Angirasi 112
Aṅgirasī 112
- Language
- Sanskrit
112.1
ṛṣiḥ - cātanaḥ || devatā - satyaujā agniḥ
chandaḥ- 1-8, 10 anuṣṭup 9 bhurigamanuṣṭup
tāntsatyaujāḥ pra da̍hatva̱gnirvai̍śvāna̱ro vṛṣā̍
yo nau̍ du̱rasyāddi̍psā̱ccātho̱ yo nau̱ arā̍tiyāt
112.2
yo no̱ dipsa̱dadi̍psato̱ dipsa̍to̱ yaśca̍ dipsa̍ti
vai̱śvā̱na̱rasya̍ da̱ṃṣṭrayora̱bherapi̍ dadhāmi̱ tam
112.3
ya āga̍re mṛgaya̍nte prati̱krośa̍'māvāsye̍
ka̱vyādo̍ a̱nyānrdipsa̍taḥ sarvā̱ṃstānthsaha̍sā sahe
112.4
sahe̍ pi̱śācānthsaha̍saiṣāṃ dravi̍ṇaṃ dade
sarvā̱ṃndura̱syato̍ hanmi̱ saṃ ma̱ ākū̍tirṛdhyatām
112.5
ye de̱vāstena̱ hāsa̍nte sūrye̍ṇa mimate javam
na̱dīṣu parva̍teṣu̱ ye saṃ taiḥ pa̱śubhi̍rvide
112.6
tapa̍no asmi pi̱śācānāṃ vyā̱ghro goma̍tāmiva
śvā̍na̱ḥ siṃha̍miva dṛ̱ṣṭvā te na vi̍ndante̱ nyañca̍nam
112.7
na pi̱śācai̱ḥ saṃ śa̍knomi̱ na ste̱nairna va̍na̱rgubhi̍ḥ
pi̱śācāstasmāṃnna̍śyanti̱ yamahaṃ grāma̍mā̱viśe̍
112.8
yaṃ grāma̍mā̱viśa̍ta̱ṃ idamu̱graṃ saho̱ mama̍
pi̱śācāstasmāṃnna̍śyanti̱ na pā̱pamupa̍ jānate
112.9
ye māṃ kro̱dhaya̍nti lapitā ha̱stina̍ṃ ma̱śakā̍ iva
tānha̍ṃ ma̍nye̱ durhi̍tā̱ñjane̱ alpa̍śāyūniva
112.10
a̱bhi taṃ nirṛ̍tirdhattā̱maśva̍mivāśvābhi̱dhānyā̍
mū̱lvo yo mahya̍ṃ krudhya̍ti̱ sa u̱ pāśā̱nna mu̍cyate
Linked texts (2)
- Atharvaveda — Sanskrit
- Śaunakasaṃhitā — Sanskrit