Angirasi 108

Aṅgirasī 108

yaste̍ ma̱nyo'vi̍dhadvajra sāyaka̱ saha̱ oja̍ḥ puṣyati̱ viśva̍mānu̱ṣak
sā̱hyāma̱ dāsa̱mārya̱ṃ tvayā̍ yu̱jā va̱yaṃ saha̍skṛtena̱ saha̍sā̱ saha̍svatā

ma̱nyurindro̍ ma̱nyure̱vāsa̍ de̱vo ma̱nyurhotā̱ varu̍ṇo jā̱tave̍dāḥ
ma̱nyurviśa̍ īḍate̱ mānu̍ṣīryāḥ pā̱hi no̍ manyo̱ tapa̍sā sa̱joṣā̍:

abhī̍hi manyo ta̱vasa̱stavī̍yāṉtapa̍sā yu̱jā vi ja̍hi̱ śatrū̍n
a̱mi̱tra̱hā vṛ̍tra̱hā da̍syu̱hā ca̱ viśvā̱ vasū̍nyā bha̍rā̱ tvaṃ na̍:

tvaṃ hi ma̍nyo a̱bhibhū̍tyojāḥ svaya̱ṃbhūrbhāmo̍ abhimāti̱ṣāha̍:
vi̱śvaca̍rṣaṇi̱ḥ sahi̍ri̱ḥ sahī̍yāṉsmāsvoja̱ḥ pṛta̍nāsu dhehi

a̱bhā̱gaḥ sannapa̱ pare̍to asmi̱ tava̱ kratvā̍ tavi̱ṣasya̍ pracetaḥ
taṃ tvā̍ manyo akraturjihīḍā̱haṃ svā ta̱nūrba̍la̱dāvā na̱ ehi̍

a̱yaṃ te̍ a̱smyupa̍ na̱ ehyarvāṅ pra̍tīcī̱naḥ sa̍hure viśvadāvan
manyo̍ vajrinna̱bhi na̱ ā va̍vṛtsva̱ hanā̍va̱ datyūm̐ru̱ta bo̍dhyā̱peḥ

a̱bhi prehi̍ dakṣiṇi̱to bha̍vā̱ no'dhā̍ vṛ̱trāṇi̍ jaṅghanāva̱ bhūri̍
ju̱homi̍ te dha̱ruṇa̱ṃ madhvo̱ agra̍mu̱bhāve̍puā̱ṃśu pra̍tha̱mā pi̍bāva

Linked texts (3)