Vedarthayatna 1

Vedārthayatna 1

Language: Sanskrit

1.3

yasmā̱ ūmā̍so a̱mṛtā̱ arā̍sata rā̱yaspoṣa̍ṃ ca ha̱viṣā̍ da̱dāśuṣe̍
u̱kṣantya̍smai ma̱ruto̍ hi̱tā i̍va puru̱ rajā̍ṃsi̱ paya̍sā mayo̱bhuva̍ḥ

1.4

ā ye rajā̍ṃsi tavi̱ṣībhi̱ravya̍ta̱ pra va̱ evā̍saḥ svaya̍tāso adhrajan
bhaya̍nte̱ viśvā̱ bhuva̍nāni ha̱rmyā ci̱tro vo̱ yāma̍ḥ praya̍tāsvṛ̱ṣṭiṣu̍

1.5

yattve̱ṣayā̍mā na̱daya̍nta̱ parva̍tāndvivo vā̍ pṛ̱ṣṭhaṃ naryā̍ acyucyavuḥ
viśvo̍ vo a̱jmanbha̍yate̱ vana̱spati̍ rathī̱yantī̍va̱ pra ji̍hīta̱ oṣa̍dhiḥ

1.5-2

1.6

1
yū̱yaṃ na̍ ugrā marutaḥ su̱cetu̍nā̱riṣṭa̍grāmāḥ su̱ma̱tiṃ pi̍partana
yatrā̍ vo vi̱dyudrada̍ti kri̱virda̍tī ri̱ṇāti̍ pa̱śvaḥ su̱dhite̍va ba̱rhaṇā̍

1.7

pra skambhade̍ṣṇā anava̱bhrarā̍dhaso̱'lātṛ̍ṇāso vi̱dathe̍ṣu suṣṭu̱tāḥ
arca̍ntya̱rkaṃ ma̍dira̱sya pī̱taye̍ vi̱durvīra̱sya pra̍tha̱māni̱ pauṃsyā̍

1.7-2

1.8

śa̱tabhu̍jibhi̱stama̱bhihru̍tera̱ghātpūrbhī ra̍kṣatā maruto̱ yamāva̍ta
jana̍ṃ yamu̱grāsta̍vaso vira̱pśina̍ḥ pā̱thanā̱ śaṃsā̍tta̱naya̍sya pu̱ṣṭiṣu̍

1.8-2

pra skambhadeṣṇā anavabhrarādhasaḥ
aḷātṛṇāso vidatheṣu suṣṭutāḥ
arcanti arkaṃ madirasya pītaye
vidurvārasya prathamāni pauṃsiā
viśvā̍ni bha̱drā ma̍ruto̱ rathe̍ṣu vo mi̱thaḥspṛdhye̍va ta̱viṣā̱ṇyāhi̍tā
aṃse̍ṣvā va̱ḥ prapa̍theṣu khā̱dayo̱'kṣo̍ vaśca̱krā sa̱mayā̱ vi vā̍vṛte

1.9-2

1.10

bhūrī̍ṇi bha̱drā narye̍ṣu bā̱huṣu̱ vakṣa̍ḥsu ru̱kmā ra̍bha̱sāso̍ a̱ñjaya̍ḥ
a̱ṃseṣvetā̍ḥ pa̱viṣu̍ kṣu̱rā adhi̱ vayo̱ na pa̱kṣānvya̍nu̱ śriyo̍ dhire

Linked texts (1)

Śākala — Sanskrit