Rigveda 16
Vedārthayatna 16
- Language
- Sanskrit
16.1
sūktam 181.
agastya ṛṣiḥ | aśvinau devatā | triṣṭup chandaḥ
kadu̱ preṣṭhā̍vi̱ṣāṃ ra̍yīṇā̱madhva̍ryantā̱ yadu̱nninī̍tho a̱pām
a̱yaṃ vā̍ṃ ya̱jño a̍kṛta̱ prarśa̍stiṃ vasu̱dhitī̍ avi̱tārā̱ janā̍nām
16.2
sūkta 181.
ṛṣi-agastya. devatā-aśvī. vṛtta-triṣṭubh.
ā vā̱maśvā̍sa̱ḥ śuca̍yaḥ paya̱spā vāta̍raṃhaso di̱vyāso̱ atyā̍:
mano̱juvo̍ vṛṣa̱ṇo vī̱tapṛ̍ṣṭhā̱ eha svarājī̍ a̱śvinā̍ vahantu
16.3
ā vā̱ṃ ratho̱'vani̍rna pra̱vatvā̍ntsṛprava̍ndhuraḥ suvi̱tāya̍ gamyāḥ
vṛṣṇa̍ḥ sthā̱tārā̱ mana̍so̱ javī̍yāna̱haṃpūrvo yaja̍to dhi̱ṣṇyā̱ yaḥ
16.4
i̱heha̍ jā̱tā sama̍vāvaśītāmare̱pasā̍ ta̱nvā̱3̱̍nāma̍bhi̱ḥ svaiḥ
ji̱ṣṇurvā̍ma̱nyaḥ su̍ma̱khasya̍ sū̱rirdi̱vo a̱nyaḥ su̱bhaga̍: pu̱tra ū̍he
16.4-2
i̱ha'i̍ha | jā̱tā | sam | a̱vā̱va̱śī̱tā̱m | a̱re̱pasā̍ | ta̱nvā̍ | nāma̍'bhiḥ | svaiḥ
ji̱ṣṇuḥ | vā̱m | a̱nyaḥ | su̱'ma̱khasya̍ | sū̱riḥ | di̱vaḥ | a̱nyaḥ | su̱'bhaga̍: | pu̱traḥ | ū̱he
16.5
pra vā̍ṃ nice̱ruḥ ka̍ku̱ho vaśā̱m̐ anu̍ pi̱śaṅgarūpa̱ḥ sada̍nāni gamyāḥ
harī̍ a̱nyasya̍ pīpayanta̱ vājai̍rma̱thrā rajā̍m̐syaśvinā̱ vi ghoṣai̍ḥ
16.5-2
25
pra | vā̱m | ni̱'ce̱ruḥ | ka̱ku̱haḥ | vaśā̍n | anu̍ | pi̱śaṅga̍'rūpaḥ | sa̱da̍nāni | ga̱myāḥ
harī̱ iti̍ | a̱nyasya̍ | pī̱pa̱ya̱nta̱ | vājai̍ḥ | ma̱thrā | rajā̍m̐si | a̱śvi̱nā̱
vi | ghoṣai̍ḥ
16.6
25
pra vā̍ṃ śara̱dvā̍nvṛṣa̱bho na niṣṣāṭ pū̱rvīra̍ṣaścarati̱ madhva̍ i̱ṣṇan
e̱vai̍ranyasya̍ pīpayanta̱ vājai̍rve̱ṣantī̱rūrdhvā na̱dyo̍ na āguḥ
16.6-2
pra | vā̱m | śa̱ra̱t'vā̍n | vṛ̱ṣa̱bhaḥ | na | niṣṣāṭ | pū̱rvīḥ | iṣa̍ḥ | ca̱ra̱ti̱ | madhva̍ḥ | i̱ṣṇan
e̱vaiḥ | a̱nyasya̍ | pī̱pa̱ya̱nta̱ | vājai̍ḥ | ve̱ṣantī̍ḥ | ū̱rdhvāḥ | na̱dya̍ḥ | na̱
ā | a̱guḥ
16.7
asarji vāṃ sthavi̍rā vedhasā̱ gīrbā̱ḷhe a̍śvinā tre̱dhā kṣara̍ntī
upa̍stutāvavata̱ṃ nārdha̍māna̱ṃ yāma̱nnayā̍mañchṛṇuta̱ṃ hava̍ṃ me
16.7-2
asarji̍ | vā̱m | sthavi̍rā | ve̱dha̱sā̱ | gīḥ | bā̱ḷhe | a̱śvi̱nā̱ | tre̱dhā
kṣara̍ntī
upa̍'stutau | a̱va̱ta̱m | nārdha̍mānam | yāma̍n | ayā̍man | śṛ̱ṇu̱ta̱m
hava̍m | me̱
16.8
u̱ta syā vā̍ṃ ruśa̍to va̱psa̍so̱ gīstriba̍rhiṣi̱ sada̍si pinvate̱ nṝn
vṛṣā̍ vāṃ me̱gho vṛ̍ṣaṇā pīpāya̱ gorna seke̱ manu̍ṣo da̱śa̱syan
16.8-2
u̱ta | syā | vā̱m | ruśa̍taḥ | va̱psa̍saḥ | gīḥ | tri'ba̍rhiṣi | sada̍si
pi̱nva̱te̱ | nṝn
vṛṣā̍ | vā̱m | me̱ghaḥ | vṛ̱ṣa̱ṇā̱ | pī̱pā̱ya̱ | goḥ | na | seke̍ | manu̍ṣaḥ
da̱śa̱syan
16.26
yu̱vāṃ pū̱ṣevā̍śvinā pu̱raṃdhi̍ra̱gnimu̱ṣāṃ na ja̍rate ha̱viṣmā̍n
hu̱ve yadvā̍ṃ variva̱syā gṛ̍ṇā̱no vi̱dyāme̱ṣaṃ vṛ̱jana̍ṃ jī̱radā̍num 9
16.9
yu̱vām | pū̱ṣā'i̍va | a̱śvinā̱ | pu̱raṃ'dhi̍: | a̱gnim | u̱ṣām | na
ja̱ra̱te̱ | ha̱viṣmā̍n
hu̱ve | yat | vā̱m | va̱ri̱va̱syā | gṛ̱ṇā̱naḥ | vi̱dyāma̍ | iṣa̍m | vṛ̱jana̍m
jī̱ra'dā̍num