Angirasi 111
Aṅgirasī 111
- Language
- Sanskrit
111.1
ṛṣiḥ- prajāpatiḥ || devatā - prattimṛtyuḥ
chandaḥ- 1, 2, 4-7 triṣṭup; 3 bhurijjagatī
yamo̍da̱naṃ pra̍tha̱majā ṛ̱tasya̍ pra̱jāpa̍ti̱stapa̍sā̱ brahma̍ṇe'pacat
yo lo̱kānā̍ṃ vi̱dhṛti̱rnābhi̍re̱ṣāntenau̍da̱nenāti̍ tarāṇi mṛ̱tyum
111.2
yenātara̍nbhūta̱kṛto'ti̍ mṛ̱tyuṃ yamanvavi̍nda̱ntapa̍sā śrame̍ṇa
yaṃ pa̱pāca̍ brahma̍ṇe̱ brahma̱ pūrva̱ṃ tenau̍da̱nenāti̍ tarāṇi mṛ̱tyum
111.3
yo dā̱dhāra̍ pṛthi̱vīṃ vi̱śvabhau̍jasa̱ṃ yo a̱ntari̍kṣamārpṛ̱ṇādrasene̍
yo asta̍mbhāddi̱vamū̱rdhvo ma̍hi̱mnā tenau̍da̱nenāti̍ tarāṇi mṛ̱tyum
111.4
yasmānmāsā̱ nirmi̍tāstri̱ṃśada̍rāḥ saṃvatsa̱ro yasmānnirmi̍to dvāda̍śāraḥ
a̱ho̱rā̱trā yaṃ pari̱yanto̱ nāpu̱stenau̍da̱nenāti̍ tarāṇi mṛ̱tyum
111.5
yaḥ prāṇa̱daḥ prā̱ṇada̱vānba̱bhūva̱ yasmai̍ lo̱kā ghṛ̱tava̍ntaḥ kṣara̍nti
jyoti̍ṣmatīḥ pra̱diśo̱ yasya̱ sarvā̱stenau̍da̱nenāti̍ tarāṇi mṛ̱tyum
111.6
yasmā̍tpa̱kādamṛta̱ṃ saṃba̱bhūva̱ yo gā̍ya̱tryā adhi̍pa̱tirba̱bhūva̍
yasmi̱nvedā̱ nihi̍tā vi̱śvarū̍pā̱stenau̍da̱nenāti̍ tarāṇi mṛ̱tyum
111.7
ava̍ bādhe dviṣa̱nta̍ṃ de̱vapī̍yuṃ sa̱patnā̱ ye me'pa̱ te bha̍vantu
bra̱hmoda̱naṃ vi̍śva̱jita̍ṃ pacāmi śṛ̱ṇvantu̍ me śraddadhā̍nasya de̱vāḥ
Linked texts (2)
- Atharvaveda — Sanskrit
- Śaunakasaṃhitā — Sanskrit