Vedarthayatna 7
Vedārthayatna 7
- Language
- Sanskrit
7.1
sūktam 171.
agastya ṛṣiḥ maruto devatā | tatrādye dve kevalamaruddevatāke śiṣṭāścatasro
marutvadindradevatākāḥ | triṣṭup chandaḥ
prati̍ va̱ enā̱ nama̍sāhame̍mi sū̱ktena̍ bhikṣe sumatiṃ tu̱rāṇā̍m
ra̱rāṇatā̍ maruto ve̱dyābhi̱rni heḷo̍ dhatta̱ vi mu̍ñcadhva̱maśvā̍n
7.1-2
prati̍ | va̱ḥ | e̱nā | nama̍sā | a̱ham | e̱mi̱ | su̱'u̱ktena̍ | bhikṣe̱ | su̱'ma̱tim | tu̱rāṇā̍m
ra̱rāṇatā̍ | ma̱ru̱ta̱ḥ | ve̱dyābhi̍ḥ | ni | heḷa̍ḥ | dha̱tta̱ | vi | mu̱ñcudhva̱m
aśvā̍n
7.2
e̱ṣa va̍ḥ stomo̍ maruto̱ nama̍svānhṛ̱dā ta̱ṣṭo mana̍sā dhāyi devāḥ
u̱pemā yā̍ta̱ mana̍sā juṣā̱ṇā yū̱yaṃ hi ṣṭhā nama̍sa̱ idṛ̱dhāsa̍ḥ
7.2-2
e̱ṣaḥ | va̱ḥ | stoma̍ḥ | ma̱ru̱ta̱ḥ | nama̍svān | hṛ̱dā | ta̱ṣṭaḥ | mana̍sā
dhāyi̱ | de̱vā̱ḥ
upeti̍ | ī̱m | ā | yā̱ta̱ | mana̍sā | ju̱ṣā̱ṇāḥ | yū̱yam | hi | stha
nama̍saḥ | it | vṛ̱dhāsa̍ḥ
7.3
stu̱tāso̍ no ma̱ruto̍ mṛḷayantū̱ta stu̱to ma̱ghavā̱ śambha̍viṣṭhaḥ
ū̱rdhvā na̍ḥ santu kòmyā̱ vanā̱nyahā̍ni̱ viśvā̍ maruto jigī̱ṣā
7.3-2
stu̱tāsa̍ḥ | na̱ḥ | ma̱ruta̍ḥ | mṛ̱ḷaya̱ntu̱ | u̱ta | stu̱taḥ | ma̱gha'vā̍ | śam'bhaviṣṭhaḥ
ū̱rdhvā | na̱ḥ | sa̱ntu̱ | komyā̍ | vanā̍ni | ahā̍ni | viśvā̍ | ma̱ru̱ta̱ḥ
ji̱gī̱ṣā
7.4
a̱smāda̱haṃ ta̍vi̱ṣādīṣa̍māṇa̱ indrā̍dbhi̱yā ma̍ruto̱ reja̍mānaḥ
yu̱ṣmabhya̍ṃ ha̱vyā niśi̍tānyā̱sannantyāre ca̍kṛmā mṛ̱ḷatā̍ naḥ
7.4-2
a̱smāt | a̱ham | ta̱vi̱ṣāt | īṣa̍māṇaḥ | indrā̍t | bhi̱yā | ma̱ru̱ta̱ḥ
reja̍mānaḥ
yu̱ṣmabhya̍m | ha̱vyā | ni'śi̍tāni | ā̱san | tāni̍ | ā̱re | ca̱kṛ̱ma̱
mṛ̱ḷata̍ | na̱ḥ
7.5
yena̱ mānā̍saścitaya̍nta u̱srā vyu̍ṣṭiṣu̱ śava̍sā̱ śaśva̍tīnām
sa no̍ ma̱rudbhi̍rvṛṣabha̱ śravo̍ dhā u̱gra u̱grebhi̍ḥ sthavi̍raḥ saho̱dāḥ
7.5-2
yena̍ | mānā̍saḥ | citaya̍nte | u̱srāḥ | vi'u̍ṣṭiṣu | śava̍sā | śaśva̍tīnām
saḥ | na̱ḥ | ma̱rut'bhi̍ḥ | vṛ̱ṣabha̱ | śrava̍ḥ | dhāḥ | u̱graḥ | u̱grebhi̍ḥ
sthavi̍raḥ | sa̱ha̱ḥ'dāḥ
7.11
tvaṃ pā̍hīndra sahīyaso nṝnbhavā̍ ma̱rudbhi̍ravayātaheḷāḥ
su̱pra̱ke̱tebhi̍ḥ sā̱sa̱hirdadhā̍no vi̱dyāme̱ṣaṃ vṛ̱jana̍ṃ jī̱radā̍num ||6
7.6
tvam | pā̱hi̱ | i̱ndra̱ | sahī̍yasaḥ | nṝn | bha̱va̱ | ma̱rut'bhi̍ḥ | a̱va̱yāta̍'heḷāḥ
su̱'pra̱ke̱tebhi̍ḥ | sa̱sa̱hiḥ | dadhā̍naḥ | vi̱dyāma̍ | iṣa̍m | vṛ̱jana̍m | jī̱ra'
dā̍num
Linked texts (1)
- Śākala — Sanskrit