ̍jata | tā a̍smāt sṛ̱ṣṭā apā̍krāman | tā
grahai̍ṇāgṛhṇāt | tadgraha̍sya graha̱tvaṃ | yaḥ kā̱maye̍ta pra̱jāye̍yeti̍ | sa daśa̍hotāra̱ṃ mana̍sānu̱drutya̍ darbhasta̱mbe ju̍huyāt
pra̱jāpa̍ti̱rvai daśa̍hotā
8.2
pra̱jāpa̍tire̱va bhū̱tvā prajā̍yate | mana̍sā juhoti | mana̍ i̱va hi pra̱jāpa̍tiḥ | pra̱jāpa̍terāptyai̍ | pū̱rṇayā̍ juhoti
pū̱rṇa i̍va̱ hi pra̱jāpa̍tiḥ | pra̱jāpa̍terāptyai̍ | nyū̍nayā juhoti | nyū̱nāddhi pra̱jāpa̍tiḥ pra̱jā asṛ̍jata | pra̱jānā̱m̐
sṛṣṭyai̍
8.3
darbhasta̱mbe ju̍hoti | e̱tasmā̱dvai yone̍ḥ pra̱jāpa̍tiḥ pra̱jā
asṛ̍jata | yasmā̍de̱va yone̍ḥ pra̱jāpa̍tiḥ pra̱jā asṛ̍jata
tasmā̍de̱va yone̱ḥ prajā̍yate | brā̱hma̱ṇo da̍kṣi̱ṇata̱ upā̍ste
brā̱hma̱ṇo vai pra̱jānā̍mupadra̱ṣṭā | u̱pa̱dra̱ṣṭuma̍tye̱va prajā̍yate
graho̍bhavati | pra̱jānā̱m̐ sṛṣṭānā̱ṃ dhṛtyai̍ | yaṃ brā̍hma̱ṇaṃ vi̱dyāṃ
vi̱dvām̐sa̱ṃ yaśo̱ narcchet
8.4
so'ra̍ṇya̱ṃ pare̍tya | da̱rbhasta̱mbamu̱ddhṛtya̍ | brā̱hma̱ṇaṃ dakṣi̍ṇa̱toniṣā̱dya̍ | catu̍rho̱tṝn vyāca̍kṣīta | e̱tadvai de̱vānā̍ṃ
pa̱rama̱ṃ guhya̱ṃ brahma̍ | yaccatu̍rho̱tāra̍ḥ | tade̱va pra̱kāśa̱ṅgama̍yati | tade̍naṃ pra̱kāśa̍ṃ ga̱taṃ | pra̱kāśa̍ṃ pra̱jānā̍ṃ gamayati
da̱rbhasta̱mbamu̱ddhṛtya̱ vyāca̍ṣṭe
8.5
a̱gnivā̱na vai da̱rbhasta̱mbaḥ | a̱gniva̱tyeva vyāca̍ṣṭe | brā̱hma̱ṇoda̍kṣiṇa̱taupā̍ste | bra̱hmaṇo̱vai pra̱jānā̍mupadra̱ṣṭā | u̱pa̱dra̱ṣṭuma̱tyevaina̱ṃ yaśa̍ṛcchati | ī̱śvara̱ṃ taṃ yaśo̱nārti̱rityā̍huḥ
yasyā̱ṃ taṃ vyā̱caṣṭa̱iti̍ | vara̱stasmai̍ de̱yaḥ | yade̱vaina̱ṃ taco̍pa̱rama̍ti | tade̱vāva̍rundhe
8.6
a̱gnimā̱dadhā̍no̱daśa̍hotāra̱ṇmava̍dadhyāt | pra̱jā
tame̱vaina̍mādha̍tte | tenai̱voddhṛ̱tyāgni̍ho̱traṃ ju̍huyāt | pra̱jā
tame̱vaina̍ñjuhoti | ha̱virnirva̍psya̱ṃ daśa̍hotā̱raṃ vyāca̍kṣīta
pra̱jāta̍me̱vaina̱ṃ nirva̍pati | sā̱midhe̱nīra̍nuva̱kṣyaṃ daśa̍hotā̱raṃ vyāca̍kṣīta | sā̱midhe̱nīre̱va sṛ̱ṣṭvārabhya̱ prata̍nute
atho̍ ya̱jñovai daśa̍hotā | ya̱jñame̱va ta̍nute
8.7
a̱bhica̱raṃ daśa̍hotā̱raṃ ju̍huyāt | nava̱ vai puru̍ṣe prā̱ṇāḥ
nābhirdaśamī | sa prā̱ṇame̱vaina̍mabhicarati | e̱tāva̱dvai puru̍ṣasya̱ svaṃ | yāva̍tprā̱ṇāḥ | yāva̍de̱vāsyāsti̍ | tada̍bhica̍rati | svakṛ̍tairi̱ṇe ju̍hoti pra̱dare̍ vā | e̱tadvāa̱syai nirṛ̍tigṛhī̱taṃ || nirṛ̍tigṛhītae̱vaina̱ṃ nirṛ̍tyā grāhayati
yadvā̱caḥ krū̱raṃ | tena̍ vaṣaṭkaroti | vā̱cae̱vaina̍ṃ krū̱reṇa̍
prahṛ̍ṣyati | tā̱jagā̱rttimāccha̍ti
Commentaries (1)
- Yajurbrahmaṇabhāṣya — Sāyaṇācārya, Sanskrit
Linked texts (5)
- Taittirīyabrāhmaṇa — Sanskrit
- Āpastambaśrautasūtra — Āpastamba, Sanskrit
- Vaidikakośa (Haṃsarāja) — Haṃsarāja, Sanskrit
- Śrautakośa — Sanskrit
- Śrautasūtra (Baudhāyana) — Baudhāyana, Sanskrit