Rigveda 19
Vedārthayatna 19
- Language
- Sanskrit
19.1
1
agastya ṛṣiḥ | dyāvāpṛthivyau devatā | triṣṭup chandaḥ
ka̱tarā̱ pūrvā̱ kata̱rāpa̍rā̱yoḥ ka̱thā jā̱te ka̍vaya̱ḥ ko vi ve̍da
viśva̍ṃ tmanā̍ bibhṛ̱to yaddha̱ nāma̱ vi va̍rtete̱ aha̍nī ca̱kriye̍va
19.1-2
ka̱tarā̍ | pūrvā̍ | ka̱tarā̍ | apa̍rā | a̱yoḥ | ka̱thā | jā̱te iti̍ | ka̱vaya̱ḥ | kaḥ | vi | ve̱da̱
viśva̍m | tmanā̍ | bi̱bhṛ̱taḥ | yat | ha̱ | nāma̍ | vi | va̱rte̱te̱ iti̍
aha̍nī̱ iti̍ | ca̱kriye̍'iva
19.2
sūkta 185.
ṛṣi- agastya. devatā- dyāvāpṛthivī. vṛtta-triṣṭubh.
1. he ṛṣīṃnoṃ, yā doghāṃtūna pahilī koṇa āṇi naṃtaracī koṇa, [ āṇi ] yā doghī kaśā jhālyā [ heṃ ] koṇa jāṇato ? jyāpekṣāṃ sakaḷa viśvālā hyā pratyeka svataṃtrapaṇeṃ dhāraṇa karitāta. [ hyā dyāvāpṛthivī ] divasa āṇi rātra cakrāṃnīṃ phiralyāpramāṇeṃ vegavegaḷyā phiratāta.
bhūri̱ṃ dve aca̍rantī̱ cara̍nta̱ṃ paddva̍nta̱ṃ garbha̍ma̱padī̍ dadhāte
nitya̱ṃ na sū̱nuṃ pi̱troru̱pasthe̱ dyāvā̍ rakṣataṃ pṛthi̱vī no̱ abhvā̍t
19.2-2
bhūri̍m | dve iti̍ | aca̍rantī̱ iti̍ | cara̍ntam | pa̱t'va̍ntam | garbha̍m
a̱padī̱ iti̍ | da̱dhā̱te̱ iti̍
nitya̍m | na | sū̱num | pi̱troḥ | u̱pa'sthe̍ | dyāvā̍ | ra̱kṣa̱ta̱m | pṛ̱thi̱vī
iti̍ | na̱ḥ | a̱bhvāt
19.3
a̱ne̱ho dā̱tramadi̍terana̱rvaṃ hu̱ve sva̍rvada̱vadha̱ṃ nama̍svat
tadroda̍sī janayataṃ ja̱ritrè dyāvā̍ rakṣataṃ pṛthi̱vī no̱ abhvā̍t
19.3-2
a̱ne̱haḥ | dā̱tram | adi̍teḥ | ana̱rvam | hu̱ve | sva̍ḥ'vat | ava̍dham
nama̍svat
tat | roda̍sī̱ iti̍ | ja̱na̱ya̱ta̱m | ja̱ritrè̍ | dyāvā̍ | ra̱kṣa̱ta̱m | pṛ̱thi̱vī
iti̍ | na̱ḥ | a̱bhvāt
19.4
ata̍pyamāne̱ ava̍sāvantī̱ anu̍ ṣyā̱ma̱ roda̍sī de̱vapu̍tre
u̱bhe de̱vānā̍mu̱bhaye̍bhirahrā̱ṃ dyāvā̍ rakṣataṃ pṛthi̱vī no̱ abhvā̍t
19.2-3
saṃgaccha̍māne yu̱vatī sama̍nte̱ svasā̍rā jā̱mī pi̱troru̱pasthe̍
a̱bhi̱jighra̍ntī̱ bhuva̍nasya̱ nābhi̱ṃ dyāvā̍ rakṣataṃ pṛthi̱vī no̱ abhvā̍t ||5
19.6
u̱rvī sa̱dmanī̍ bṛha̱tī ṛ̱tena̍ huve de̱vānā̱mava̍sā jani̱trī
dadhā̍te̱ ye a̱mṛta̍ṃ supratī̍ke̱ dyāvā̍ rakṣe̱taṃ pṛ̍thivī no a̱bhvā̍t
19.7
u̱rvī pṛ̍thvī ba̍hu̱le dū̱rea̍nte̱ upa̍ bruve nama̍sā ya̱jñe a̱smin
dadhā̍te̱ ye su̱bhage̍ supra̱tūrtī dyāvā̍ rakṣe̱taṃ pṛ̍thivī no a̱bhvā̍t
19.8
de̱vānvā̱ yacca̍kṛ̱mā ka̱ccidāga̱ḥ sakhā̍yaṃ vā̱ sada̱mijjā̱spati̍ṃ vā
i̱yaṃ dhīrbhūyā ava̱yāna̍meṣāṃ dyāvā rakṣataṃ pṛthivī no abhvā̍t
19.8-2
de̱vān | vā̱ | yat | ca̱kṛma̍ | kat | ci̱t | āga̍: | sakhā̍yam | vā̱
sada̍m | it | jā̱: pati̍m | vā̱
i̱yam | dhīḥ | bhū̱yā̱: | ava̍'yānam | e̱ṣā̱m | dyāvā̍ | ra̱kṣa̱ta̱m
pṛ̱thi̱vī iti̍ | na̱ḥ | a̱bhvā̍t
19.9
u̱bhā śaṃsā̱ naryā̍ māma̍viṣṭāmu̱bhe māmū̱tī ava̍sā sacetām
bhūri̍ ci̱darya̍ḥ su̱dāsta̍rāye̱ṣā ma̍da̱nta i̱ṣaye̍ma de̱vāḥ
19.9-2
u̱bhā | śaṃsā̍ | naryā̍ | mām | a̱vi̱ṣṭām | u̱bhe iti̍ | mām | ū̱tī iti̍
ava̍sā | sa̱cetā̱m
bhūri̍ | ci̱t | arya̍ḥ | su̱dāḥ'ta̍rāya | i̱ṣā | made̍ntaḥ | i̱ṣaye̍ma | de̱vā̱: