Rigveda 13
Vedārthayatna 13
- Language
- Sanskrit
13.1
sūktam 178.
agastya ṛṣiḥ| indro devatā| triṣṭup chandaḥ
yadadha̱ syā te̍ indra̱ śruṣṭi̱rasti̍ yayā̍ ba̱bhūrtha̍ ja̱ritṛbhya̍ ū̱tī
mā na̱ḥ kāma̍ ma̱haya̍ntamā dha̱gviśvā̍ te aśyā̱ṃ paryāpo̍ ā̱yoḥ
13.1-2
yat| ha̱| syā| te̱| i̱ndra̱| śru̱ṣṭiḥ| asti̍| yayā̍| ba̱bhūrtha̍| ja̱ri̱tṛ'bhya̍ḥ| ū̱tī
mā| na̱ḥ| kāma̍m| ma̱haya̍ntam| ā| dha̱k| viśvā̍| te̱| a̱śyā̱m
pari̍| āpa̍ḥ| ā̱yoḥ
13.2
na ghā̱ rājendrā̍ ā da̍bhanno̱ yā nu svasā̍rā kṛ̱ṇava̍nta̱ yonau̍
ārṣa̍ścidasmai sutukā̍ aveṣa̱ngame̍nna̱ indra̱ḥ sakhyā vaya̍śca
13.2-2
na | ghā̱ | rājā̍ | indra̍: | ā | da̱bha̱t | na̱: | yā | nu | svasā̍rā
kṛ̱ṇava̍nta | yonau̍
ārṣa̍: | ci̱t | a̱smai̱ | su̱'tu̱kāḥ | a̱ve̱ṣa̱n | gama̍t | na̱: | indra̍:
sakhyā̍ | vaya̍: | ca̱
13.3
jetā̱ nṛbhi̍rindraḥ pṛ̱tsu śūra̍ḥ śro̱tā hava̱ṃ nādha̍mānasya kā̱roḥ
pra̱bha̱rtā ratha̍ṃ dā̱śuṣa̍ u̱pāka̍ u̱dyantā̱ giro̱ yadi̍ ca̱ tmanā̱ bhūt
13.4
e̱vā nṛbhirindra̍ḥ suśrava̱syā pra̍khā̱daḥ pṛ̱kṣo a̱bhi mi̱triṇo̍ bhūt
sa̱ma̱rye iṣa̍ḥ stavate vi̱vāci̍ sa̱trāka̱ro yaja̍mānasya̱ śaṃsa̍ḥ
13.21
tvayā̍ va̱yaṃ ma̍ghavannindra̱ śatrū̍na̱bhi ṣyā̍ma ma̱hato ma̱nyamā̍nān
tvaṃ trā̱tā tvamu̍ no vṛ̱dhe bhūrvi̱dyāme̱ṣaṃ vṛ̱jana̍ṃ jī̱radā̍num ||5
13.5
tvayā̍ | va̱yam | ma̱ghava̱n | indra̍ | śatrūn | a̱bhi | syā̱ma̱ | ma̱hata̍ḥ
ma̱nyamā̍nān
tvam | trā̱tā | tvam | ū̱ṃ iti̍ | na̱ḥ | vṛ̱dhe | bhū̱ḥ | vi̱dyāma̍ | iṣa̍m
vṛ̱jana̍m | jī̱ra'dā̍num