Vedarthayatna 32
Vedārthayatna 32
- Language
- Sanskrit
32.1
23
sūktam 4–195.
bhārgavaḥ somāhutināmaka ṛṣiḥ | agnidevatā | triṣṭup chandaḥ
hu̱ve va̍ḥ su̱dyotmā̍naṃ su̱vṛ̱ktiṃ vi̱śāma̱gnima̍ti̱thiṃ su̱praya̍sam
mi̱tra i̍va̱ yo di̍dhi̱ṣāyyo̱ bhūddeva āde̍ve̱ jane̍ jā̱tave̍dāḥ
32.1-2
hu̱ve | va̱ḥ | su̱'dyo̱tmāna̍m | su̱'vṛ̱ktim | vi̱śām | a̱gnim | atti̍thim | su̱'praya̍sam
mi̱traḥ'i̍va | yaḥ | di̱dhi̱ṣāyya̍ḥ | bhūt | de̱vaḥ | ā'de̍ve | jane̍ | jā̱ta'vedāḥ
32.2
i̱maṃ vi̱dhanto̍ a̱pāṃ sa̱dhasthe̍ dvitā'da̍dhurbhṛga̍vo vi̱kṣvā̍1yoḥ
e̱ṣa viśvā̍nya̱bhya̍stu̱ bhūmā̍ de̱vānā̍ma̱gnira̍ra̱tirjīrā̍śvaḥ
32.2-2
i̱mam | vi̱dhanta̍ḥ | a̱pām | sa̱dha'sthe̍ | dvitā | ada̍dhuḥ | bhṛga̍vaḥ
vikṣu | āyoḥ
e̱ṣa | viśvā̍ni | a̱bhi | a̱stu̱ | bhūma̍ | de̱vānā̍m | a̱gniḥ | a̱ra̱tiḥ
jī̱ra'a̍śvaḥ
32.3
sūkta 4-195.
a̱gniṃ de̱vāso̱ mānu̍ṣīṣu vi̱kṣu priyaṃ dhu̍ḥ kṣe̱ṣyanto̱ na mi̱tram
sa dī̍dayadu̱śatī̱rūrmyā̱ ā da̱kṣāyyo̱ yo dāsva̍te̱ dama̱ ā
32.3-2
a̱gnim | de̱vāsa̍ḥ | mānu̍ṣīṣu | vi̱kṣu | priyam | dhu̱ḥ | kṣe̱ṣyanta̍ḥ | na | mi̱tram
saḥ | dī̱daya̍t | u̱śatī̍ḥ | ū̱rmyā̍ḥ | ā | da̱kṣāyya̍ḥ | yaḥ | dā̱sva̍te
dame̍ | ā
32.4
a̱sya ra̱ṇvā sva̱sye̍va pu̱ṣṭiḥ saṃdṛ̍ṣṭirasya hi̱yānasya̱ dakṣo̍ḥ
vi yo bhari̍bhra̱doṣa̍dhīṣu ji̱hvāmatyo̱ na rathyo̍ dodhavī̱ti vārā̍n
32.4-2
a̱sya | ra̱ṇvā | sva̱sya̍'iva | pu̱ṣṭiḥ | sam'dṛ̍ṣṭiḥ | a̱sya | hi̱yānasya̍
dha̱kṣoḥ
vi | yaḥ | bhari̍bhrat | oṣa̍dhīṣu | ji̱hvām | atya̍ḥ | na | rathya̍ḥ
dodha̍vīti | vārā̍n
32.24
ā yanme̱ abhva̍ṃ vana̱daḥ pa̍nanto̱śigbhyo̱ nāmi̍mīta̱ varṇa̍m
sa ci̱treṇa̍ cikite̱ raṃsu̍ bhā̱sā ju̱jurvāṃ yo muhu̍rā yu̱vā bhūt
32.6
ā yo vanā̍ tātṛ̱ṣāṇo na bhāti̍ vā̱rṇa pa̱thā ra̱thye̍va svānīt
kṛ̱ṣṇādhvā̱ tarpū̍ ra̱ṇvaści̍keta̱ dyauri̍va smaya̍māno̱ nabho̍bhiḥ
32.7
sa yo vyasthā̍da̱bhi dakṣa̍durvī pa̱śunaiti̍ sva̱yura̱gopā̍ḥ
a̱gniḥ śo̱ciṣmā̍m̐ a̱ta̱sānyuṣṇankṛ̱ṣṇavya̍thirasvadaya̱nna bhūma̍
32.7-2
saḥ | yaḥ | vi | asthā̍t | abhi | dhakṣa̍t | u̱rvīm | pa̱śuḥ | na
e̱ti̱ | sva̱'yuḥ | a̱gopāḥ
a̱gniḥ | śo̱ciṣmā̍n | a̱ta̱sāni̍ | u̱ṣṇan | kṛ̱ṣṇa'vya̍thiḥ | a̱sva̱da̱yat | na | bhūma̍
32.8
nū te̱ pūrva̍syā̱vaso̱ adhī̍tau tṛ̱tīye̍ vi̱dathe̍ manma̱ śaṃsi̍
a̱sme a̍gne sa̱ṃyadvī̍raṃ bṛ̱hanta̍ṃ kṣu̱manta̱ṃ vāja̍ṃ sva̱pa̱tyaṃ ra̱yiṃ dā̍ḥ
32.8-2
nu | te̱ | pūrva̍sya | ava̍saḥ | adhi̍'itau | tṛ̱tīye̍ | vi̱dathe̍ | manma̍
śaṃsi̱
a̱sme iti̍ | a̱gne̱ | sa̱ṃyat'vī̍ram | bṛ̱hanta̍m | kṣu̱'manta̍m | vāja̍m
su̱'a̱pa̱tyam | ra̱yim | dāḥ
32.25
tvayā̱ yathā̍ gṛ̱tsama̍dāso̱ agne̱ guhā̍ va̱nvanta̱ upa̍rām̐ a̱bhi syuḥ
su̱vīrā̍so abhimāti̱ṣāha̱ḥ smatsūribhyo̍ gṛṇa̱te tadvayo̍ dhāḥ||9
32.9
tvayā̍ | yathā̍ | gṛ̱tsa̱'ma̱dāsa̍ḥ | a̱gne | guhā̍ | va̱nvanta̍ḥ | upa̍rān | a̱bhi
syuḥ iti̍ syuḥ
su̱'vīrā̍saḥ | a̱bhi̱mā̱ti̱'saha̍ḥ | smat | sū̱ri̱'bhya̍ḥ | gṛ̱ṇa̱te | tat
vaya̍ḥ | dhāḥ
Linked texts (2)
- Śākala — Sanskrit
- Saṃhitāpadapāṭha — Sanskrit