Pramāṇa · Search · About · API

Vedarthayatna 6

Vedārthayatna 6

Language
Sanskrit

6.1

9
sūktam 170.
na nū̱nama̱sti no śvaḥ kastadve̍da̱ yadadbhu̍tam
a̱nyasya̍ ci̱ttama̱bhi saṃca̍reṇyamu̱tādhī̍ta̱ṃ vi na̍śyati

6.1-2

na| nū̱nam| asti̍| no iti̍| śvaḥ| kaḥ| tat| ve̱da̱| yat
adbhu̍tam
a̱nyasya̍| ci̱ttam| a̱bhi| sam'ca̱reṇya̍m| u̱ta| ā'dhī̍tam| vi
na̱śya̱ti̱

6.2

kiṃ no̍ indra jighāṃsasi̱ bhrāta̍ro ma̱ruta̱stava̍
tebhi̍: kalpasva sādhuyā mā no̍: sama̱raṇe̍ vadhīḥ

6.2-2

kim | na̱ḥ | i̱ndra̱ | ji̱ghā̱ṃsa̱si̱ | bhrāta̍raḥ | ma̱ruta̍ḥ | tava̍
tebhi̍ḥ | ka̱lpa̱sva̱ | sā̱dhu̱'yā | mā | na̱ḥ | sa̱m'a̍ra̱ṇe | va̱dhīḥ

6.3

kiṃ no̍ bhrātara̱gastya̱ sakhā̱ sannati̍ manyase
vi̱dmā hi te̱ yathā̱ mano̱'smabhya̱minna ditsa̍si

6.3-2

kim | na̱ḥ | bhrāta̱ḥ | a̱ga̱stya̱ | sakhā̍ | san | ati̍ | ma̱nya̱se̱
vi̱dma | hi | te̱ | yathā̍ | mana̍ḥ | a̱smabhya̍m | it | na | ditsa̍si

6.4

ara̍ṃ kṛṇvantu ve̱diṃ sama̱gnimi̍ndhatāṃ pu̱raḥ
tatrā̱mṛta̍sya̱ ceta̍naṃ ya̱jñaṃ te̍ tanavāvahai

6.4-2

ara̍m | kṛ̱ṇva̱ntu̱ | ve̱dim | sam | a̱gnim | i̱ndha̱tā̱m | pu̱raḥ
tatra̍ | a̱mṛta̍sya | ceta̍nam | ya̱jñam | te̱ | ta̱na̱vā̱va̱hai̱

6.10

tvamī̍śiṣe vasupate̱ vasū̍nā̱ṃ tvaṃ mi̱trāṇā̍ṃ mitrapate̱ dheṣṭha̍:
indra̱ tvaṃ ma̱rudbhi̍: saṃ va̍dasvā̱dha prāśā̍na ṛ̱tuthā ha̱vīṃṣi̍ ||5

Linked texts (3)