Pramāṇa · Search · About · API

Yajurbrahmana 9

Yajurbrāhmaṇa 9

Language
Sanskrit

9.1

daśa̍hotā sṛ̱ṣṭyākṛ̱cchedyāca̍ṣṭe ru̱ndhyae̱va ta̍nu̱te nirṛ̍tigṛhī̱taṃ pañca̍ ca || anu0 1
dvitoyo'nuvākaḥ
pra̱jāpa̍tirakāmayata darśapūrṇamā̱sau sṛ̍jeye̱ti | sae̱taṃ
catu̍rhotāramapaśyat | taṃ mana̍sānu̱drutyā̍hava̱nīye̍'juhot | tato̱vai sa da̍rśapūrṇamā̱sāva̍sṛjata | tāva̍smātsṛ̱ṣṭāvapā̍krāmatāṃ | tau grahe̍ṇāgṛhṇāt | tadgraha̍sya graha̱tvaṃ | da̱rśa̱pū̱rṇa̱mā̱sāvā̱labha̍mānaḥ | catu̍rhotā̱raṃ mana̍sānu̱drutyā̍hava̱nīye̍ juhuyāt | da̱rśa̱pū̱rṇa̱mā̱sāve̱va sṛ̱ṣṭvārabhya̱ prata̍nate

9.2

graho̍bhavati | da̱rśa̱pū̱rṇa̱mā̱sayo̍ḥ sṛ̱ṣṭyaidhṛtyai̍ | so'kāmayata cāturmā̱syāni̍ sṛjeye̱ti | sae̱taṃ pañca̍hotāramapaśyat | taṃ mana̍sānu̱drutyā̍hava̱nīye̍'juhot | tato̱ vai sa
cā̍turmā̱syānya̍sṛjata | tānya̍smāt sṛ̱ṣṭānyapā̍krāman
tāni̱ grahe̍ṇāgṛhṇāt | tadgraha̍sya graha̱tvaṃ | cā̍turmā̱syānyāla̍bhamānaḥ

9.3

pañca̱hotā̍ra̱ṃ mana̍sānu̱drutyā̍hava̱nīye̍ juhuyāt | cātu̱rmā̱syānye̱va sṛ̱ṣṭvā''rabhya̱ prata̍nute | graho̍ bhavati | cā̍turmā̱syānā̱m̐ sṛ̱ṣṭānā̱ṃ dhṛtyai̍ | so̍'kāmayata paśuba̱ndham̐ sṛ̍jeyeti̍ | sa e̱tam̐ ṣaḍḍho̍tāramapaśyat | taṃ mana̍sānu̱drutyā̍hava̱nīye̍'juhot | tato̱ vai sa pa̍śuba̱ndhama̍sṛjata | so̍'smāt
sṛ̱ṣṭo'pā̍krāmat | taṃ grahe̍ṇāgṛhṇāt

9.4

tadgraha̍sya graha̱tvaṃ | pa̱śu̱ba̱ndhena̱ yakṣyamā̍ṇaḥ | ṣaḍḍho̍tāra̱ṃ
mana̍sānu̱drutyā̍hava̱nīye̍ juhuyāt | pa̱śu̱ba̱ndhame̱va sṛ̱ṣṭvā''rabhya̱ prata̍nute | graho̍ bhavati | pa̱śu̱ba̱ndhasya̍ sṛ̱ṣṭasya̱ dhṛtyai̍ | so
'kāmayata sau̱myama̍dhva̱ram̐ sṛ̍jeyeti̍ | sa e̱tam̐ sa̱ptaho̍tāramapaśyat | taṃ mana̍sānu̱drutyā̍hava̱nīye̍'juhot | tato̱ vai
sa sau̱myama̍dhva̱rama̍sṛjata

9.5

so̍'smātsṛ̱ṣṭo'pā̍krāmat | taṃ grahe̍ṇāgṛhṇāt | tadgraha̍sya graha̱tvaṃ | dī̱kṣi̱ṣyamā̍ṇaḥ | sa̱ptaho̍tāra̱ṃ mana̍sānu̱drutyā̍hava̱nīye̍ juhuyāt | sau̱myame̱vādhva̱ram̐ sṛ̱ṣṭvā''rabhya̱ prata̍nute | grahaubhavati | saumyasyādhvarasya sṛṣṭasya dhṛtyai | devebhyovai yajñona prābhavat | tametāvaccaḥ samabharan

9.6

yatsambhārāḥ | tatovai tebhyoyajñaḥ prābhavat | yatsambhārābhavanti | yajñasya prabhūtyai | ātithyamāsādya vyācaṣṭe | yajñamukhaṃ vāātithyaṃ | mukhataeva yajñam̐ sambhṛtyapratanute | ayajñovāeṣaḥ | yo'patnīkaḥ | na prajāḥ prajñāyeran || patnīrvyācaṣṭe | yajñamevākaḥ | prajānāṃ prajananāya | upasatsu vyācaṣṭe | etadvai patnīnāmāyatanaṃ | svaevaināāyatanaeva kalpayati

Commentaries (1)

Linked texts (1)