Vedarthayatna 3
Vedārthayatna 3
- Language
- Sanskrit
3.1
3
sūktam 167.
agastya ṛṣiḥ| ādyaindrī| śiṣṭā maruddevatākāḥ| triṣṭup chandaḥ
sa̱hasra̍ṃ ta indrotayo̍ naḥ sa̱hasra̍miṣo̍ harivo gurtata̍māḥ
sa̱hasra̍ṃ rā̱yo mādaya̍dhyai sa̱hasri̍ṇa̱ upa̍ no yantu̱ vājā̍:
3.1-2
sa̱hasra̍m| te̱| i̱ndra̱| ū̱taya̍:| na̱:| sa̱hasra̍m| iṣa̍:| ha̱ri̱'va̱:| gū̱rtta'ta̍māḥ
sa̱hasra̍m| rā̱yaḥ| mā̱daya̍dhyai| sa̱ha̱sriṇa̍:| upa̍| na̱:| ya̱ntu̱| vājā̍:
3.2
ā no̍ 'vòbhi̍rma̱ruto̍ yā̱ntvacchā̱ jyeṣṭhe̍bhirvā bṛha̱ddi̍vaiḥ su̱māyā̍ḥ
adha̱ yade̍ṣāṃ ni̱yuta̍ḥ pa̱ramāḥ sa̍mu̱drasya̍ ciddhanaya̍nta pā̱re
3.2-2
ā | na̱ḥ | ava̍'bhiḥ | ma̱ruta̍ḥ | yā̱ntu̱ | accha̍ | jyeṣṭhe̍bhiḥ | vā̱
bṛ̱hat'di̍vaiḥ | su̱'māyā̍ḥ
adha̍ | yat | e̱ṣām | ni̱'yuta̍ḥ | pa̱ramā̍ḥ | sa̱mu̱drasya̍ | cit | dhanaya̍nta | pā̱re
3.3
mi̱myakṣa̍ yeṣu̍ su̱dhi̍tā ghṛ̱tācī̱ hira̍ṇyarina̍gupa̍rā̱ na ṛ̱ṣṭiḥ
guhā̱ cara̍ntī̱ manu̍ṣo̱ na yoṣā̍ sa̱bhāva̍tī vi̱dathye̍va̱ saṃ vāk
3.3-2
mi̱myakṣa̍ | yeṣu̍ | su̱'dhi̍tā | ghṛ̱tācī̍ | hira̍ṇya'nirṇik | u̱pa̍rā | na
ṛ̱ṣṭiḥ
guhā̍ | cara̍ntī | manu̍ṣaḥ | na | yoṣā̍ | sa̱bhā'va̍tī | vi̱dathyā̍'iva
sam | vāk
3.4
parā̍ śu̱bhrā ayā̍so̱ yavyā̍ sā̱dhāra̱ṇye̍va ma̱ruto̍ mimikṣuḥ
na roda̍sī̱ apa̍ nudanta ghòrā ju̱ṣanta̍ vṛ̱dhaṃ sa̱khyāya̍ de̱vāḥ
3.4-2
parā̍ | śu̱bhrāḥ | ayā̍saḥ | yavyā̍ | sā̱dhāra̱ṇyā'i̍va | ma̱rutaḥ | mi̱mikṣuḥ
na | roda̍sī̱ iti̍ | apa̍ | nu̱da̱nta̱ | ghorāḥ | ju̱ṣanta̍ | vṛ̱dham | sa̱khyāya̍ | de̱vāḥ
3.5
joṣa̱dyadī̍masu̱ryā saca̍dhyai viṣi̍tastukā roda̍sī nṛ̱maṇā̍:
ā sūrye̍va vidha̱to ratha̍ṃ gā̱ttveṣa̍pratīkā̱ nabha̍so ne̱tyā
3.5-2
4
·joṣa̍t | yat | ī̱m | a̱su̱ryā | sa̱cadhyai̍ | vi'si̍ta'stukā | roda̍sī
nṛ̱'manā̍:
ā | sūryā̍'iva | vi̱dhataḥ | ratha̍m | gā̱t | tveṣa̍'pratīkā | nabha̍saḥ
na | i̱tyā
3.6
4
āsthā̍payanta yu̱vati̍ṃ yu̱vāna̍ḥ śu̱bhe nimi̍ślāṃ vi̱dathe̍ṣu pa̱jrām
a̱rko yadvo̍ maruto ha̱viṣmā̱ngāya̍dgā̱thaṃ su̍ta̱somo̍ duva̱syan
3.6-2
ā | a̱sthā̱pa̱ya̱nta̱ | yu̱vati̍m | yu̱vāna̍ḥ | śu̱bhe | ni'mi̍ślām | vi̱dathe̍ṣu | pa̱jrām
a̱rkaḥ | yat | va̱ḥ | ma̱ru̱ta̱ḥ | ha̱viṣmā̍n | gāya̍t | gā̱tham | su̱ta'somaḥ | du̱va̱syan
3.7
pra taṃ va̍vokma̱ vakmyo̱ ya e̍ṣāṃ ma̱rutā̍ṃ ma̱hi̱mā sa̱tyo asti̍
sa̱cā yadī̍ṃ vṛṣa̍maṇā aha̱myuḥ sthi̱rā ci̱jjanī̱rvaha̍te su̱bhāgā̍ḥ
3.7-2
pra | tam | vi̱va̱kmi̱ | va̱kmya̍ḥ | yaḥ | e̱ṣām | ma̱rutā̍m | ma̱hi̱mā | sa̱tyaḥ | asti̍
sacā̍ | yat | ī̱m | vṛṣa̍'manāḥ | a̱ha̱m'yuḥ | sthi̱rā | ci̱t | janī̍ḥ
vaha̍te | su̱'bhāgā̍ḥ
3.8
pānti̍ mi̱trāvaru̍ṇāvava̱dyāccyava̍yata̱ īma̍rya̱mo apra̍śastān
u̱ta cya̍vante̱ acyu̍tā dhru̱vāṇi̍ vāvṛdha̱ īṃ ma̍ruto dā̱tivā̍raḥ
3.8-2
pānti̍ | mi̱trāvaru̍ṇau | ava̱dyāt | cyava̍yate | īm | arya̱mo iti̍ | apra̍'śastān
u̱ta | cya̱va̱nte̱ | acyu̍tā | dhru̱vāṇi̍ | va̱vṛ̱dhe | īm | ma̱ru̱taḥ | dā̱ti'vāraḥ
3.9
na̱hī nu vo̍ maruto̱ antya̱sme ārā̍ttā̱ccicchava̍so̱ anta̍mā̱puḥ
te dhṛ̱ṣṇunā̱ śava̍sā śūśu̱vāṃso̱'rṇo na dveṣo̍ dhṛṣa̱tā pari̍ sthuḥ
3.9-2
na̱hi | nu | va̱ḥ | ma̱ru̱ta̱ḥ | anti̍ | a̱sme iti̍ | ā̱rāttā̍t | ci̱t
śava̍saḥ | anta̍m | ā̱puḥ
te | dhṛ̱ṣṇunā̍ | śava̍sā | śū̱śu̱'vāṃsa̍: | arṇa̍: | na | dveṣa̍: | dhṛ̱ṣa̱tā
pari̍ | sthu̱:
3.10
va̱yama̱dyendra̍sya̱ preṣṭhā̍ va̱yaṃ śvo vo̍cemahi sa̱marye̍
va̱yaṃ pu̱rā mahi̍ ca no̱ anu̱ dyūna̱ tanna̍ ṛbhukṣā na̱rāmanu̍ ṣyāt 10
va̱yam | a̱dya | indra̍sya | preṣṭhā̍: | va̱yam | śvaḥ | vo̱ce̱ma̱hi̱ | sa̱'marye̍
va̱yam | pu̱rā | mahi̍ | ca̱ | na̱ḥ | anu̍ | dyūn | tat | na̱ḥ | ṛ̱bhukṣāḥ
nṛ̱rām | anu̍ | syā̱t
3.5-3
e̱ṣa va̱ḥ stomo̍ maruta i̱yaṃ gīrmā̍ndā̱ryasya̍ mā̱nyasya̍ kā̱roḥ
e̱ṣā yā̍sīṣṭa ta̱nvai̍ va̱yāṃ vi̱dyāme̱ṣaṃ vṛ̱jana̍ṃ jī̱radā̍num ||11
3.5-4
e̱ṣa va̍ḥ stomo̍ maruta i̱yaṃ gīrmāndā̱ryasya̍ mā̱nyasya̍ kā̱roḥ
e̱ṣā yā̍sīṣṭa ta̱nvai̍ va̱yāṃ vi̱dyāme̱ṣaṃ vṛ̱jana̍ṃ jī̱radā̍num || 11
3.11
e̱ṣaḥ | va̱ḥ | stoma̍ḥ | ma̱ru̱ta̱ḥ | i̱yam | gīḥ | mā̱ndā̱ryasya̍ | mā̱nyasya̍
kā̱roḥ
ā | i̱ṣā | yā̱sī̱ṣṭa̱ | ta̱nvai̍ | va̱yām | vi̱dyāma̍ | i̱ṣam | vṛ̱jana̍m
jī̱ra'dā̍num
Linked texts (2)
- Śākala — Sanskrit
- Saṃhitāpadapāṭha — Sanskrit