Angirasi 114
Aṅgirasī 114
- Language
- Sanskrit
114.1
u̱dbhi̱ndutīṃ sa̱ṃjaya̍ntīma̱psarāṃ sā̍dhude̱vinī̍m
gla̱he kṛ̱tāni̍ kṛ̱ṣṇānāma̱psarāṃ tāmi̱ha hu̍ve
114.2
vi̱ci̱nva̱tīmākira̍ntīma̱psarāṃ sā̍dhude̱vinī̍m
gla̱he kṛ̱tāni̍ gṛhṇā̱nāma̱psarāṃ tāmi̱ha hu̍ve
114.3
yāyai̍ḥ pari̱nṛtya̍tyāda̱dānā̍ kṛ̱taṃ gla̱hāt
sā na̍ḥ kṛ̱tāni̍ sīṣatī̱ prahā̍māpnotu mā̱yayā̍
sā na̱ḥ parya̍stvakṣaitu mā nau̍ jaiṣu̱ridaṃ dhanam
114.4
yā a̱kṣeṣu̍ pra̱moda̍nte śuca̍ kro̱dhaṃ ca̱ bibhra̍tī
ā̱na̱ndinī̍ṃ pra̱modi̍nīma̱psarā̱ṃ tāmi̱ha hu̍ve
114.5
sūrya̍sya ra̱śmīnanu̱ yāḥ sa̱ṃcara̍nti marīcī̍rvā̱ yā anu̱sa̱ṃcara̍nti
yāsā̍mṛṣa̱bho dū̱rato vā̱jinī̍vāntsa̱dyaḥ sarvām̐llo̱kānpa̱ryeti̱ rakṣa̍n
sa na̱ aitu̍ ho̱mami̱maṃ ju̍ṣā̱ṇo'̱ntari̍kṣeṇa sa̱ha vā̱jinī̍vān
114.6
a̱ntari̍kṣeṇa sa̱ha vā̱jinī̍vanku̱rkīṃ va̱tsāmi̱ha rakṣa̍ vājin
i̱me tai sto̱kā ba̍hu̱lā ehya̱rvāṅyaṃ tai ku̱rkīha te̱ mano̍stu
114.7
a̱ntari̍kṣeṇa sa̱ha vā̱jinī̍vanku̱rkīṃ va̱tsāmi̱ha rakṣa̍ vājin
a̱yaṃ ghā̱so a̱yaṃ vra̱ja i̱ha va̱tsāṃ ni ba̍dhnīmaḥ | yathā̱nāma̱ vaṃ īśa̍mahe̱ svāhā̍
Linked texts (2)
- Atharvaveda — Sanskrit
- Śaunakasaṃhitā — Sanskrit